ابيع لاجلك باقي الناس واشريك وتصير وحدك بين رمشي وعيني

Part 20

شد على كفوفه وسحب زياد وجا مكانه عقد حاجبه زياد:ولد شبلاك؟
صالح:دحوم  يالكلبببب!! شل يدك عنها!
تلفت دحوم يدور الصوت ولف على الشرفه يشوفه واقف على شرفتها يناظر فيهم وفيه العصبيه والحقد ناظرت فيه وشافت اخوها يناظرهم فزت توقف من مكانها بخوف وزادت نبضات قلبها وتوترها قام يروح للشرفه يقفلها ويحط الستاره عليها لفت عليه بخوف وارتباك وتوتر:بيذبحني!
ناظر فيها وعقد حواجبه:يعقب!
تقدم ومسك كتوفها:تعالي ضمدي جرحي عشان اذا جو مايشوفون شي
هزت راسها وبعدت عنه جلس على كرسيه ينزل راسه وبدت تمشي على الجرح تنهدت بعمق ونزلت دمعتها وبدت تتعالى شهقاتها عقد حواجبه ولف عليها رفع كفوفه على خدينا وهو يتكلم بصوت هادي:اششش لاتبكين!
اخذت نفس تهدي نفسها وهزت راسها مسحت دموعها بيدينها وكملت
صالح بحده:انا اوريك يابن الكلب!!
نزل بسرعه ونزل وراه زياد نزل يدق الباب بقوه فتحت ساره ودخل بعصبيه :وينه؟؟؟؟
ساره:سلامات سلامات ادخل على بيتكم انت؟ ترا بيت عمك احترم نفسك ولا ترفع صوتك علي احسلك! وبعدين شتبي داخل هنا ومنهو الي وينه؟؟؟
عقد حاجبه من كلامها بعصبيه وراح فوق وتكلم بحده:وين غرفته!!!
طلع فيصل من غرفته بسرعه:وش ذي الاصوات! خيرررر وش جابك داخل البيت ماتشوف البيت كله بنات ماتستحي؟؟؟؟
صالح:وين دحوم تكلم!
طلع عوض من سمع صراخهم:وجع انت وياها وش تبي انت هنا؟ داخل وسط البيت كله حريم؟
صالح:عمي اختي عند ولدك طلعها احسن لكم كلكم!
ساره:ماراح تموت اختك تراها تضمد جرحه لا غير!!!
لف عوض وفتح الباب بقوه شافه جالس وهي تلف الشاش عليه ولف على صالح:يعني تتهمه وداخل بيتي بعد!
صالح دخل الغرفه بحده وسحبها وقفه يد دحوم الي مسكت يده الي على ذراعها وقال بحده:منت رجال اذا رفعت يدك على بنت!
صالح تقدم ل دحوم مسكه فيصل ودفه:ترا مهي حلا عندك كل شوي تجي تتهمه وتمد يدك!!
صالح:شفته بعيني يحضنها!!!!! تكذبون عيني يعني!!!!! اسالو زياد اذا مو مصدقين حتى!
لف عوض على زياد وهز راسه زياد:وهو صادق ياعم
ورجع انظاره ل دحوم الي وراه وعد تقدمت ساره:اطلع برا بيتنا ياقليل المروه انت وياه!
صالح رفع يده رده الضربه الي جته على خشمه الي صار ينزف ناظر في دحوم بحده تكلم دحوم وهو يبتسم بسخرية:مو قلت لك مردوده لك؟رديتها!
تقدم صالح قاطعه دخول مصلح:ابن ابوي شتسون هنا!!
دحوم:هذا ياشر على صالح جاي يقول اني كنت اتحرش باخته! بس مايدري ان اخته كانت تشتكي لي منه ومن حركاته وكلامه وضربه!!'
رفع حاجبه مصلح:وشهو!تحرش!تحرش يالظالم!تظلم ولد عمك! واختك ليش تشتكي منك هالكثر هاه! انت سند انت! تفي على هالشكال بس!
صالح:حدك ياجدي عاد!
مصلح:لا احسن اصفقني ياقليل المروه اطلع برا!
صالح:ماني طالع لين اخذ وعد معي!
