ابيع لاجلك باقي الناس واشريك وتصير وحدك بين رمشي وعيني

Part 18

حس بحراره تمشي في رقبته رفع يده ورجع يناظر فيها تنهد بضيق:ماهو وقتك انسدح وحط يدينه على جرحه ووحده تحت راسه يناظر السقف ويتذكر لما اندفع لها وباسها وحضنها له بخوف وضحكهم مع بعض غمض عيونه بقوه وهو يحاول ينسى يحاول ينساها وينسى ايامه معها وينسى حبه لها هي كانت حبه الاول والاخير كانت البنت الي تربى معها الي عاش معها وماكان يعرف ان قلبه بيتعلق فيها لهدرجه يتخيل انها جالسه جنبه وتقاسمه همومه هو ماعاد يعرف وش يسوي من شافهم كلهم ضده ضل وقت طويل مغمض عيونه ويتخيلها ويفكر فيها يحلم انها معه هو وده بهالشي بس خايف منها خايف انها ترفض قربه خايف انها ترفض حبه لها وانها ماتبادله بنفس الشعور الي هو يحس فيه ونفس حبه لها
،
فيصل:يبه انت مو طبيعي ليش الى الان صامل انك تخرب بينهم؟ انت ماحسيت بتانيب لما دخل الغيبوبه؟ هو كان بيروح من بين يدينا !وانحرم من الحب الي كان يتمناه!وكان كل هاذا بسببك! يبه انت وش جايك وش صاير لك؟ ماتبي سعادتنا؟ ماتبي فرحتنا؟ ليش تجيبنا طيب!!
مارد عليه وتنهد فيصل وخرج ل دحوم دخل البيت وشافها تمشي قدامه
وين دحوم؟
وعد:مادري بس يمكن فوق
ساره:شفته راح فوق شفيه؟
مارد عليهم ومشى يعدي على الدرج وهم وراه دق الباب وماكان في اي جواب من دحوم لف يناظرهم وراه ورجع يدقه مره ثانيه شاف مافي جواب فتح الباب بسرعه بس انصدم من شافه على الارض وكان جرحه ينزف
فيصل:دحوم!
ساره:يمه دحوم
تقدم فيصل يرفعه
وعد:دمه ينزف
فتح عينه من حس فيهم كان يفكر وغفى من تعبه فجأة
دحوم:وش فيكم
فيصل:فيك شي انت
هز راسه وقام:فيني اشياء
ساره:دحوم وش صاير قلي
ناظر فيها وابتسم ابتسامه خفيفه لها وطلع كانو يمشون وراه وقف من شافها طالعه بالشاش والاغراض في يدها وقف ساهي فيها قعد يناظرها بصمت
توترت من نظراته لها:مو مغمى عليه؟
فيصل هز راسه:لا
دحوم:انا بروح لا احد يلحقني
وعد:بس لازم نضمد الـ
قاطعها دحوم:مو الحين
طلع وقفل الباب وراه وقف وهو ياخذ نفس عميق بضيق غمض عيونه وهو يشد على كفه بقوه هو وده يتكلم ويقول لها خلينا نروح ونخليهم ورانا انا ابيك وانتي تبيني تنهد واخذ نفس مشى يمر من عند باب الملحق وهو يسمع ابوه
يناديه ولا رد واصل وهو يمشي ويفكر وثوبه منعدم من الدم
مصلح:الولد عدم نفسه بسبتك يالي ماتستحي
عوض:وانا شدخلني يايبه شدخلني
مصلح:انت ماتشوفه كله دم
عوض:يبرى ماراح يصيبه شي
مصلح:صابوك الي ماني بقايل الا انت ماتحس في ولدك هاه؟ في واحد يسوي بولده كذا؟ حوفي والله مارصيتك بالعصا عشان تمشي صح
عوض:يبه انا كبرت ماعاد انا صغير عشان انضرب بهالعصا وبعدين عيالي وانا ادرى بمصلحتهم ازوجهم من واعطيهم من
مصلح:ياليتني وقفت ضد حبك انت وحنان عشان بعدين تحس في الي يحسه ولدك بس انت ما منك رجا مشى يعطيه ضهره وطلع وتركه
،
ركب متجه للمستشفى دخل وقعدو يضمدون الجرح طلع وركب سيارته ووقف من وصل ل النفود الي تطل على ديرتهم ويشوف كل شي تنهد وهو يتكي على السياره ويغرق في افكاره.
،
ساره:قلي وش فيه دحوم وليش معصب كذا
فيصل تنفس وناظر في وعد الي كانت تناظره:ولاشي
ساره:فيصل لا تلعب علي قلي دحوم وش فيه اخلص
فيصل:لا تنقين فوق راسي انا تعبان بروح انسدح
ساره:قل بروح اكلمها بدال بروح انسدح
لف فيصل عليها بسرعه ورفع حاجبه:منهي
عضت شفايفها وعد ورفعت حاجبها:اسكتي
ساره:انت تعرف منهي
فيصل:منهي ماعرف احد ولا اراسل احد ولا اكلم احد بعدين شدخلك؟
ساره:اعرف انك تحب لمى بس خايف من ردة فعل ابوي انها تطلع زي ردة فعله في دحوم ووعد ترا اعرف كل شي!
صد فيصل يطلع وضرب الباب بيده وهو يهمس:كيف عرفت كيف عرفت
ناطرتها وعد:مهبوله انتي لو لف عليك وصطرك من بيفكه هاه؟ ماشفتيه كيف ضرب الباب وانحدت ملامحه!
ساره:ماقلت شي غلط ترا
وعد:كيف عرفتي طيب هالشي!
ساره:مدري حسيت كذا
وعد:تلعبين علي انتي مستحيل بس حسيتي وقلتي الي حسيتيه واذا كان غلط؟
ساره:مهو غلط انا شفت نظراتهم بعيوني وحسيت انه يراسلها هو يحب لمى ولمى تحبه بس خايف من ردة فعل ابوي من يافاتحه بهالموضوع وهذا وجهي اذا ماطلع احساسي صح 
وعد:طيب يمكن يحبون بعض هاذا مقبول بس يراسلها؟
ساره:انا طلع لي حساب بنت ومكتوب من جهات اتصالك قد تعرف فصولي انا مسميته عندي فصولي ودخل على حسابه شفته ضايفها وهي ضايفته والواضح انها ماتعرف انه هو عبالها انه بنت
وعد:بسم الله منك انتي جنيه على طول طلعتي هالفكره في راسك؟ يمكن مو هو! يمكن ملخبطين بينه وبين وحده مستحيل انه يراسلها على انه بنت!
ساره:انا علمتك وقولي ساره ماقالت
وعد:اعوذ بالله صدق جنيه انتي
،
تنهد يتكي بضهره على السرير ويقول في نفسه:هي شلون عرفت؟ وش عرفها اني احبها؟ وش عرفها اني خايف من هالشي! سكت يفكر بهدوء ويفرك يدينه في بعض ويهز رجله بتوتر.
،
التشبيهات في الانستا ( _al_batool511)