ابيع لاجلك باقي الناس واشريك وتصير وحدك بين رمشي وعيني

Part 5

دحوم الي راح فوق في غرفته يبدل ملابسه
لحقته عبير ودخلت دحوم بعصبيه:خير خير طقي الباب على الاقل!
عبير بمياعه : اسفه
دحوم الي ماعطاها اي اهتمام:وش تبين اخلصي
عبير:ما اشتقت لي
دحوم:وش اشتاق لس على ايش
كانت بتتكلم عبير طق الباب دحوم الي سحب عبير ودخلها في الدولاب وقال:ياويلك تطلعين
وفتح الباب لقى وعد عند الباب سحبها ودخلها وحطها على الجدار وعد الي نبضات قلبها تزيد من قربه:جيت اعلمك ان عمي يبيك
دحوم:خليك من ابوي الحين انتي كيف حلوه كذا!
وعد: ااا انا بروح
لاكن تفاجات لما سحبها وقرب شفتها من شفته وقبلها بكل قوته وكانه بقبلته لها قاعد يقول لها عن مشاعره الي في قلبه رغم انها كانت تضربه على صدره وتحاول تبعده عنها بعد عنها لما حس انها تبغى تتنفس وعد بصدمه:وش سويت
دحوم:هالبوسه عن حُبي وشوقي لك كل هالسنين
وعد الي كانت حاطه يدها على شفتها بصدمه فتحت الباب وطلعت وهي مصدومه من جراءته وحُبه لها
عبير الي كانت في الدولاب وشافت كل شي فتحت الدولاب وطلعت برا الغرفه وهي مصدومه من المنظر الي شافته قدامها
____________________________________
عند الحريم الي كانو يسولفون سوالف كبار
ام فيصل: ساره
ساره: سمي
ام فيصل: اخذي البنات واطلعو في الحوش الي ورا
ساره: بس يمه الشباب هناك
ام فيصل: عادي اجلسو معهم اخوانكم ترا
ساره:سمي
قامو البنات
____________________________________
عند العيال الي كانو يضحكون من سالفة عبدالمجيد قاطعهم فتح الباب والتفتو كلهم
دحوم: وش جابكم
ساره: والله يسولفون سوالف تسد النفس وطردونا وقلنا مالنا الا انتم مع ان في وجيه تسد النفس بس شنسوي
دحوم الي ضحك: تعالو تعالو اسمعو ساره يميني وغنى يساري ساره جنبها وعد ووراء وعد مجود وغنى جنبها غيداء ووراء غيداء عبدالله يعني كل واحد بجنب اخته
كل واحد جلس مكانه بالي قاله دحوم ووعد الي كانت تناظره وتتذكر بوسته لها وتستحي زياده
دحوم: مجود شف الرساله الي جتك
عبدالمجيد:جوالي في الشاحن وعود
وعد:لبيه
عبدالمجيد: عطيني جوالس
وعد: طيب فتحت جوالها وعطته اخوها
عبير: يمه كيف كذا تعطينه جوالك انا لو يقول لي سامي عطينيه جتني ام الركب
وعد: انا واثقه من نفسي وما عندي شي عشان اتوتر
دحوم الي ابتسم ساره ناظرت فيه وقالت: وش سبب الابتسامه هاذي؟
دحوم: ولا شي بس تذكرت شي صار قبل شوي
وعد الي عرفت انها المقصوده وناظرت فيه
ساره : ووش صار قبل شوي؟
دحوم: انسي
رفع راسه وشاف سامي يناظر في ساره دحوم الي ناظر تحت:سامي
سامي: هلا
دحوم:ارفع نظرك لا افقع عينك
عبدالمجيد الي رفع راسه وقال:من يناظر فيه
دحوم الي اشر له بعينه على ساره عبدالمجيد:اها
ساره:وش الي اها وراكم تتكلمون بالاشارات
دحوم: ماتكلمنا
ساره:شفتكم بعيني انا
دحوم الي حط يده على كتف ساره وقال:شوي اعلمس
ساره:تم
سامي الي جاته رساله ورفعها وكانت من عبدالمجيد وكان كاتب فيها( شل نظرك لا افقع عينك ساره حقتي) سامي بنظره حاده ل عبدالمجيد:قدها
عبدالمجيد: قدودها
دحوم: وش فيه
سامي الي عطى جواله دحوم عشان يقراء الكلام
دحوم: وهو صادق
ساره: ماتلاحظون انكم ابثرتونا بالاشارات
قعدو يسولفون العيال والبنات يتسمعون فيهم ساره ل وعد: هاه وش سويتي
