حنان: ياويلي عليكم ياعيالي
المصوره: لو سمحتو وقفو بناخذ صوره للعروس والعايله
حنان: تعالي ياوعد
وعد: لا ياعمه انتو العايله صورو انا مالي دخل
حنان: تعالي بس انتي منا وفينا سحبتها وحطتها بينها وبين دحوم
المصوره: حطو ايدكم ورا بعض
دحوم الي. مد ايده على خصر وعد بتعمد وناظرت فيه وهي ترفع حواجبها فوق بصدمه
المصوره:ممتاز
بعدت وعد يد دحوم عنها بسرعه عشان ماحد ينتبه وطلعو عند الرجال وبقى الحريم الي قامو يرقصون ووعد الي كانت تتمايل مع الموسيقى جتها وحده وقالت:انتي بنت من
وعد:ليه
الحرمه:بسم الله عليتس تهبلين
وعد الي فهمت عليها:انا متزوجه ياخاله
الحرمه: الله يوفقكم ياحظه
ساره: جت ل وعد: وش قالت لس
وعد:جت تسال عن ابوي ههههه
ساره: وش قلتي لها
وعد: والله قلت لها اني متزوجه
ساره: اخس يالكذب
ضحكت وعد وهي تتمايل مع ساره
________________________________
عند الرجال
مازن غمز ل دحوم وعبدالمجيد وقامو يدبكون وقامو الكل يصفقون لهم ويصورونهم وهم يدبكون ويدقون رجلهم على الارض
عبدالله الي سحب عبدالرحمن:يلا ياولد دق الساعه عشر
دحوم:طيب اهدا
اتصل دحوم على امه وقال لها ان عبدالله بيدخل وراحو معه
دخلو القاعه دحوم:دقيقه اشوف في احد ولالا
وقفو العيال وهم يستنونه
دخل دحوم وماكان فيه غير وعد مشى ل عندها وقال :اطلعي العيال بيدخلون
وعد :واذا
دحوم بعصبيه:كيف واذا!
وعد:خلهم يدخلون وش دخلني انا
دحوم:انزلي تحت لا احد يشوفك
وعد:واذا شافوني انت شدخلك
دحوم الي سحبها له وكان قريب منها :بتنزلين ولا اشوف شغلي كان يناظر ل مبسمها وعد بخوف من قربه لها:تغار
دحوم:اي والله اغار
وعد بعناد:ماني نازله وبشوف وش بت انصدمت لما قرب مبسمه ل مبسمها وقبلها. وبعد عنها وقال:بسوي كذا
وعد:بعد وهربت تحت
دحوم راح وفتح الباب وقال:ادخل بتجيك عروستك الحين دخل عبدالله وكان مافي غير مازن وفيصل ودحوم
دخلت غنى وكانت ساره ووعد يشيلون الفستان معها
عبدالله الي قعد يتامل جمالها وكيف هي حلوه كذا تصورو مع بعض وطلع عبدالله عشان يجيب السياره ودحوم ومازن ينزلون اختهم وركبوها السياره قبل لايروح عبدالله دحوم الي صار يرقص مع الشيله دخل مع عبدالمجيد وقعدو يهزون وغنى كانت تضحك من اشكالهم
دخل مصلح الحوش وانصدم من احفاده الي كانو يهزون ويرقصون واخذ العصا وضربهم وقعدو يضحكون مشى عبدالله باتجاه الفندق ودحوم وعبدالمجيد الي هربو داخل وهم يضحكون
_____________________
عند الحريم الي كانو يرقصون
وبدو يروحون على شوي شوي لحد ما خلصت القاعه
ساره:ياويلي ياركبي
وعد:وربي ضهري يعورني
عبير:الحمدالله انا ماجاني شي
ساره:مالومتس جالستن على الكرسي وماقمتي تعاونينا
وعد:اي صدق وتقول ليش ماتنادوني انتي شوفي فعايلتس
عبير:اصه اصه
نوره:وش فيكم انتن مستحيل تعيشون بدون مناقر اهجدن لا اقوم اهجدكن بالعصا
ساره:سمي ياجده
دخل دحوم وعبدالمجيد
دحوم:ها ياحلوين خلصتو؟
ساره:اي بس والله اننا متكسرين
دحوم:مالومكم الصراحة يلا نمشي
الكُل:يلا
مشو دحوم وعبدالمجيد ومعهم البنات الي هم ساره/عبير/وعد/غيداء
ومازن الي مشى ورا دحوم وكانو البقيه معه
واتجهو للبيت
وقف دحوم عند بيت عمه(ابو صالح) ونزل عبدالمجيد ووعد
دحوم:يلا اشوفك
عبدالمجيد:تعال اسهر عندي
دحوم:اشوف اذا مانمت
ووقف عند بيتهم ونزل الاغراض ودخلو البيت وكل واحد راح ل غرفته ودحوم الي راح يبدل ولبس تيشيرت بس ايده مفتوحه كلها وكانت عضلاته بارزه ولبس بنطلون اسود وراح ل ركن الكوفي الي في غرفته يسوي له كوفي وطلع في الشرفه الي على شرفة وعد
ووعد الي راحت ل غرفتها ولبست تيشيرت اسود وشورت اسود وعليه افوكادو وراحت للمطبخ تسوي قهوتها وتاخذ سناكات وراحت ل غرفتها تاخذ ايبادها وجوالها وطلعت على الشرفه
دحوم الي انتبه لها وهي تحط اغراضه على الطاوله جاهله انه يراقبها وكان يتاملها بكل تفاصيلها
___________________________
عند وعد الي كانت تتابع مسلسلها
قاطعها دق الباب وعد الي قامت ولبست روب فتحت الباب وكان صالح موجود
وعد:نعم
صالح:نعامه ترفستس وش تسوين
وعد:شتبي وش دخلك انت
عبدالمجيد:شفيكم
صالح:اختك ماتبي احد يدخل غرفتها وراها شي
وعد:نعم وراي شي في وش طبيعي مابي احد يدخل خصوصيهههه!!!
