Anything You Want Baby

Ep-13

" အစ်ကိုလေး အောက်မှာ ပစ္စည်းလာပို့တယ်ရှင့်.."

ပိတ်ရက်ဖြစ်တာကြောင့် အေးအေးလူလူလေး
အိပ်နေတုန်းမှာ..အိမ်ကကောင်မလေးတစ်ယောက်သည် အောက်မှာပစ္စည်းရောက်နေတယ်ဆိုပြီးတော့
လာနိုးလေသည်..။

" ဟာ..ဘာမို့လို့လဲ ယူထားလိုက်လေ.."

" ကားလို့တော့ ပြောတယ်.."

" ဟမ်!.."

ကားဆိုသည့်အသံကြောင့် အိပ်နေရာကနေ
ငေါက်ခနဲ ထထိုင်လိုက်သည်..။ အိပ်ချင်နေတာတွေပါ အကုန်လုံးပျောက်သွားသလို ခံစားလို့ရသည်..။
ချက်ချင်းဆိုသလို အိပ်ခန်းထဲကနေ မျက်နှာတောင်
မသစ်နိုင်တော့ပဲနဲ့ အပြင်ကို ပြေးထွက်လာခဲ့သည်..။

ခြံထဲရောက်တော့ အဆင်သင့်ရောက်နေပြီဖြစ်တဲ့
Bugatti ကားအဖြူရောင်လှလှလေးဟာ
မထိရက်စရာပင်..။ တောက်ပြောင်နေသည့်
အဖြူရောင်လေးအပေါ်မှာ အနီရောင် Bugatti
တံဆိပ်ဟာ နေရာယူထားသည်..။

" ခင်ဗျားကံကောင်းတယ် ဒါကမ္ဘာပေါ်မှာ နောက်ဆုံးတစ်စီးပဲ.."

Geminiကျေးဇူးတွေအများကြီးပါဝင်နေသည်..။
သူသာ မဝယ်ပေးခဲ့ရင် ငါတကယ်လက်လွှတ်လိုက်ရတော့မှာပဲ..။

" ဒီမှာ လက်မှတ်လေးတစ်ချက်ထိုးပေးပါ.."

" ဟုတ်ကဲ့.."

ထိုကောင်လေးပေးလာသည့် စာရွက်ကိုကြည့်လိုက်တော့ Geminiသည် ငါ့နာမည်နဲ့ မှာပေးထားသည်..။ ငါ့နာမည်အောက်မှာ လက်ခံရရှိကြောင်း လက်မှတ်လေးထိုးလိုက်သည်..။

လာပို့‌သည့် showroom က ကောင်လေးထွက်သွားသည်နှင့် ငါကားကို ပတ်ပတ်လည် လိုက်ကြည့်မိသည်..။ နှုတ်ကနေလဲ လှလိုက်တာလို့ ရေရွက်နေမိသည်..။ ပြိုင်ကားတွေ သုံးလေးငါးစီးရှိပေမယ့်လည်း ဒါလေးကတော့ အကြိုက်ဆုံးနဲ့ ဈေးအကြီးဆုံးပဲ ဖြစ်လိမ့်မယ်..။

ထိုလူသည် ဒီကားကို နည်းနည်းလေးမှ မတုံ့မဆိုင်းပဲနဲ့ မှာပေးခဲ့သည်..။ အဲ့တာကြောင့် ကားကိုလဲ
ဂရုစိုက်ရမယ်..။ ထိုလူ့ကိုလဲ ဂရုစိုက်ပေးရမယ်..။

" Théophile! ငါ့ပိုက်ဆံတွေနဲ့ ကားထပ်ဝယ်ထားတာလား.."

အိမ်ထဲကနေ ထွက်လာသည့် ပါးသည်
သူ့ပိုက်ဆံနဲ့ကားထပ်ဝယ်ထားတယ်ထင်ပြီးတော့
အော်‌နေသည်..။