وبدأ زكى فى الاستقامة والمواظبة علي أداء الصلاة في وقتها في العمل وايضا عندما يكون فى مسكنه يذهب إلى مسجد سيدى سلامه الراضي لأداء صلاة الفجر أو العشاء فى جماعة وبصحبة الشيخ مجاهد ابو الخير .
وفى يوم وهو عائد من العمل وجد كل من ابوشامة والعترة ودودة موس يجلسون على القهوة فذهب إليهم وألقى عليهم التحية و ردو عليه التحيه ثم سحب كرسى
وجلس معهم ، وأتى إليه اسماعيل خمسينه وطلب منه أن يحضر لهم طقم شاى لهم جميعا ودار الحديث بينهم .
ابوشامة : حمدالله على السلامة يا زكي .
زكى : الله يسلمك يا ابوشامة ، اشكرك على كل اللى عملتوا معايا.
ابوشامة: انا قولت لك قبل كده احنا اخوات .
العترة وموس: طبعا احنا اخوات على طول ومن غير شر.
زكى : والله يا رجاله انا جيت لكن النهارده علشان نتكلم مع بعض فى موضوع .
الجميع : خير ان شاء الله موضوع ايه يا زكى اللى انت عاوز تتكلم معانا فيه.
زكى : انا يا جماعة وبكل وضوح انا مش اقدر اشتغل معاكم في الشغل الشمال تانى كفايه للذي حدث معى ، أبويه فى السجن وامى واخويا ماتوا .
الجميع : بقى الكلام ده يا زكى اللى احنا اتفقنا عليه قبل كده والتخطيط الشغل اللى خطته، هنعمل فيه ايه .
زكى : يا جماعة أنا قولت لكم على اللى عندى .
ابوشامة : انظر زكى نحن نلتمس لك العذر على الظروف اللى انت مازلت فيها ، سوف نعطي لك فرصة كام يوم تفكر .
زكى : يا رجاله لا كام يوم ولا كام ساعة ولا حتى كام دقيقه ،انا اخذت قرار وخلاص
.
الجميع: ماشي يا زكى مدام ديه رغبتك خلاص احنا موافقون .
زكى : خلاص يا جماعة ، سلام عليكوا.
الجميع : وعليكم السلام يا زكى
وتركهم زكى بعد ما أخبرهم أنه لن يعمل معهم مره اخرى وهم في حالة اندهاش وحيرة من أمرهم .
العترة : شفت يا ابو شامه صحبك زكى اللى وقفنا معاه فى اوقات الشدة اللى كان فيها ديه اخرتها يا ابوشامة .
ابو شامة: طب انا هعمله ايه ، هو حبيبي وانا مقدرش اعمل معاه حاجه .
دودة موس: طب يا جماعة المصلحه اللى كانت جايه من
المجمع التجاري طارت خلاص ، العمل ايه الان؟
ابوشامة : افتكر أن لسه محتفظ برقم ماجى ، ابتسمابوشامة ليهم وقال لهم يا جماعه متقلقوش
انا معايا رقم مدام ماجى و نكلمها ونشوف هى عايزانا في اى شغل.
العترة وموس: ماشي يا ابوشامة .
قام ابوشامة ناحية تليفون القهوة ورفع السماعة وتكلم مع ماجي بعد السلامات و الترحيبات ، دار بينهما الحديث واتفقوا أن يتقابلوا غداء الساعة الخامسة مساءا في كازينو الشجرة على كورنيش النيل .
أنت تقرأ
الطيب و الحياة
Fanfictionشخصية بسيطة من القرية تجد نفسها في مجتمع مختلف تماما عن العادات والتقاليد
