Anything You Want Baby

Ep-17

နောက်နေ့မနက်ကြတော့ အလုပ်ကိစ္စဆွေးနွေးဖို့အတွက် ငါတို့ တစ်ဖက်အလုပ်ရှင်ရဲ့ ကုမ္ပဏီကို
မနက်စောစောထွက်လာသည်..။

Laသည် ဘယ်လောက်ကြည့်ကြည့်ရိုးမသွားအောင်ကို လှသည်..။ အခုလဲကားပေါ်ကနေ အပြင်ဘက်
ရူခင်းတွေကို ငေးနေမိပြန်သည်..။ ဒီမှာ‌ရှိနေတုန်းလေးတော့ တောင်ကုန်းပေါ်မှာရှိသည့် HOLLYWOOD စာတန်းနဲ့ ဓာတ်ပုံရိုက်ဖြစ်အောင်
ရိုက်သွားရမည်..။

" ဘယ်သူနဲ့တွေ့မှာလဲ အီလွန်မတ်‌လား.."

ထိုက‌လေး၏ မေးခွန်းကြောင့်ငါရယ်မိသည်..။

" အီလွန်မတ်ကို တွေ့နိုင်တဲ့အထိတော့ ကိုယ်က
မချမ်းသာဘူးလေ.."

" ချမ်းသာပါတယ် ခင်ဗျားအနေအထားနဲ့
အီလွန်မတ်ကို မျက်နှာချင်းဆိုင်တောင်
တွေ့လို့ရတယ်.."

အမူအရာတွေနဲ့ပြောပြနေသည့် ထိုကလေးဟာ
အရမ်းချစ်စရာကောင်းလွန်းနေသည်..။

" ‌ဟုတ်ပါပြီ တစ်နေ့တွေ့နိုင်မယ်လို့
‌ကိုယ်မျှော်လင့်ပါတယ်.."

ပြောရင်းဆိုရင်းနဲ့ပဲ သူတို့စီးလာသည့်ကားဟာ
ကုမ္ပဏီတစ်ခုရဲ့ဝန်းထဲသို့ ဝင်လာခဲ့သည်..။
ကားပါကင်မှာ ကားကို‌စနစ်တကျလေးထိုးရိပ်လိုက်ပြီးတော့ ကားပေါ်ကနေဆင်းကာ ကုမ္ပဏီကို
ကြည့်မိသည်..။

မိုးမျှော်တိုက်တွေထဲကမှ တစ်ခုအပါအဝင်
ဖြစ်လိမ့်မည်..။ ထိုကုမ္ပဏီသည်လည်း ဘန်ကောက်က ထိုလူ့ကုမ္ပဏီအတိုင်းပဲ အထပ်ပေါင်းများစွာ
ရှိသည်..။

" ချိန်းထားလားရှင့်.."

Laမှာဖြစ်တာကြောင့် အကုန်လုံးက English လိုဟာ ပြောဆိုကြသည်..။ reception က မိန်းကလေး၏အမေးကို ထိုလူသည် ခပ်အောအော
English အသံနဲ့ပြန်ဖြေသည်..။

" ရှိပါတယ်.."

" ဟုတ်ကဲ့ ခနလေးပါ.."

Reception က မိန်းကလေးသည် စာရွက်စာတန်းတွေဖြင့် ချိန်ဆိုထားမထားစစ်ဆေးနေသည်..။

" Mr.Gemini လားရှင့်.."

" ဟုတ်ပါတယ်.."

" ဟုတ်ကဲ့ Ceoကစောင့်နေပါတယ် ညီမနောက်က
လိုက်ခဲ့ပေးပါ.."