ياغاية نوفل ومناه

بارت ٢٤

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : iiwwrrf
الكاتبه : الحور ( ام ابراهيم )
تنويه : الروايه خياليه تماماً

________________________

.
كان متعمد مايكلمها ابداً ،
جابر اشر : بالكتف مباشره هنا
مد يدينه البارده لها وكان بيخيط الجرح لكن بعد يده عن كتفها اول ما بعدت عنه ،
نياف التفت على جابر : قل للممرضه تخيطه احسن
محمد بحده : لا انت اللي خطيه
التفت نياف : خالي ماينفع كذا شوف كيف البنت بعدت عني ! وبعدين ماتغار على بنتك ! والبنت بكبرها ماتبيني وواضح انها مجبوره انها تسكت !
التفتت سعاد عليه ونطقت بدموع : من قال اني مابيك ؟؟؟ انا اب..
سكتت يوم ابوها تقدم لها وشال العقال عن راسه لكن توقف اول ما نياف اعطاه ظهره ، كان قدامها وماد يدينه من يمين ويسار عشان العقال مايجيها ولو جاه العقال ماهمه الاهم ان سعاد مايجيها شي ، جابر مسك راسه وهو يشوف محمد اللي كان مصدوم من تصرف نياف ،
محمد بصدمه : كنت مكذب ان بينكم شي والحين تأكدت وش بينكم يابنت الكلب والشرهه مو على امك الشرهه علي انا اللي وافقت على زواجها من ابوك اللي جابك
نياف فتح عيونه بصدمه وهو يسمع ،
كمل محمد : سودت وجه ابوك الله يسود وجهك
سعاد انصدمت من كلام ابوها يومنه قال : وانتي اذا طلبتي الطلاق مالك رجعه لبيتي تجلسين ببيت ولد عمك يابنت الكلب والشرهه علي اللي تزوجت وجبتك
نياف التفت عليه : وان ماتزوجته وش بتسوي ؟؟؟
ضحك محمد : بصير قتال ولد اخو زوجته
نياف التفت على جابر : طلعه بخيط جرح البنت ماتسوى نتكلم بمواضيع ماراح تصير ولا بتصير
جابر بتردد : اءء عمي
محمد حط عقاله على راسه وطلع برا ،
نياف : قل لوحده من الممرضات تجي
جابر : حاضر
كان بيطلع جابر لكن توقف يوم نطقت سعاد : ابي نياف اللي يخيط جرحي
تصنم نياف بمكانه من كلامها ، جابر ضحك ونطق : زين اجل اخليكم
نياف رفع نظره لجابر : ولد هي جابر وين رايح
جابر وهو ماسك ضحكته : ماينفع ازعج المريض كذا
طلع من الغرفه وهو يضحك ، كان محمد يتضرس برا وينتظر بس لين تخلص ويغسل شراعها ،

