ابيع لاجلك باقي الناس واشريك وتصير وحدك بين رمشي وعيني

Part 23

تنهد بضيق وهو يسمع سوالفهم
عبدالمجيد:نروح لنياق؟
مازن:يلا تم
فيصل:قدام بس خلونا ناخذ البنات نغير جوهم عن التوتر
عبدالمجيد:طيب
دحوم:انا بتسبح والحقكم
عبدالمجيد:انت ماتطفش في اليوم تتسبح عشرين مره ماشاءالله عليك
دحوم:تبيني اقعد وصخ زيك اخذ ثلاث ايام ما اتسبح
عبدالمجيد:اجل وانت جاي جيب البنات معك
هز راسه دحوم وخرجو كلهم تنهد وقام ياخذ شور
،
تحط على يدها كريم غمضت عيونها ترفع راسها فوق تمنع دموعها تنزل
ساره:وعد ابكي ترا مايصير تكتمين الوجع داخلك
وعد:ساره ماقدر احس فيني غصه ماتقدر تطلع مره يعور
ساره:متاكده بس عشان الحرق يعور؟
وعد:وش في غير الحرق يعني
ساره:خايفه دحوم يشوف يدك؟ترا مافيها شي تراه حرق عادي وعد
وعد:مو كذا ساره الحرق يوجعني والله خايفه يتقرف مني من يشوفه خايفه انه زي كل العيال يتقرفون من اتفه شي خايفه يكرهني بسبب هالشي
ساره:لا ياروحي دحوم مو من هالنوع اذا حب حب ومايتقرف من شي على فكره والحرق ذا يمكن يقعد شهرين ويروح عادي او يمكن يقعد معك طول العمر وعد شي عادي ترا
وعد:مادري وش الي حرق البيت احس بتأنيب ضمير ياساره احس اني السبب خليت ابوي يخسر بيته ساره وبيت طفولتي واحلامي
ساره:لا تحسين بشي ياروحي خيره الله كاتب هالشي اسمعي انسدحي بروح المطبخ واجيك
هزت راسها وعد:يمكن اطلع اروح الحمام انا
طلعت ساره نزلت للمطبخ
،
خرج من الحمام ولبس لبسه وحط من عوده وفتح الباب وخرج وقف من شافها طالعه من الغرفه ناظرته بخوف ورعب وتوتر ودموعها على خدها
دحوم:وين ساره ؟
وعد:نزلت تحت
دحوم:والباقي؟
رفعت كتفها وناظرت فيه تقدم لها:انتي بخير؟
هزت راسها بالايجاب وكمل:عورك شي؟جاك شي؟
دخلت يدينها في كمها من سمعت سؤاله نزل نظره ل يديها الي تحاول تخفيها وتكلمت بصوت راجف:لا ماجاني شي
دحوم:متاكده؟
هزت راسها وكمل دحوم:طيب ليه تخبين يدك؟
سكتت تناظر فيه هي خايفه من يشوفها يبتعد عنها خايفه انه يكرهها خايفه انه يتقرف منها نزلت دموعها بدون رد منها ناظر فيها وسحبها يحظنها بعد عنها وهو يمسك كفوفها:شفيك تتخبين عني وعد؟حارقك شي وخايفه اشوفه؟
سكتت ونزلت انظارها ل يدها ناظر فيها وسحب يدها يشوفها سحبتها منه ورجعت تدخل الغرفه وتقفل الباب قعدت عند الباب تبكي من خوفها ومن الوجع الي تحس فيه في يدها رفعت كمها تلمس الحروق بهدوء وهي تبكي
تنهد بضيق ولف ينزل شاف ساره جايه ووقف لها وتكلمت:شافتها؟
سكت يناظرها وتكلم:حارقها شي؟ليش مو راضيه توريني؟فيها شي؟
سكتت ساره تنزل نضراتها عنه مسكها يرفع راسها له ونطق:ساره تكلمي شفيها وعد؟وليش حالتها كذا؟جايها شي؟احد مزعلها؟
تنهدت بضيق:بعلمك بس لاتعلمها اني علمتك هي خايفه منك خايفه انك تشوف حرقها وتتقرف منها وتكرهها هي خايفه اذا شفت حرقها تبتعد عنها وتتقرف منها زي كل العيال!حاولت افهمها بس وعد نفسيتها تعبت من انحرق البيت تحس بتأنيب ضمير تقول انها خلت ابوها يخسر بيته وخسرت بيت طفولتها والبيت الي رسمت فيه احلامها وطفولتها
تنهد دحوم يمسح وجهه بكفه كملت ساره:تقول انها تحس ب غصه بس ماتقدر تطلعها تحس بضيق ماتقدر تطلعه دحوم حاول تخليها تفضفض تكفى
هز راسه بتكرار وكملت:الكتم مو زين يسبب اكتئاب بتروح لها؟
هز راسه:بروح بس مو الحين العيال ينتظروني برا شويات وارجع لها
ساره:تمام
