ရုံးဆင်းချိန်ကြတော့ ငါသူငယ်ချင်းတွေနဲ့ ကလပ်မှာ
ချိန်ထားတာကြောင့် အမြန်ပြန်ဖို့အတွက်ပြင်နေရသည်..။ ပြီးရင် ပြိုင်ပွဲရှိတာကြောင့် တန်းသွား
ရမှာပင်..။
" ဘယ်သွားမလို့လဲ အိမ်ပြန်မှာတော့မဟုတ်ဘူးမလား.."
" ဟီး..ခင်ဗျားကသိသားပဲ ကလပ်သွားဖို့
လိုက်မလား.."
ထိုလူ့ကို ငါကလပ်သွားဖို့အတွက် အဖော်စပ်နေမိသည်..။ လူကြီးလူကောင်းဆန်သည့် ထိုလူသည်
အဲ့လိုမျိုး နေရာတွေမသွားဘူးဆိုတာ သိပေမယ့်လည်း အနည်းဆုံးတော့ လိုက်မလားဟု ခေါ်ကြည့်ရမယ်လေ..။
" ဘယ်သူတွေပါလဲ.."
" ကျွန်တော့်သူငယ်ချင်းတွေ.."
" ယောင်္ကျားလေးလား မိန်းကလေးလား.."
" အကုန်လုံး.."
" ကမှာလား.."
" ကလပ်ပါဆိုမှ ကရမှာပေါ့.."
" အဲ့တာဆိုလိုက်မယ်.."
အနည်းငယ်တော့ အံ့ဩသွားသည်..။ ကမှာပေါ့လို့
ပြောလိုက်တာနဲ့ လိုက်မယ်တဲ့လေ သဝန်တာလား..။
" အဲ့တာဆိုသွားမယ် မြန်မြန်သိမ်း.."
" ဒီတိုင်းသွားရမှာလား.."
နှစ်ယောက်စလုံးက Suitတွေနဲ့ဖြစ်တာကြောင့်
သွားမယ့်နေရာနဲ့က လုံးဝမသင့်တော်နေပါ..။
" ရပါတယ် အပေါ်ထပ်ကုတ်ချွတ်လိုက်လေ.."
" အော်..ဟုတ်သားပဲ.."
ပစ္စည်းတွေသွားသိမ်းနေသည့် ထိုလူ့ကို ငါစောင့်နေလိုက်သည်..။ ခေါ်သာခေါ်ရတာ ဟိုရောက်ရင်
သူငယ်ချင်းဖြစ်သူတွေကတော့ သေချာပေါက်
ပြောကြတော့မှာပင်..။ ငါနဲ့မှပဲ ထိုလူပဲ ကလပ်တွေ
ဘားတွေ သွားဖူးတော့မှာပဲ..။
" ကျွန်တော့်ကားနဲ့ပဲသွားရအောင် ခင်ဗျားကား
ထားခဲ့လို့ရတယ်မလား ပြီးရင် ပြိုင်ပွဲသွားရမှာမို့လို့.."
" ရပါတယ် ဒါပေမယ့် ဖြေးဖြေးမောင်းနော်.."
ထိုစကားကြောင့် ငါရယ်မိလိုက်သည်..။ မနက်ကမှ
ပြိုင်ကားစစီးဖူးတဲ့လူဟာ မောင်းတဲ့အရှိန်ကြောင့်
လန့်သွားပုံရတယ်..။ ဒီတစ်ခါတော့ သနားညှာတာ
သောအားဖြင့် ဖြေးဖြေးမောင်းလိုက်ပါ့မယ်..။
YOU ARE READING
Anything You Want Baby
Fanfiction" လိမ္မာရင် အကုန်ဘေဘီ့အတွက်ပဲ.." Gemini X Fourth Myanmar Fanfic