- بالغرفه -

سعاد تعدلت وكانت مغطيه وجهها وفاكه عباتها ومطلعه كتفها وكان نياف متردد ، اخذ نفس ومد يدينه وصار يخيط الجرح ، ماكان كبير نفس اللي برجولها لكن كان عميق ، غمضت عيونها وصار يخيط الجرح ، بعد دقايق خلص ونطق : خلصنا كذا
سعاد نزلت دموعها : رغم اللي سويته مانفع فيه
نياف ضاق صدره وهو يسمعها تكمل بدموعها : ماني فاهمه ليه ابوي يعاملني كذا
اخذ نياف نفس ونطق بصوت هادي : سعاد
التفتت سعاد له وكمل : ما كنت ابيك تمرين باللي مريتي فيه الحين وانا ما راح اتركك تتحملين كل شي لحالك لو الكل بيوقف بوجهي انا معك ولا بتركك
سعاد رفعت نظرها له وعيونها مليانه دموع : حتى لو وقفو بيننا كلهم؟ حتى لو كنت انت السبب اللي زعل ابوي مني؟
التفت نياف عنها للحظه وكانت كلماتها هذي مثل السكين بظهره ، رد بحده : انا ما جبرت احد على شي ولا ابيك تكونين معي وانتي خايفه او مكسوره اذا تبين تتركيني ما راح اوقفك
سعاد طالعت له بصدمه : هذا اللي تبيه؟؟
هز راسه بسرعه وطالع لها مباشره : لا بس ابيك تختارين بنفسك لأنك اذا ما اخترتي ما راح تكونين سعيده وانا ما اتحمل اشوفك حزينه والمفروض انك مفهمه ابوك بهداوه
نطقت بصوت هادي : اخترتك نياف حتى لو كان كل شي ضدي .. انا اخترتك
سكت ولا عرف كيف يرد عليها ، الباب انفتح وجابر دخل وهو يضحك : هاه؟ خلصتو؟ والله كنت خايف ارجع وألقى ابو سعاد ماسح بك البلاط
نياف تنهدت بتنهيته طويله وهو يحاول يهدي اعصابه : يا ولد ما عندك شغل غيرنا؟
جابر جلس على الكرسي وهو يضحك : والله انتم شغلي الوحيد الحين
ضحك نياف بخفه وسكت والغرفه ماصار فيها الاصوت الهدوء ، سعاد تحاول تلم شتات نفسها بعد الكلام اللي قالته ، محمد سمع كل شي وتعمد يدخل فجأه بعد هدوئكم ، دخل محمد بعقاله واللي كان شاد عليه بيده وصرخ وهو يشير لسعاد : قومي معي يا عديمة الحيا ! تسودين وجهي قدام الناس؟ اقولك لا تتكلمين معه وتسوين اللي براسك !!!!
سعاد قامت وهي ترتجف وتحاول تبرر : يبه اسمعني ء..
قاطعها وهو يمسكها من ذراعها بقوه : اسمعك؟ اسمعك وانتي تقطين وجهي قدام الرجال ؟ قومي معي للبيت والله اني لا اربيك من جديد !
قبل ما يسحبها وقف نياف فجأه بينهم ، مد يده ومسك يد محمد اللي كانت تسحب سعاد، ونطق بهدوء : خالي اتركها
محمد التفت له بنظرة غضب ونطق بأعلى صوته : انت وش دخلك؟ هذي بنتي وانا اعرف كيف اربيها !لا تدخل نفسك بشي ما يخصك !
الناس كلها بدت تتجمع ، نياف ما تراجع وقرب خطوه لخاله محمد ونطق : مع احترامي لك خالي لكن سعاد مو لعبه لأحد ويمسكها ويسحبها كذا ، اذا عندك شي تعال وجهه لي انا اما هي مالها دخل لاني انا بنفسي اللي جيتها واجبرتها انها تحبني
محمد ضحك بحده وهو يترك يد سعاد ورفع عقاله : حتى انت صرت تدافع عنها ؟ وش تبيني افكر فيه ؟ واضح انكم ..
قبل ما يكمل نياف قاطعه بصوت عالي : خالي ! لو سمحت لا تتكلم عني ولا عنها بهالطريقه ! اذا في شي تبي تفهمه انا مستعد اشرح لك ! بس لا ترفع يدك عليها مرة ثانيه
محمد ماقال شي وكان كلام نياف صدمه لكنه ما كان ينوي يتراجع ابد ، التفت لسعاد ونطق : قسماً بالله إذا ما ماتزوجتي ولد عمك وقطعتي علاقتك بهالكلب ما لك مكان عندي
نزلت دموعها لكنها ما قالت ولا كلمة ، فجأة رفعت عيونها لأبوها وقالت بصوت مليان ألم : اذا كان هذا رايك .. خلاص .. انا ما لي مكان عندك بس لا تظن انك كسرتني
سكتت للحظه ونطقت : رد لعمي نواف وقل ان فيصل مابيه
نياف حط يده قدامها وقال لمحمد بثقه : انا اتحمل مسؤولية سعاد وإذا كنت تبي شي تعال لي أنا بس هي خلاص تحت حمايتي وانا بخطبها منك رسمياً بعد طلاقي من بنت عمي
محمد طالعهم بغضب وقبل ما يطلع نطق الكلام الاخير واللي كان بينه وبين بنته وولد اخو زوجته : انت وهي .. الله لا يبارك فيكم
طلع من الغرفه وصارت هاديه بعد ما طلع محمد ، نياف التفت على سعاد اللي كانت واقفه ومصدومه من كلام ابوها واللي ماتوقعته ابداً ونطق بصوت هادي : انا قلت لك من البدايه .. ما راح اتركك
مسكت راسها سعاد وهي تحس بدوخه ، طاحت من عز طولها والتفت نياف لـ جابر : وش موقفك هنا ناد الممرضه
ركض جابر ونطق : سستر
ركضت الممرضه وشالتها وحطتها على السرير ، ركبو لها مغذي وطلعو كلهم عشان ترتاح ، كان نياف واقف عند الباب من بس برا وهو يفكر كيف بيقول لأهله ،

- بيت عبدالله -

بعد ما نوفل طلع معلومات الرجال وخلاص بقى بس يرفعون عليه قضيه ويخلصون من سالفته دخل شقته وقفل على نفسه ودق على غايه وانسدح على السرير ،