وعد: شوي اعلمك
ساره:اهم شي ما جبتي العيد
وعد:معليك
ساره الي حطت يدها على كتف وعد وحضنتها على يد دحوم الي كانت على كتف ساره:واثقه فيك انا استمري
ناظر دحوم عليهم وعلى يده الي شعر وعد جت عليها ناظرو كلهم فيهم عبدالمجيد:واثقه فيها في وش
ساره:ولاشي
دحوم:في مصيبه جديده؟
ساره: ابد
دحوم الي سحب يده من كتف ساره وصار يلمس فيها شعر وعد وعد حست فيه وناظرت ورا شافت يده على شعرها مدت يدها تبغى تسحب شعرها من يده ودحوم الي شافها وهي تسحب شعرها مسك يدها وشبكها في يديه وعد الي ناظرت فيه وهو ناظر فيها وعد بعيونها اشرت على يدها بمعنى( اترك يدي) دحوم الي هز راسه بنفي(لا) وعد الي قعدت تفكر وش تسوي فجاة صاحت دحوم الي من صيحتها فك يدها على طول عبدالمجيد:شفيك
وعد:ساره الزفت شدت شعري
ساره بصدمه: متى شديته
وعد: اعقبي
دحوم الي كان ماسك ضحكته وعبدالله الي كان يناظر فيه ويضحك وهو يعرف ان السبب كله دحوم
عبدالمجيد:ذولا شفيهم يضحكون
ساره:انهبلو الحمدالله والشكر اي نسيت اجيب لكم شي
قامت ساره وراحت داخل
قعدو يسولفون ويضحكون
عبير بهمس ل اخوها:شف كيف يناظر فيها قسم بالله بذبحه ماعاد اقدر اتحمل من نظراته لها
سامي: اسكتي ولا صوت خلينا نشوف اخرتها
وعد قامت ودخلت داخل تشوف ساره وين راحت وليه طولت : بنت وينك طولتي
ساره:جابك ربي تعالي شيلي معي الكيكه ذي وانا باخذ ذي
وعد:يلا طيب
طلعو وايديهم فيها كيك
وعد:واحد منكم ياخذ الكيكه حاره
دحوم الي فز واخذها مسك يدها:جاك شي
وعد الي سحبت يدها: اء لا لا
ساره الي كانت تبتسم لما شافته مسك يدها وتقدمت تحط الكيكه على الطاوله
عبدالمجيد:دحوم شرايك تعطينا قصيده ولا غزل ولا نشيد الي تبي بس سمعنا
دحوم:ليه شايفني راديو
ساره: دحوم مو شاعر ولا راعي قصايد اصلا
عبدالمجيد: لا شاعر وراعي قصايد لانه قبل يومين قل بيت شعر عندي
ساره: شاعر من ورانا ياولد حنان🤨!
دحوم الي ناظر فيها: وش رايك بس
ساره: خلنا نشوف
دحوم:
"واحد من ايامي لك ايام واعطيك وان راح عمري لك فلا هو خساير احب انا شوفك وصوتك وطاريك دام وفكري فيك هايم وحاير بالصمت اهوجس بك وبالصوت اناديك والله عليم البينه والسراير انا وقلبي والهوى بين اياديك عندك مفاتيح الهنا للضماير من روحي احبك ومن روحي افديك يامن غرامه والحسن فيه ثاير احب انا شوفك وصوتك وطاريك دايم وفكري فيك هايم وحاير "خالد الفيصل
ساره: اقعد والله طلعت منت سهل
عبدالمجيد: ماقلت لكم
عبدالله: وربي فنان استمر وانا بسرق منك
ضحكو كلهم من عبدالله
ساره الي قامت تقطع الكيك وتوزع عليهم دحوم: امممم لذييذههه زي صاحبتها
ساره الي ضحكت: مب انا الي مسويته
دحوم بصدمه: اجل من
ساره: وعد الي مسويته
دحوم الي ابتسم على كلامه الي اتجه ل وعد بكل سهوله: تسلم يدك
وعد: عافيه
قاطعهم دخول فيصل ومازن
مازن: مجتمعين هنا وساحبين علينا
غنى: تعال جنبي ذوق كيكة وعد
غيداء الي بعدت عن مازن عشان يجي جنب اخته ومازن الي جاء بدون تردد ل اخته وغنى الي اخذت ملعقتها ووكلت مازن: امم وربي انها فنانه تسلم يدك وعود
وعد: عافيه
فيصل: وانا مسحوب علي
ضحكت ساره: تعال تعال والله ما اخليها في خاطرك
بعد دحوم عن غنى وجاء فيصل جلس بينهم واكل لقمه: وربي حلوه تسلمين