ابيع لاجلك باقي الناس واشريك وتصير وحدك بين رمشي وعيني

Part12

وعد الي اتصل جوالها وكان رقم غريب قامت تدخل داخل
وعد:الو
دحوم:وعد
وعد:د دحوممم وينك
دحوم الي ماكان يبي يقول لها وينه قفل جواله وهو مايدري وش يرد وكان يبي يسمع صوتها بس
وعد الي طلعت لاكن شافت صالح قدامها
صالح:من تكلمين
وعد:وش دخلك
صالح الي سحب الجوال وكان بيدق على الرقم
وعد:جيببببهههه مالك دخل اقولك
ابو عوض:صالح رجع الجوال
صالح:بشوف من كانت تكلم
ابو عوض:رجعههه
صالح:خذي ياخي انا وش دخلني يوم ترفعون اصواتكم علي
ابو عوض:انت راس البلا كله
______________________________
عند <دحوم >
نايف:طيب خلني اكلم ابوك اعلمه انك عندي
دحوم:لاتكلمه ولا شي مابيهم يعرفون عني شي
نايف:والسبب
دحوم:ياخي انت شكلك تحقق خلاص اجل انا بطلع
نايف:لا لا خلاص امزح تعال اقعد
______________________________
في بيت ابو عوض
علي:ليه وش فيها بنتي يوم انك تحلف انه ماياخذها هاه
عوض:مافيه شي وانا مابي يصير بينا مشاكل
علي:انت عانك قومت المشاكل انت والسلقي ذا والله لو شفت دحوم اني لا ازوجه ولا علي من اكبر راس فيكم
ابو عوض:هذا الكلام الصح مالك حق توقف ضده
عوض:الولد ولدي مالكم شغل
ساره بحزن:امس كان يلعب معي ويضحك والحين مادري وينه وكله بسبتكم وش فيها لو حققتو حلمه وزوجتوه الي يبيها وش فيها لو خليتوه يعيش سعيد في حياته
تقدم مازن وهو يحضنها وساره الي اول ماحضنها بدت تبكي
وعد الي تجمعت الدموع في عيونها نزلت دمعتها
صالح الي ناظر فيها بنظرات حاده: انتي وراتس تبكين
ابو عوض الي رفع راسه وهو يناظر فيها ووعد الي مسحت دموعها وقالت:ماش شي
صالح:وش عندتس لايكون تبينه بعد
تقدم عبدالمجيد وهو يوقف بينهم:خلصنا ياولد تراك اخذتها حلا مالك دخل اذا تبيه ولا لا
صالح:بعد انت لا احطك معها بعد
ابو عوض:صالح!!! ترانا سكتنا واجد كل شي الا وعد عاد
صالح:هذا دلعكم لها اصلا شوفو وين وصلتنا مالقت تعشق الا ذا
فيصل الي تقدم وضربه على خشمه:تراااااكك تعدددديت حدودك عادددد
ابو عوض:لا يافيصل لا سحب فيصل وراه
صالح الي لمس خشمه وهو كان ينطف دم:قدها
علي:خلصنا ياصالح امش للبيت امششش
وعد:مابي اروح
صالح:انتي اول وحده تمشين قدامي
علي:مالك كلام عليها وانتي اجلسي عند ساره
طلع علي وهو اخذ عياله معه الا وعد الي خذتها ساره وطلعت فوق
ابو عوض:عيالن سملق
فيصل:وراك ماتكلمتي ياجده
ام عوض:والله ياوليدي مالي خلقتن اتكلم وارفع صوتي وانا تعبانتن خلقاً
تفرقو كل واحد في غرفته وكانت وعد وساره مع بعض وعد الي قعدت تبكي بدون صوت
ساره الي ماحست فيها:انا بروح شوي واجي
طلعت وقفلت الباب وراحت باتجاه غرفة فيصل
وفيصل الي كان متمدد على سريره ويفكر في اخوه قاطعه دق الباب
فيصل:من
ساره:انا
فيصل الي  قام وجلس:ادخلي
دخلت ساره وقالت:ماجاك النوم زيي
حرك راسه فيصل بنفي(اي)
ساره الي دموعها متجمعه في عينها:وينهو الحين
فيصل:علمي علمك
ساره الي جلست بجنب فيصل وحطت راسها على كتفه
ساره:احضني
فيصل الي ناظر فيها وقرب منها يحضنها وهو يسمع صوت بكائها وساره الي حاوطته وهي تبكي على صدره
فيصل:قومي غسلي وجهك وتعوذي من الشيطان ونامي
