ابيع لاجلك باقي الناس واشريك وتصير وحدك بين رمشي وعيني

Part 15

استغرب من نظرات عبير ل وعد سكت وهو يتنهد بضيق
عبدالمجيد:ايه يابو عوض كيف مغامرتك مع الحادث
وعد:بسم الله شفيك تقول كذا مجنون
ضحك عبدالمجيد تكلم دحوم وهو يقول :والله مادريت الا السياره تقلب ورا بعض وربي انا من الخوف ماتشهدت
عبدالمجيد:اجل وش قلت
دحوم ضحك:قلت يبه تعال
ضحكو من كلمته تعالت ضحكاتهم وعد بضحكه:مريضضضض
ناظر فيها وهو يشوفها تضحك ويناظر ثغرها الي يجذبه اكثر واكثر وغمازاتها المحفورين في خدودها ابتسم وهو يشوفهم يضحكون حوله
ساره:خذ خذ حطت لقمة كيكه في فمه ياتسبدي عن اخوي
ضحك وهو يشد خدودها واخذ الفنجان ويشرب وهو يتسمع سوالفهم
عبدالله:شرايكم نروح للبل كلنا
دحوم:ناوي لك على شي صح
عبدالله:لا والله بس نبي نتمشى
كلهم قالو تم
مشو متجهين للمزرعه كلهم تنهد دحوم وهو يغني
ياعاذلين الهوى مايفيد الكلام مسكين مسكين مسكين من قد بالي بالغرام ،
يامنية العاشقين احييني بابتسام مسكين مسكين مسكين من قد بالي بالغرام،
في الحب جنه وفي البعد نار مسكين مسكين مسكين من قد بالي بالغرام،
ابتسم من عرف انها تناظر
عبدالمجيد:صح لسانككك
دحوم:صح بدنك اسمعو ادخلو بروح واجي بسرعه طيب
عبدالمجيد:يلا
مشى راجع البيت وهو يغني
ياغريبه كانت ايامي قبل حبك غريبه
وصارت أيامي بعد حبيتك الاكثر غرابه
كثر ماكنت اضحك من اطرف حبيب مع حبيبه
كثر ماصرت ارحم العاشق ويؤلمني مصابه
يوم حاولت أنجو ب قلبي واجنب باللي هيبه
كنت احسب الحب ضعف وموطن اهل الحب غابه
ودي اعيش العمر وانا قفص صدري نديبه
ماهوى الا المرجله ولا عشق غير الذرابه
دخل البيت وشاف امه جالسه عطاها بوسه من بعيد وكمل
"طول عمري مابعد وخذت حقوقي بالغصيبه
مالقت بقعا معي غير المكافح والصلابه
مادريت ان رحلة ايامي محطتها القريبه
تبتدي ب أخر وطن كنت اتمنى اطق بابه
جيت وضلوعي دهر والقلب وعروقه جديبه
وساقك الامر الالهي وامطرتك اكرم سحابه
يوم اخذتي مهجة فوادي ب سطوتك الرهيبه
ماقدرت امد كف ولاقدرت ارد جاابه
صرت انا اللي ذاق طعم الاانتصار من الغليبه
والصويب اللي خطير يموت لو يبرى صوابه"
دخل غرفته ونزل مفتاحه وجواله وساعته ولبس بدله وطلع وكمل
"الحرامي سلهمة عينك ومبسمك النيابه
كل ماهبت هبوب الشوق ليللك فاح طيبه
انتشى الشعر وبدا الشاعر طقوسه ب الكتابه
جل شان اللي جعل سحرك بلا شبهه وريبه
محيي الموتى مميت الحي الا عز جنابه
هذا انا في كل يوم ابدا ب طيفك وانتهيبه
وكل ليل اموت في مبري عودك وآحيابه
معك يربطني شعور المومن ل مكه وطيبه
لو مايربطني معك حبل العنوه والقرابه
ياربيع العمر ي حظ ابن هذال ونصيبه
اغدقي من عذب قرهودك سنا زهرة شبابه
لين اعرف ان كل فرحه عشتها قبلك كئيبه
وكل ضيقه غير ضيقة غيبتك كانت دعابه
خلي الدنيا وانا جنبك تجيب اللي تجيبه
وان حصل مهما حصل يطلبك قلبي بالنيابه
إحكمي بالوصل وافتكي طليب من طليبه
واحكمي على الفراق اليا طرا حد الحرابه
إيه اخاف الفقد ومن ابسط شعور ب أي خيبه
ومن هزيمة دمعة عيوني ومن سجن الكآبه"
ابتسم من شاف امه تمد له بسكوت قرب واخذه وتكلم وهو ياشر على نفسه
ايه انا الرجل العظيم اللي تقف خلفه حبيبه
لاذكرها لو تبيه يجيب راس غليص جابه
ابك انا في حبك اقوى ف المواقف واعتزي به
عزوة منها يخر اطلق شنب خوف ومهابه
ابك انا شوق العيوف اللي مناسبها عريبه
ماهيب عزوة جبان لا اعتزى محد درابه
وانتي اخذي عزك من اسم العتيبي واحتمي به
مثل ماخذ فعل جدك عينك بوجه التشابه
سيف جدك منه روس القوم كم راس غديبه
ونعس عيونك قلوب القوم تاخذها نهابه
شتتي معالم الحزن ب جمالك واحتفي به
احتفاء اللي وهبه الله غرامك وإكتفابه
كل ماضاقت بك فجوج الجراهيد الرحيبه
اذكري بانك حبيبة شاعرا ربعه عتابه"
ابتسمت حنان وقالت:منهي الحبيبه
ابتسم وهو يناظرها وقال:بعدين تعرفين
ضحكت حنان وقالت:عارفين عارفين
ابتسم وطلع واتجه للمزرعه شافهم واقفين عند الناقه دخل
وقف عبدالمجيد من شافه جاي وابتسم وفتح يدينه:ياهلا مرحبا يادهر قلبي ورجعانه
ضحك دحوم وتقدم يحضنه ضحك عبدالمجيد وناظرو عبدالله الي واقف ومتكتف يناظرهم ضحكت ساره:ذا يغار منهم اكثر من زوجته
ضحكت وعد:الله يلعنك اعقبي
عبدالمجيد مد يده على الهوز واخذه وهو يفك البزبوز بهدوء ولفه على دحوم بسرعه وقعد يضحك فز دحوم واخذ الهوز من عبدالمجيد وقال:والله لا اروشك ضحك عبدالمجيد
ابتسمت وهي تشوفه يركض ورا اخوها وشعره المبلل على وجهه وعضلاته الي برزت من تبللت بلوزته بالماء ابتسمت وهي تناظره
دحوم الي غرق عبدالمجيد وقفل المويه وهو يضحك:ماقلت لك بروشك
ضحك عبدالله:اللهم لك الحمد انا الوحيد العاقل بينهم احمدي ربك علي
ابتسمت غنى وهي تناظره
تقدم ل ساره الي نثرت شعره عن الماء وقالت:دحوم بتتعب روح غير ملابسك بسرعه
ضحك عبدالمجيد:ياييييي تخاف على اخوها
ناظرته ساره:صنهات انشغل بنفسك
ضحكو من مناداتها له وقال:انا صنهات يامزنه
ضحك دحوم خلاص انت وياها اهجدو تعالو نرجع يلا
رجعو للبيت تقدم عبدالمجيد ورا دحوم ونغزه وصرخ
دحوم:وجعععع الله ياخذككك
ضحكو من دحوم ضحك عبدالمجيد وحط يده على كتوفه:الله ولد عمي وطولي ونفس العضله شبي اكثر من كذا