ابيع لاجلك باقي الناس واشريك وتصير وحدك بين رمشي وعيني

Part 17

دخلو الكوفي سوا وجلسو قام دحوم يطلب ويدفع الطلب واخذ الاغراض وجا ونزلها عندهم قعدو يتقهوون ويسولفون
ساره:نقوم؟
دحوم:يلا خلصتو انتم؟
ساره:اي خلصنا
قامو وطلعو وركبو السياره متجهين للبيت شغل السماعه وشبك بجواله وحط الشيله الي دايم يكررها ويردد معها كلماتها
"ياغريبه كانت ايامي قبل حبك غريبه
وصارت أيامي بعد حبيتك الاكثر غرابه
كثر ماكنت اضحك من اطرف حبيب مع حبيبه
كثر ماصرت ارحم العاشق ويؤلمني مصابه
يوم حاولت أنجو ب قلبي واجنب باللي هيبه
كنت احسب الحب ضعف وموطن اهل الحب غابه
ودي اعيش العمر وانا قفص صدري نديبه
ماهوى الا المرجله ولا عشق غير الذرابه"
ساره:الله
ضحك دحوم ومسك خدودها وقام يطبل بيده على الدركسون وكمل هالبارت
"إيه اخاف الفقد ومن ابسط شعور ب أي خيبه
ومن هزيمة دمعة عيوني ومن سجن الكآبه
ايه انا الرجل العظيم اللي تقف خلفه حبيبه
لاذكرها لو تبيه يجيب راس غليص جابه
ابك انا في حبك اقوى ف المواقف واعتزي به
عزوة منها يخر اطلق شنب خوف ومهابه
ابك انا شوق العيوف اللي مناسبها عريبه
ماهيب عزوة جبان لا اعتزى محد درابه
وانتي اخذي عزك من اسم العتيبي واحتمي به
مثل ماخذ فعل جدك عينك بوجه التشابه"
ساره:طلعت حبيب ياولد حنان منهي بس
ضحكت غيداء وناظرت في وعد الي كانت سرحانه فيه هي تشوف حماسها مع الشيله وضحكته الي غمازته تحفر خده منها هي كلما لها تغرق فيه زياده وتعشقه اكثر واكثر ابتسمت من وراء النقاب بدون ما احد يحس نزلت نظرها من شافت عيونه جات في عيونها
دحوم الي ناظر فيها وغنا مع هالبارت بتعمد
"كل ماضاقت بك فجوج الجراهيد الرحيبه
اذكري بانك حبيبة شاعرا ربعه عتابه
همه ان طابت لك الدنيا عرف يلقى طبيبه
وان فقد وجهك تقاسيم الفرح يفقد صوابه
في ذرا وجهه وقلبك والله انه مايصيبه
لا حزن لاضيق لاخوف يتجرا ويهقابه
دونك اللي ماتصاعب لاجلك الاشيا الصعيبه
لاعطا قلبه عطا مايملكه حتى ثيابه
كل ماقال العذول الحب نارا وش تبيبه
قال حتى الموت لاجل اللي نحبه مرحبابه
هو غشيم مايعرف ان اي عاشق من عتيبه"
قصر الصوت من دخل الحاره لفت له ساره: اسمع ابيك تعطيني قصيده قبل نوصل البيت بسرعه
دحوم:وش الطاري
ساره:بسمع قصايدك تكفى دحوممم
تنهد دحوم وابتسم
"معك واشتاق لك وشلون وانا بعيد
المشاعر ضوامي غصب تنساق لك
كل ما ابطت بك الايام شوفي يزيد
شف جنون الغلا عقبك وانا عاقلك
فيني شعور احسه نابع من الوريد
من يلوم القلب ان صار تواق لك
ريف قلبي ومرباعه وشوفتك عيد
انت مثل الهواء وراضي والافاق لك "
ساره صفقت: الللهههههه صح لسانك يا شاعرنااااا
دحوم:صح بدنك
ابتسمت وعد وضحكت بخفه وهي تناظره
،
طلع من غرفته يمشي للصاله جلس على الكنبه وفتح جواله شاف الرساله من فيصل
المحادثه
فيصل:ولد نصيحه لا تجي برا بتنسد نفسك دحوم لاتعصب اذا سمعت شي
دحوم:وش فيه؟ وش السالفه؟ وليش ما اطلع ؟
فيصل:بقولك ابوي بيزوجك يادحوم وجدي واقف يقول لا اول شي الكبار دحوم ابوي ناوي يزوجك وحده مانعرفها حتى مدري من وين جابها يقول ابوها كان خويي من الابتدائي واحنا ماقد شفناه
دحوم:انت وش قاعد تقول؟ وليه بيزوجني ابوي ماله حق وماله راي عني أساسًا
فيصل:انت ماتعرف خطة ابوي؟ عشان ماتاخذ وعد! ابوي مايبيك تاخذها
دحوم:جاي انا
فيصل:لاتجي مانبي مشاكل كافي الفرصه الي في الملحق
دحوم:جيتكم
،
:سلام عليكم
ابو عوض :وعليكم السلام ورحمة
تقدم دحوم:ليش بتزوجني؟ عشان ما اخذ الي احبها؟ واعيش سعيد؟عشانها بنت اخوك؟ ولا انت ماتحبها اصلا؟ يبه انا ماني ماخذ غير وعد علمتك
عوض:ترد بوجهي بعد بعدين من علمك
دحوم:مو مهم من علمني الحين المهم السالفه الي بتزوجني بنت ماعرفها ولا اعرف اصلها ولا نعرف سمعتهم
عوض:سمعتهم زينه والبنت زينه وش ناقصها عن وعد هاه!
دحوم:بس انا ماني ماخذ هالبنت الي تبيها! انا باخذ الي ابيها انا والي خاطري فيها من سنين! ووش ناقصها عن وعد ماتجي ربع اصبع رجل وعد
ابو عوض:وانا اشهد مالك حق ولا انا سامحلك تزوجه هالبنت
عوض:دحوممممممم كلام يجيك ويتعداك بتتزوج هالبنت يعني تتزوجها!
دحوم:وكلام يجيكم ويتعداكم مادامي حي تحرم علي غيرها!
طلع دحوم راح لغرفته دخل وضرب الباب بيده كان دمه يفور وجسمه حار يتنفس بقوه من قهره ومن وقوف ابوه ضده تنهد بضيق وجلس بجنب الباب يحط كفوفه على راسه ويغرق بهواجيسه.