ابيع لاجلك باقي الناس واشريك وتصير وحدك بين رمشي وعيني

Part 10

نزلت نظرها ضحكت ساره
دحوم:وش الي يضحك
ساره:سلامتك في احد يتاملك
دحوم الي رفع راسه ولف على وعد لما سمع ضحكت ساره لف لها وقال:تلعبين علي انتي
ساره:قسم بالله كنت عارفه استمر
دحوم:يأرب صبرك
قاطعهم صوت ابو عوض وهو طالع للمسجد رفع راسه وهو يشوف دحوم وساره يلعبون:دحوم
دحوم:سم
ابو عوض:يلا يلا المسجد يلا
دحوم:ابشر ناظر دحوم في وعد وكانت وعد تناظر فيه وجت عينها في عينه ابو عوض الي لف باتجاه نظر دحوم وشاف وعد وهي تناظر فيه :عمى يعميكم اخلص اسبقني
دحوم الي فز على صوته:ابشر
طلع دحوم ورجعت ساره للغرفه بتشوف الورقه كانت بتفتحها قاطعها دخول دحوم:انتي وش تسوين هنا
ساره:اا ولا شي
دحوم:اطلعي اطلعي
طلعت ساره دحوم الي قفل الباب واخذ المفتاح معه سمع ساره وهي تقول بهمس:اهب حريص يقهررر
ضحك دحوم بخفه وقال:يعني تبيني غبي
ساره الي اخذت القروره الفاضيه ورمتها عليه
دحوم الي راح يصحي اخوانه ونزل تحت للمسجد  تحت انظار وعد له وهي تتامله.
___________________________________
في الفندق
عبدالله الي قام من نومه وناظر في غنى وابتسم بخفه وقرب منه وهمس في اذنها:ياحلوه
فزت غنى من حست ب انفاسه على رقبتها
عبدالله:بسم الله عليك
غنى الي ناظرت فيه وقالت:خوفتني
عبدالله:بسم الله عليك ياروحي كنت بصحيك بس
قرب منها وهو يناظر في شامتها الي على رقبتها
غنى الي زادت نبضات قلبها من قربه قرب منها وباس رقبتها وهو يستنشق ريحتها المسك ويسكر عيونه بخفه
غنى الي نزلت من السرير بسرعه ودخلت دوره المياة وقفلتها عليها سمعته وهو يضحك ويقول:ياويلي صدق وقام يدق عليها الباب يبي يتوضى فتحت غنى الباب وكانت خدودها حمر دخل عبدالله وتوضى وطلع وقال:جهزي لي ثوب وملابس بنروح للغداء عند جدي بعد الفطور
غنى حركت راسها ودخلت تطلع له ثوبه واغراضه ودخلت تاخذ شور ولبست شورت وبدي وفوقه روب وقفلت الروب عليها طلعت وجلست على الكرسي وبدت تجفف شعرها وعبدالله الي بعد ما خلص صلاة قام وراح يجيب فطور عشان يفطرون وهو يناظرها ويبتسم وقفت غنى وهي ترفع شعرها فوق وجلست على الكنب تنتظر عبدالله يجي ب الفطور عشان تروح تتجهز دخل عبدالله ونزل الفطور على الطاوله لاكن لفت انتباهه فتحت الروب الي على فخوذها لاحظته غنى وقفلت الروب بسرعه وهي تقول:يلا مت من الجوع
تقدم عبدالله وبداو يفطرون وبعد ماخلصو دخلت تغير لبسها ولبست فستان ابيض وذهب ناعم وفكت شعرها وكانت تهبل بمعنى الكلمه واول ماطلعت سكرت عيونها من المنظر الي شافته وكان عبدالله بدون تيشيرت وكانت عضلاته بارزه غنى الي ذابت بس كانت تسوي نفسها  ثقيله
لف عبدالله وشافها مسكره عيونها وقرب منها شوي شوي بدون ماتحس على خطواته وفتحت عيونها وهي كانت تحسب انه لبس فنيلته لكن تفاجئت من شافته قريب منها وهو يناظر فيها من قريب وانفاسه تخالط انفاسها رجعت ورا وقفلت الباب وقالت:اذا لبست قول لي
ضحك عبدالله وقال:اقول لك؟طيب يمكن ما البس
رفعت حواجبها بصدمه وقالت:عادي ما اطلع
عبدالله:امزح خلاص
لبس عبدالله ثوبه وقال:خلاص لبست
غنى:تلعب علي
عبدالله:وربي لبست
طلعت غنى وهي مسكره عيونها فتحت عيونها لما حست ب ايده على خصرها وعبدالله الي شدها عليه وصار يتامل كل تفاصيلها قرب مبسمه من مبسمها لاكن تفاجا لما نزلت من تحت وراحت تلبس عبايتها وقال:لحول الله
__________________________________
في بيت ابو عوض
دحوم:ياليلللل يالله يا سارههه
ساره:بسم الله لاتاكلني خذ انقلع
ناظرت في فيصل وهو يضحك وقالت:وش الي يضحك
فيصل:سلامتك ياحلوه
دخلت وعد وهي تقول:ساره عطيني علبت الملح بسرعه
ساره الي مدت لها علبة الملح
مازن:ليه
وعد:ماعندنا ملح خلص في الوقت الغلط
فيصل:اقوم اجيب لكم
وعد:لا خلاص اخذنا يعطيكم العافية
طلعت وعد وضربت في جسم كبير وماكانت تعرف انه دحوم رجعت ورا كانت بتطيح ودحوم الي حاوط خصرها وحضنها عليه
ساره الي انصدمت وناظرت في اخوانها وهي تبتسم ومازن وفيصل الي من الصدمه رافعين حواجبهم
رفعت راسها وعد وهي تشوف دحوم قدامها وكيف من قريب جميل وملامحه الحاده بارزه بعدت عنه بسرعه وهربت ل بيتهم تحت صدمت عيال عوض ودحوم الي كان منصدم وبنفس الوقت فرحان من جوا قاطعه فيصل وهو يقول:انت ماتشوف
دحوم:وش ما اشوف هي نتفه هالكبر من يشوفها
فيصل:غريب والله ان وراك بلا بس بيطلع ناظر في مازن ومازن الي غمز له وقال فيصل:انت تحبها؟
رفع راسه دحوم بسرعة من سمع هالسوال ولف وطلع ومارد عليه ضحكو اخوانه من ردة فعله
فيصل وهو ميت ضحك :وين الي الله ياخذ حقين الحب
ضحك مازن وقال:طاح ومحد سمى عليه
ساره:اعقبو امي جت
حنان:ياعيال عمتكم بتجي ترا
فز فيصل وقال:عمتي من
حنان:عمتك فوز
مازن:ياليل بتجيب فواز الغثيث
ساره:احنا يالله يالله متحملين صالح