ساره الي قامت وهي تمسح دموعها طلعت وغسلت وجهها وراحت تنسدح على سريرها وغفت
_______________________________
اليوم الثاني الساعه ٩ الصبح تحديدًا بيت الجد ابو عوض
رن جوال مازن :هذا نايف خوي دحوم
عوض:رد يمكن انه عنده
مازن:ارحب
نايف:البقى
مازن:سم
نايف:سم الله عدوك دحوم جاكم؟ لاني اتصل عليه ومايرد
مازن:لا اجل هو كان عندك؟
نايف:اي كان عندي ومشى اليوم الساعه ثنتين الفجر يقول بيرجع لكم وادق عليه مايرد وجواله مغلق
مازن:كيف! غريبه يمكن راح عند اخوياه الباقين
نايف:لا لا دقيت عليهم كلهم يقولون ماجانا ولا شفناه
مازن:اجل وين راح
نايف:علمي علمك بس انا الان جايكم وبنشوف وينهو
مازن:طيب يلا احتريك
عوض:وش السالفه
مازن:دحوم مختفي من الساعه ثنتين ويقول انه قال انه جاينا ويدق عليه جواله مغلق ومايرد
ابو عوض:عساه خير يارب
دق الباب وقام مازن يفتحه وكان نايف موجود
نايف:سلام عليكم
الكُل:وعليكم السلام ورحمة
نايف:هاه؟وصلتو له
مازن:لا والله
نايف:طيب خلونا نبلغ على اختفأه
عوض:لا لان يمكن يكون جاي واحنا تسارعنا وبلغنا ونبلش
خلونا ننتظر شوي
مازن:وش تنتظر ماندري وينهو وانتم تقولون انتظرو
فيصل:ماعاد فيها انتظار
نايف:مازن بالله جيب لي ماء وربي اني هلكان
مازن:طيب دقايق
دخل مازن المطبخ وكان يعبي مويه في كوب دخلت وعد وساره وهم يقولون
وعد:وربي اني حاسه انو بيصير شي
ساره:اهجدي بس وش بيصير آن شاء الله مايصير شي
مازن:شفيكم
ساره:في خبر عن دحوم
مازن:حتى انتو دريتو
وعد:وش درينا فيه
مازن:دحوم من الساعه ثنتين الفجر وهو ماشي من عند نايف عالاساس يجينا وجواله مغلق ومايرد ومانعرف وينه
وعد:شفتي حاسه ان فيه شي وربي
مازن:تعوذي من الشيطان ان شاء الله مافيه شي
طلع مازن يعطي نايف كوب المويه
رن جوال عوض رفعه عوض وكان رقم غريب
عوض:غريبه رقم غريب!هلا
صاحب الرقم:سلام عليكم
عوض:وعليكم السلام ورحمة
صاحب الرقم:انت عوض ابو عبدالرحمن ال*******
عوض:اي نعم من معي
صاحب الرقم:معك الدكتور منصور بن زيد ال*****
عوض الي فز:عسى ماشر
منصور:ولدك عبدالرحمن صاير عليه حادث وهو الان في المستشفى
عوض:اييييشششش
مازن:يبه وش فيه
وعد:هاذا مو كانه صراخ عمي
ساره:اي والله امشي خل نشوف شسالفة
فتحو الباب شوي وقعدو يسمعون
عوض:دحوم صاير عليه حادث امشو للمستشفى يلاااا
مازن:ايششش
وعد الي نزلت دمعتها وطلعت:دحوممم
ساره الي صرخت من سمعته قال سوا حادث وطلعت وهي تصارخ وتقول:دحووووم
مسكها فيصل وقال:تعوذي من ابليس امشي امشي نلحقهم اخذ فيصل امه وساره ووعد وجدته وعبير وركبو السياره واتجهو ل المستشفى نزلو وهم يركضون
فيصل:حادث سير عبدالرحمن بن عوض وين
الدكتوره:الان دخلوه العنايه في الدور الثاني
وعد:كيييف!!!
ساره:عععناييه!
عبير:كيف كذا!
راحو فوق وكان الدكتور منصور طالع من العنايه
فيصل:د دحوم دحوم وش فيه
عوض:ولدي وش فيه
منصور:جاته اصابه قويه على الراس والان هو في العنايه وماندري في اي وقت راح يصحى دعواتكم له
حنان:ياويلييي على ولدييي
عوض:تعوذي من ابليس يابنت الحلال
ساره ببكي:دحوم لا لا
اتجه لها مازن وهو يحضنها وفيصل الي كان يهدي امه وجدته وعبير الي تكت براسها على الجدار وهي تشوفهم بهالحاله ونايف الي من الصدمه مايدري كيف صار كذا