ابيع لاجلك باقي الناس واشريك وتصير وحدك بين رمشي وعيني

Part 14

دخلو وهم يسدحونه على سريره خرجو كلهم وتركوه دخلت عليه
وعد:دحوم
دحوم:لبيه
فز قلبها اول ماسمعت لبيه منه هي مشتاقه لصوته ومناداته لها وجلساتهم وسوالفهم مع بعض وضحكهم تكلمت بارتباك:بضمد جرحك
دحوم:مو في المستشفى قبل ساعتين مضمدته مايحتاج
وعد:الدكتور قال كل ساعه لازم يتضمد الجرح
بدا يحس بيدها على راسها وهي تمشي على الجرح بهدوء كان يناظرها من قريب ويشوف ملامحها احلا من قربت منه هو كل شوي يغرق فيها زياده غمض عيونه من شم ريحة عطرها الي كان فاقده من مده اخذ نفس عميقق وهو يمسك نفسه لا يقرب منها هو يحاول انه يتخطاها بعد غضب ابوه وحلفه انه ماياخذها بس قلبه ؟وعقله؟وتفكيره ؟الي كل شوي تطري على باله
اخذ نفس من شافها بدت تحط الشاش على راسه وتبتعد عنه هي شافته وهو ساهي بافكاره والهواجيس الي تداهمه لاحظت من غمض عيونه واخذ نفس هي عبالها انها كانت تعوره من كانت تضغط على الجرح بعدت عنه وهي تقول:اذا مالقيت احد يجدد لك الشاش نادني
هز راسه بنفي طلعت وهي تقفل الباب اخذت نفس عميق هي لما كانت تضمد جرحه كانت تتوتر من تقرب منه ومن شمة ريحة عوده الي يجيب اجالها وملامحه الحاده ونظراته لها اخذت نفس عميييق ونزلت تحت
،
ساره وهي تسوي الكيك الي يحبه دحوم وتغني بصوت عالي
وعد الي تمشي خلفها بهدوء وقربت منها وصرخت عليها:جاككككك
صرخت ساره:وجعععع الله يخرشك يالحيوانه خرشتينيييييي
ضحكت وعد وهي تشوف ساره مخروشه قدامها:وش تسوين
ساره:مب شغلك انقلعي عني
وعد:افاااا تقولين لي مب شغلك
ساره ناظرت في وعد:فضختي قلبي
ضحكت وعد:تبين مساعده
ساره:اي عطيني دقيق
وعد الي طلعت الدقيق وحطت اصبعها قربت من ساره وحطته على خشمها ضحكت ساره:وجع يالحماره
اخذت باصبعها تحط على خد وعد وتعالت ضحكاتهم
،
رفع راسه من دخلت عبير وابتسمت له:اوووو دحومي الحمدالله على السلامة
صد دحوم عنها وهو يشوفها تتقرب منه:الله يسلمك
ابتسمت له وهي تقرب شوي شوي
دخلت وعد:دحوم يلا قوم تجهز عشان.... سكتت من شافتها قاعده بجنبه وهو صاد عنها ومايبي يشوفها حتى
رفع راسه دحوم:عشان وش
وعد:عشان نجلس في الحوش نغير جو
دحوم:انتظريني عند الباب لما اغير ثوبي كله دم
هزت راسها بابتسامة:تمام
لفت له:انا بنتظرك وانزل معك
دحوم:وعد انتظريني عند الباب عشان ننزل سوا
خزرته بعينها وطلعت وقفلت الباب قام بهدوء يحاول يطلع يده من ثوبه
وعد:شجابك هنا انتي ماتطفشين كثر مايطردك ماعندك كرامه
ابتسمت ابتسامة خبيثه:ماتدرين وش قال لي داخل
وعد رفعت حاجبها:وش قال؟
عبير:قال بحاول اني اتخلص من وعد واتزوجك وتصيرين حلالي لانه فاتح امه بهالموضوع وقالت له لا تشيل هم وهما يعرفون من زمان اننا لبعض
لفت عبير ونزلت بابتسامة خبيثه وعد جمدت مكانها من كلامه عنها لفت من نادها :وعددد
وعد:نعم
عقد حاجبيه من كلمتها هو تعود انها تقول هلا لكن نعم طلعت منها بدون نفس :كنت بقول لك عطيني الجاكيت بس
هزت راسها وعطته الجاكيت ونزلت معه لين ما وصلو الحوش طلعت قدامه
عبدالمجيد:ارحبببببببببببببببببببببببببببوووووووو
دحوم:البقى البقى
جلس بين خواته وابتسم لهم عكسها هي الي واضح عليها انها مالها خلق ل شي ونفسيتها تعبانه مع انه شافها وهي داخله عليه كانت تضحك ومروقه بس مايدري وش صار لها فجاة عكس عبير الي كانت تبتسم بخبث وتناظرها