ابيع لاجلك باقي الناس واشريك وتصير وحدك بين رمشي وعيني

Part 21

كانو يسولفون ويضحكون كانت وعد تراقبه بنظراتها تراقب ضحكاته وسوالفه وضربه ل مازن ومزحه معهم حس على نظراته وناظر فيها جت عينه في عينها نزلت نظرها تتصدد عنه تكلم عبدالمجيد:الا ياسيد دحوم وش تستخدم ل شعرك الناعم الهادي الثابت الي مايتقرفط زي شعري
ضحك دحوم من سخافته وتكلمت وعد:لو سمحت اسمه كيرلي مو تعفط!
ضحكت ساره:صنهات تطور شوي ياخي
لف لها :مزنه اهجدي مابي اتطور خليني على بداوتي افضل لي الا ماقلت لي يا استاذ دحوم وش تستخدم
دحوم:ابد ولا شي
ضحكت ساره:تراه كذاب امي تحط له من السدر والحنا الي تسويه لي ول وعد كل جمعه ضحكو كلهم طقطقه على دحوم
مصلح:ابن بوي صدق
دحوم:مالي دخل انا امي تغصبني
عبدالمجيد:وانا اشوف كل جمعه ارسل لك تعال نلعب بلاستيشن نطلع للمزرعه للنياق وتقول والله مقدر عندي شغل ولا انا بنام
ضحك مصلح:عادي تراه مو عيب انا كنت اتمشى في الحاره وهو على شعري كانت تحطه امي الله يرحمها
الجميع:الله يرحمها
مد يده على كتف دحوم وضربه مرتين وابتسم له ولف ل وعد الي ملتهيه مع ساره على الجوال يناظرها
ساره:مالي دخل باخذه انا عجبني
وعد:مب كيفك انا الي قلت شوفي هاذا باخذه حلو ولالا
مصلح:اها وش بلاكم انتم
وعد بدلع:جدو شفها اخترت فستان وقلت انا ابغاه قامت قالت لا والله انا باخذه وانا الي مطلعته ومختارته قبلها مايصير!!!
دحوم الي غرق فيها زياده من سمعها تتدلع على جدها ونزل راسه لفنجانه يضحك لفت عليه بعصبيه:وش الي يضحك يالطيب
دحوم رفع راسه:سلامتك
مصلح:طيب سهله طقمو يالثنتين
ساره:بس مايصير
ناظرت في وعد الي بان على وجهها الزعل ومتكتفه دقتها بكوعها:نطقم فيه وابتسمت لها ضحكت وعد وقربت منها يكملون أغراضهم ضحك عبدالمجيد من شافهم تراضو بسرعه:الله الله البنات يتزاعلون في دقيقه ويتراضون في دقيقه ماشافونا احنا نقعد ٧شهور متزاعلين ونرجع لبعض
دحوم:كذاب ذاك اليوم يوم زعلت مني راضيتك بالثواني انا مو بالدقيقة بعد
ضحك عبدالمجيد ودق كفه ب كف دحوم
قام دحوم:يالله نستاذنكم
مصلح:افا على وين
دحوم:والله خاطري في كشته في النفود الي فوق ذاك بروح اجلس فيه شوي واسوي قهوتي وشاهيهي تخاوي ياجدي؟
مصلح:توكلنا على الله
قامو العيال وركبو السياره مع جدهم وقفهم عوض وعلي الي جايين من المزرعه
عوض:على وين
دحوم:رايحين سمره في النفود تخاوي؟
عوض:توكم تروحون النفود الساعه ست المغرب
مصلح:وش فيها ست المغرب عادي نسمر لين ثنعش ونعود
عوض:والعشا؟
علي:انت ماهمك الا بطنك العشاء على دحوم يالله
ركبو معهم ومشو للنفود وبدو يعدلون جلساتهم
،
في لندن
طلع من الحمام يفرك المنشفه على راسه ينشف شعره يناظرها جالسه على السرير وشعره الي يلعب وراها ويتحرك التفتت له وابتسمت من شافته
ابتسم لها وقرب منها يبوس خدها بعد وابتسم وهو يناظر ثغرها
غنى:خلاص عاد بعد وش تبي عشاء
ضحك عبدالله:ابيك
توسعت نظراتها من فهمت قصده:لا صدق انا مره جوعانه وش تبي؟
تنهد من تهرباتها منه وهز راسه يقول بينه وبين نفسه:مسويه تتهربين خلينا نتعشى بس لف لها وقال:مشويات؟
هزت راسها وطلبت مشويات وجلس ينشف شعره كان يحس فيها تناظره هي كانت فعلا تناظره وتتامله وتعض شفايفها بهدوء وهي تناظره دق الباب وقام ياخذ العشاء قربت منه وبدو ياكلون
،
كان يطبخ عشاه ومتكي على المركى يتامل الاجواء ويفكر اخذته افكاره بعيد عنهم جاهل منادات جده لها مد العصا وضربه في فخوذه فز دحوم:بسم الله
مصلح:شفيك انت اناديك من اليوم ماتسمع
حك شاربه بهدوء وعض على شفته:ماسمعتك
مصلح:وش تفكر فيه قلي بس!
حك شعره بتورط:ولاشي سلامتك
عبدالمجيد:عطنا عطنا قصيده
دحوم:انت كل مازانت الجلسة قلت عطنا قصيدة
ضحك مصلح وقال:سمعني سمعني
دحوم:وش تبي ياجدي بس عطني انواع الشعر الي تبيها
مصلح:عطني اي وحده بس
تنهد دحوم وعدل جلسته وقال
"وفي طرفها الجنه وفي رمشها الويل
وفي خدها غمازتن تشغل العين وفي
فمها لون كما الدم لاسيل واليا ضحكت
بانت صفوف الفناجيل ولها جسم
منفصل خير تفصيل تفصيل بين
طينيتينه والعنب توت والتين اليا منها
وقفت حدها الميل وليا استحت زادت
تمايل مع اللين ماكنها الا ورده وهبها اليل
ثم ميلت وتمايلت في البساتين
ماضنها يالربع خلقت من الطين
قولو ماشاءالله كلكم يارجاجيل العين حق
وخوفي تصيبها العين".                      نايف الرفيدي
صفقو كلهم
عبدالمجيد ضربه مع كتفه:صح لسانكككك
ضحك مصلح :صح لسانك
دحوم:صح بدنكم
،
اي تشبيه للروايه شاركو في هاشتاق الروايه بالتيك او
ارسلوه  بالانستقرام _Al_batool511🤍.