ابيع لاجلك باقي الناس واشريك وتصير وحدك بين رمشي وعيني

Part3

عند عبدالله الي كان مصدوم من المنظر الي شافه
عبدالله: انا احلم ولا وش مستحيل هالشي الي صار
قعد يفكر وش يسوي يعلم عبدالمجيد او يسكت بعد تفكير عميق: لا لا احسن اني اسكت واشوف وش اخرتها
دخل دحوم وهو يقول:خمس دقايق وترسل العشاء واحد اثنين ثلاثه اربعه خم قاطعه فتحت الباب ولف غنى: خذ عشاك
دحوم: من راسله
غنى: امي
دحوم:تمزحين علي  قولي انها هي ماراح اعلم انك قلتي
غنى: طيب وربي انه من ساره بس لا تعلمها!
دحوم: والله اني كنت عارف ولا يهمك
طلعت غنى وقفل دحوم الباب ودخل الصاله عند عبدالله الي كان يناظر فيه من الزاويه وشاف غنى لما دخلت واغرم في جمالها  دخل على دحوم
دحوم: بسم الله من وين طلعت انت
عبدالله: لا ياشيخ ناسيني ومقفل الباب علي
دحوم: يوه وربي اني نسيتك بس تعال تعال تعش معي
قعدو يسولفون ويضحكون
_________________________________
عند البنات
ساره: عطيتيه
غنى: اي
ام فيصل:مو عالاساس انه مايذوقه
ساره: شسوي ماقدر اتحمل اني احرمه من شي مايطاوعني قلبي
ام صالح: ياوعد عطيني مويه وراتس
وعد: ابشري يمه
قربت غنى من ساره وقالت بهمس: تبين الصدق مالوم دحوم يوم طاح على وجهه
ساره: الصراحه هم حلوين مع بعض بس يارب انهم مايحرمونهم من بعض
غنى: امين
_________________________________
عند الرجال
ابو خالد: الا يابو فيصل مانويت تزوج عيالك
ابو فيصل: والله هم ماطلبو ولا انا ودي
ابو خالد: الله يرزقهم جميع
ابو فيصل: اللهم امين
_________________________________

ام فيصل: ايه يابنات ترا خالتكم نجوى بتجي بكره
ساره: يوههه وربي مو ناقصه اشوف وجيه تسد النفس
ام فيصل: وجع يوجعتس الا احترمي نفسك
غنى: والله يايمه وهي صادقه الصراحه مو ناقصين عبير تجي وتسوي مشاكل
ساره: اي والله والمشكلة تحطها براسنا
ام فيصل: شنسوي عاد ذي خالتكم يعني اقولها لاتجين
وعد قربت من ساره : ليه وش قصة عبير ذي
ساره: حاطه عينها على دحوم وكل شوي تسولف معه لا وفوقها تحاول تلفت انتباهه لها وتحاول تلمسه ودحوم مايدانيها خلقت ربي بس يسلك لها وهي ناشبه له
وعد: وععع شتبي ذي
ساره: وربي بس بقولك شي
وعد:وشو
ساره بتعمد:لاتخلينها تاخذه لانه هو مايحبها ويكرهها وهي الا غصب تاخذه واحنا ماقدرنا عليها يمكن انتي تقدرين عليها وتاخذينه منها ونفتك منها
وعد الي رفعت حواجبها بصدمه من كلام ساره تسوي نفسها ما اهتمت:وش دخلني انا
ساره: انتي حاولي وخلينا نشوف حظك كلنا ماقدرنا عليها
وعد سكتت وماردت ب اي شي وقعدت تاكل
ساره الي تدعي بينها وبين نفسها ( يارب تاخذ دحوم)
_____________________________
كيف شفتو البارت؟
دعمكم يخليني استمر🌷.