مشت رايحه لها وهو طلع من البيت فتحت الباب وحطت الاكل عند راسها:وعد قومي كلي البطاطس سويت لك بطاطس مقلي يلا
هزت راسها بدون اجابه وكملت ساره:انا بروح الحمام واجي تمام
قامت تطلع من الغرفة رفعت راسها وعد تناظر الصحن بجنبها مالها نفس تاكل ابد تنهدت وقامت تخرج من الغرفه وقفت من شافت اخوها قدامها تكلم بحده وعصبيه:حرقتي بيتنا عشان تجين هنا؟عشان تصيرين قريبه منه؟ انحرق بيتنا بسببك يالحيوانههه
نزلت دموعها وهي تناظره تكلمت وسط غصتها:مالي دخل هو احترق بنفسه
رفع يده يصفقها حطت يدها على خدها بصدمه من اخوها الي مد يده عليها وبكت طلعت ساره من الحمام وشافتها تبكي وحاطه يدها على خده راحت تركض:غبي انت تمد يدك على اختك ياقليل المروههه؟؟؟؟ اختك تعبانه وتعبتها زياده!الله لايوفقك انقلع برا البيت اذلف
تقدمت تحضنها
صالح:ما قليل مروه الا انتي واشكالك
مصلح:وش فيكم
ساره:جدي تعال شف المريض ذا رفع يده على اخته يلومها على الي صار!
مصلح:يابن الكلب تمد يدك على اختك منت رجال!ووش دخلها في البيت امر ربي وخيره ياقليل المروه انقلع برا
ناظر فيهم صالح وهز راسه بتكرار وخرج لف مصلح على وعد الي كانت عيونها ممتلئة دموع بدون صوت منها:وعد يابنيتي
ركضت تدخل الغرفه وانسدحت على السرير تتغطى ببطانيتها
تنهد مصلح:انتبهي لها وانا جدك وعلميني
هزت راسها ساره وخرج رفعت جوالها ترسل له
كان جالس معهم يسولف معهم جته رساله من جواله رفع جواله يقراها
بالمحادثة
ساره:دحوم لازم تجي ضروري
دحوم:ليه وش صار
ساره:صالح الكلب ضرب وعد ويلومها على حرق البيت وهي الحين في الغرفه ماتتكلم حاولت اخليها تبكي بس مارضت تكفى تعال شوف الامر
رفع راسه عبدالمجيد الي بجنبه يقرب منه يشوف من يراسل وقرب منه فيصل ناظر فيهم وبعد الجوال عنهم ورد عليها:تمام جاي
قام يوقف تكلم عبدالمجيد:من كنت تراسل
دحوم:مب شغلك
فيصل:وين رايح
دحوم:بروح البيت واجي
رجع للبيت يمشي بخطوات سريعه دخل البيت بسرعه ورقى فوق وقف عند الباب متردد يدخل فتحت الباب وقفلته :اسمعي اذا جا احد علميني وقفي هنا طيب
هزت راسها ودخل وقفل الباب وراه يمشي بهدوء كانت داخله تحت بطانيتها بدون صوت تقدم يجلس على طرف السرير تنهد وهو يعرف انها مو نايمه تكلم بهدوء:اعرف ليه تتهربين مني خايفه اكرهك؟خايفه اتقرف منك؟خايفه ابتعد عنك؟ كله حرق ويروح ان شاءالله ادري انك خايفه ياوعد لاكن هاذا من الله الله كاتب هالشي يصير نقدر نرجعه؟ لا طبعا قومي قومي تكفين ناظري فيني احضنيني اذا ودك تحضنيني ابكي اذا ودك تبكين فضفضي اذا ودك تفضفضين بس لاتكتمين بداخلك انا طالبك ياوعد تكفين
ماردت عليه تنهد وقال:بكيفك انا طالع قام يهدي بخطواته يعرف انها بتتكلم له وقف من سمعها قالت:لاتروح
لف لها وابتسم ورجع لها يجلس على طرف السري قامت تعدل جلستها وتناظره تقدم يمسك كفوفها وهو يناظر فيها:قولي لي بس وش فيك؟
رفعت اكمامها له وغمض عيونه من شاف الحرق على يدها تقدم يبوس مكان الحرق وتكلم:خلاص طاب
ابتسمت له وهي تناظره وكمل:ودك تبكين؟ابكي وعد تكفين ودك تفضفضين؟ فضفضي وعد تكفين لا تكتمين داخلك شي ناظر في خدها الي محمر ورفع كفوفه على خدها بكت من حست انه لاحظ الضربه وتكلمت تطلب منه اول مره:احضني
تقدم يحضنها وحاوطها وحاوطته على كتوفه وهو مايسمع الا شهقاتها يمسح على كتفها ويبوس راسها ويسمي عليها