صالح:بعلمك الخصوصيه الحين ان ما قمتي وسويتي لي اكل
وعد:اقول دز فاضية لك انا
عبدالمجيد:استهدو بالله بعدين معها حق خصوصيه وتعال انا اسوي لك كبسه روعههه
عبدالمجيد الي اخذ صالح ونزل تحت
وعد:مرض
دخلت غرفتها وطلعت للشرفه بتجلس لكن لفت انتباهها شي على الشرفه الي مقابله لها وشافت دحوم وكيف عضلاته بارزه وشعره طايح على وجهه :ياويلي صدق اثقلي
سوت نفسها ماشافته وكملت مسلسلها ودحوم الي كان يتأملها بكل تفاصيلها وكان يكتب فيها قصيده قاطعه دخول ساره للغرفه:دحوم
دحوم:هلا
ساره:وينك
دحوم:هنا
طلعت ساره للشرفه:وش مجلسك هنا
دحوم خبى الدفتر وراه:وش الي وش مجلسني
ساره:جالس هنا في البرد
دحوم:مافي برد قمرا والجو يهبل ومنظر حلو
ساره وهي تضحك :وش الي منظر حلو ترا الديره بس شافت وعد وهي جالسه تتابع مسلسلها وتشرب قهوتها:اها الحين فهمت المنظر الحلو الي تقصده
دحوم باستغباء:وشهو
ساره:لاتلعب علي قولي وعد ما اقول ل احد
دحوم:وش اقولتس
ساره:الي في قلبك
دحوم:مافي قلبي شي
ساره بعصبيه:بلا سماجه قول
دحوم:وش في قلبي؟
ساره بحماس:ايييييي
دحوم:انتي
ساره:كلزق
ضحك دحوم من ردة فعلها:وش كنتي تبين
ساره:كنت بيك تلعب معي طفشت
دحوم:من عيوني بس وش نلعب
ساره:بلوت
دحوم:يلا قومي جيبيها
ساره:وينها
دحوم:في الدرج الاول من التسريحه
فتحت ساره الدرج وشافت البلوت واخذته بس اول مارفعته شافت ورقه كانت مكتوب فيها من ورا وعد استغربت ساره وكانت بتفتحها بس قاطعها دحوم:يلا وين رحتي ترا بهون
ساره:جيت جيت
اخذت كرسي وقعدت :مسوي قهوه
دحوم:اي تبين اسوي لك
ساره:أي تكفى
دحوم:ابشري
دخل دحوم يسوي قهوه له ولها
وساره الي ناظرت في وعد وهي كانت مفهيه في مسلسلها وضحكت بهمس:والله وصدناكم
دحوم:ايش؟
ساره:ولاشي
قعد دحوم يخبص البلوت ويوزعها وبدو يلعبون
_______________________________
عند غنى وعبدالله
دخلو الفندق
عبدالله:انا بروح اجيب عشاء انتي بدلي
طلع وقفل الباب
غنى الي ابتسمت ونزلت الفستان واخذت لها شور وحطت شوية مكياج ولبست بجامه بيضاء هاديه وفكت شعرها
دخل عبدالله وشاف غنى جالسه وشعرها الي طايح على ضهرها والبجامه الي ماسكه شوي على جسمها قال وهو ذايب:يلا ياروحي العشاء
تقدمت غنى وبدو ياكلون على شوي شوي
________________________________
في بيت عوض
ساره:يوههه غشش انت تعرف تلعبها وانا لا
دحوم:ولا تجي بخاطرك تعالي اعلمك
بدا دحوم يشرح لها كيف تلعب وكيف قوانينها
ساره:اهااااا فهمت يلا عيد
دحوم :يلا
رفعت نظرها ساره وشافت وعد وهي تناظر فيهم وعد الي اول ما شافت ساره ناظرت فيها نزلت نظرها ضحكت ساره
أنت تقرأ
ابيع لاجلك باقي الناس واشريك وتصير وحدك بين رمشي وعيني
Poetryيامرحبا بكم في اول روايه🌷 نورتوني🌷البتول العتيبي🌷 ان شاء الله تعجبكم😢