مصلح:بتروحين معه؟
وعد الي دموعها تجمعت في عيونها ناظرت دحوم الي يناظرها وغمض عينه بهدوء فهمت قصده انه يبيها تتكلم وماتخاف من اي شي دامه عندها:مابي اروح معه
مصلح:ليه يابنتي اخوك روحي معه
هزت راسها بتكرار:بيضربني مابي اروح معه لين بابا يرجع
رفع راسه مصلح عليه وتكلم بصوت عالي:تمد يدك على اختك؟ووحيدتك ؟ تفي عليك وعلى اشكالك
غمض عينه بحرقه وهو يشد على كفوفه تكلم يرفع يده لها بتهديد:وعدنا بالبيت!
طلع وطلع معاه زياد
التفت عليها يناظر دموعها الي نزلت بصمت منها من خوفها من خوفها انه يقولها روحي معه من خوفها ان اخوها يذبحها رفع يده يمسح دموعها مسكه فيصل وناظر فيه واشر على ابوه وجده ناظر فيهم ورجع ناظرها وميل ملامحه لها لاحظ خوفها وارتباكها وتوترها
مصلح ناظر في دحوم الي مسح دموعها بيده ابتسم بخفه يعرف الي داخله اتجاهها عرف قيمة حبه لها عرف غلاتها عنده ومكانتها عنده لف ل ساره:سوير اخذي اختس وغسلي وجهها وخليها تنام عندك هاليومين
هزت راسها:ابشر تقدمت تمسكها وتطلع معها ناظر في ابوه الي يناظره بحده:والله ان كان بينكم شي لا العنك انت وياها سامع!
ضحك دحوم بسخرية وجلس وهو يحط يده على جرحه ويعقد حواجبه يتالم ويخفي المه عنهم لف عليهم مصلح وتكلم :خلونا لحالنا
طلعو وقفل الباب فيصل وراه تقدم مصلح يجلس بجانب السرير وتكلم:تبيني اخطبها لك ؟
فتح عينه دحوم الي كان يتالم وفز من مكانه:احلففف!
ضحك مصلح:والله لا اخطبها لك والله
ابتسم دحوم اخفى ابتسامته من تذكر ابوه:بس قاطعه جده الي تكلم :ابوك؟
تنهد دحوم وهز راسه رفع يده مصلح وهو يحطها على كتف دحوم وابتسم:محلوله
دحوم:بس كيف؟ابوي مو راضي!ولا اخوها راضي!انا مدري وش سويت لهم عشان يسوون فيني كل ذا ماعمري اذيت احد في حياتي ابد سلطهم الله علي ياجدي وكاني عدو لهم مو ولده ولا ولد عمه
ابتسم مصلح:تنحل وانا جدك تنحل اذا غصبناهم تنحل اذا حلفت عليهم بالغضب تنحل بكل شي وانا جدك
ابتسم دحوم وانحنى يبوس يده نزل يبوس رجوله رفعه مصلح وابتسم له لفو على فتحت الباب دخلت عليهم:جدي سويت لك حلا وقهوه تعال تقهو معانا
مصلح:ابشري يابنتي تعالي يلا قام ولف على دحوم يغمز له لفت له وقالت:بتجي انت كمان صح؟
هز راسه دحوم:اجي ليه ما اجي
ابتسمت له بخفه ومشت تنزل جدها من الدرج بهدوء لفت لما شافته جاي قرب ومسك يد جده الثانيه وحط يده على يدها الي كانت على ضهر جده صدت عنه تخفي ربكتها نزلو من الدرج والتفتو كلهم عليهم وجلس مصلح والتفت على عبدالمجيد الي يمينه ومازن الي يساره:بعد انت وياه
ناظرو فيه وعقد حجاجه عبدالمجيد:افا يجدي كارهني؟
مصلح:اذلف وراك بس تعالي ياوعد هنا وانت تعال هنا
بعد مازن عن اخوه وجلس بينهم دحوم التفت عبدالمجيد:طيب وش فيها ان جلست بعيد عنك ياجدي ماراح يصيبها شي ترا انا اغار
عقد حجاجه مصلح:غارو عليك الي ماني بقايل وخر وخر بس جلست بين اخوها وجدها وقطعت لهم الحلا وبدت توزع عطت جدها ومدت الصحن الثاني على دحوم تعمد دحوم ولمس يدها الي كانت على الصحن سحبت يدها بسرعه خايفه احد يشوفها ابتسم وهو يناظرها ورجع يتسمع سوالفهم