في بيت أحمد
بعد ما اتغدينا انا وامل، أمل روحت كان يومها فى الشركة خلص، وأنا كملت شغلي لحد ما روحت في ميعادي ،صليت واتعشينا وقعدنا نتفرج على فيلم.
فاتن: "أحمد، أحمد!"
كنت مشغول في الشات مع امل ومش منتبه.
ندي بصوت عالي: "اللي واخدك مننا يا عم أحمد!"
أحمد بإحراج: "في حاجة؟"
فاتن بضحك: "بنادي عليك بقالي شوية يا حبيبي، وانت ولا هنا!"
أحمد بإحراج وقفل مع امل: "كنت بكلم أمل وماخدتش بالي، حقك عليا ياست الكل."
فاتن: "ولا يهمك يا حبيبي."
أحمد: "ها، كنتِ هتقولي إيه؟"
فاتن: "إنت يا بني هتنزل تجيب الشبكة إمتى؟"
أحمد: "لسه ما اتفقناش على ميعاد، بس ممكن بعد شهر مثلاً ننزل نجيبها، عشان أمل عاوزة تعمل شبكة كبيرة."
ندي بفرحة: "أيوة أخيرًا هيبقى عندنا فرح!"
ونسيبهم يتكلموا براحتهم عن الشبكة بحماس
---------------------
في بيت آية، كانت بتكلم شذى على واتس:
آية بقلق: "أنا قلقانة اوي على يقين يا شذى."
شذى بتساؤل: "هي مبتنزلش الكلية ليه؟ بقالها أسبوع كده."
آية: "مش عارفة، وكل ما أرن عليها، فونها مغلق. بعتتلها على الواتس، وقافلة من أسبوع، أنا قلقانة عليها اوي .
شذى: "أكيد في حاجة حصلت معاها."
آية: "فكرت أروح لها بس اتحرجت، ممكن مش حابة حد يروح لها؟ أو يمكن في مشاكل عندهم."
شذى: "استني كمان كام يوم، ولو مَنزلتش الكلية
هنروح أنا وأنتِ لها."
كان واضح إن في حاجة غريبة بتحصل مع يقين، وآية كانت حاسة إن في حاجة مش طبيعية، وده قلقها علي صحبتها.
--------------------
في بيت أمل، بعد ما أحمد قال لها إنه هيكمل معاها كلام بعدين عشان مامته عاوزاه ، أمل قررت تكلم هايدي على الواتس.
أمل: "بت بت يا هايدي، بتعملي إيه؟"
هايدي: "ولا حاجة، وأنتِ؟"
أمل: "كنت بكلم أحمد ومامته نادته، هيكلمها ونتكلم."
هايدي: "أمممم، أمل عايزة اسألك سؤال كده؟"
أمل: "اسألي ياختي هو انتي هتستأذني؟!"
هايدي: "هو انتي ازاى ارتبطي بأحمد بسرعة كده،وشيلتي انس من دماغك؟!."
أمل: "أنس إيه وزفت إيه؟ بس."
هايدي: "زفت؟! يا بنتي انتي كنتي قرفاني بيه! دلوقت أنس بقي ملوش لازمة!"
أنت تقرأ
بطلة غير مثالية
Romanceكل ما حولي يخبرني أنني اتوهم لا وجود للحب فى هذا العالم . يبدوا أن الحب موجود ولكنه لا يعرف طريقي 💔. شير للرواية https://www.wattpad.com/story/382089409?utm_source=android&utm_medium=com.whatsapp&utm_content=share_reading&wp_page=reading&wp_uname=u...
