عند عبدالرحمن وعبدالله الي يسولفون
عبدالله: من الي كانت معك لمًا طفى الكهرب
عبدالرحمن: اء اختي اختي
عبدالله: اختك؟ متاكد؟
عبدالرحمن: اي من يكون يعني
عبدالله: مدري بس اسمع بطلب منك طلب
عبدالرحمن: ابشر بعزك امر بس
عبدالله: والله متردد الصراحه خايف من ردة فعلك
عبدالرحمن: قل قل انت اخوي
عبدالله:ابي اكمل نص ديني
عبدالرحمن: ابركها من ساعه من تبي بس
عبدالله بتردد: اختك
عبدالرحمن الي لف بسرعه : ايششش!
عبدالله: والله اني كنت داري خلاص هونت
عبدالرحمن الي حس فيه: اي وحده
عبدالله: الكبيره
عبدالرحمن: جتك
عبدالله: احلف
عبدالرحمن: والله بس بشرط
عبدالله: وشهو بس امرني
عبدالرحمن:تجيب عمي واهلك وتجي تخطب رسمي
عبدالله: اكيددد مايبي لها تفكيررر
عبدالرحمن بضحكه: عسى الله يكتب الي فيه الخير
________________________________
اليوم الثاني صباح يوم الاربعاء طق الباب
عبدالرحمن الي راح وفتح الباب: اوهووو خالتي عندنا منوره
نجوى: بنورك ياولدي امك وين
عبدالرحمن:جوا ياخاله اقلطي
عبير. الي كانت تناظر فيه وتبتسم له وهو ماعطاها وجه وطلع برا شاف عمه ابو صالح : صباح الخير ياعمي
ابو صالح:هلا صباح النور ياولدي وين انت رايح
دحوم: والله رايح افطر واجيب اغراض الغداء واجي
ابو صالح:اي انتبه وهد السرعه
دحوم:ابشر الا ياعمي
ابو صالح: هلا
دحوم:عبدالمجيد وينه من امس ماشفته
ابو صالح:عبدالمجيد داخل بالمقلط ادخل وصحه واخذه معك
دحوم: ابشر
دخل دحوم البيت بهدوء وراح للمقلط شاف عبدالمجيد الي كان منطول على الارض وغارق في نومه
وجنبه دولكة مويه دحوم: جويييي
اخذ المويه وفتحها وكبها على عبدالمجيد الي فز اول ماحس بالمويه وهو يقول: وجعععع
جت وعد تركض: شفيك مجود
انصدمت من وجود دحوم وكيف كان حلو وهو يضحك
دحوم: يلا يلا قم نروح نفطر برا
عبدالمجيد:طيب انتظرني اغير لبسي دخل عبدالمجيد جوا ناظر دحوم ولقى وعد واقفه وتناظر فيه ابتسم لها وجلس ينتظر عبدالمجيد
وعد الي كانت ذايبه في ضحكته: جاكم احد
دحوم: مع الاسف اي
وعد:منهم
دحوم:خالتي وعيالها
قام دحوم بيطلع برا وكانت وعد واقفه على الباب زادت نبضات قلبها لما قرب منها وقال:مع السلامة ياحلوه
وعد الي انصدمت من جراءته وقربه منها رجعت ورا وقالت:مع السلامه
عبدالمجيد:يلا مشينا
دحوم:يلا
طلعو وراحو يفطرون
وعد الي استعدت للحرب بينها وبين عبير على دحوم
وراحت تتجهز وتلبس الاحمر
______________________________
عند الحريم
ساره:ياهلا والله ب خالتي
نجوى:هلا فيتس
قامو يسولفون ودخلت ام صالح ووعد :السلام عليكم
الكل:وعليكم السلام
سلمو وجلسو جلست وعد بين غنى وساره وكانت ورا غنى عبير
ساره الي قربت من وعد وقالت:لايكون انسحبتي
وعد:لاياروحي مانسحب وانا بنت علي
ساره: كفو يلا ابدي
وعد:ابدا وش اقول
ساره:ياغبيه اسالي عنه
وعد:اييي ااحم بنات دحوم ماجاكم؟
ساره:لا طلع من اليوم يقول بيروح يفطر برا
غنى: اي وشفته يدخل في بيتكم توقعته بيفطر عندكم
وعد:لا جا يصحي عبدالمجيد عشان يروح معه
عبير وهي قاعده تسمعهم:اما عاد دحوم وش ذي الميانه
وعد الي صبرتها وناظرت فيها من فوق وتحت وخزتها
قاطعهم دخول دحوم الي كان شايل الاغراض بيده ساره:قومو ساعدوني مقدر اشيلها كلها
قامو البنات واخذت وعد الكيس من يد دحوم وهو كان يناظر فيها قال:ارفقي بي لابسه احمر بتذبحيني انتي!
وعد الي ابتسمت له وراحت وجت بعدها عبير الي سمعتهم واخذت الاكياس ودخلت المطبخ :مو طبيعي
ساره:وشهو
عبير:دحوم كان يتغزل في وعد
غنى الي ابتسمت وقالت:والله
عبير:اي
ساره بخبث:وش قال
عبير:قال لها ارفقي بي لابسه احمر بتذبحيني انتي
ساره الي لفت على غنى وهي مصدومه ماتوقعت ان دحوم صدق طايح على وجهه عندها:اي من حقه
عبير:كيف من حقه مافهمت
ساره:لانه خطيبها
عبير الي انصدمت من كلمتها وطلعت برا المطبخ
قعدو البنات يضحكون جت وعد :بنات خالتي تقول سوو جريش وسلطه وزبادي وخيار
لفت عليهم لقتهم يناظرون فيها:شفيكم؟
ساره:دحوم قال لس شي قبل شوي
وعد:ا هاه لا ماقال شي وش بيقول يعني
ساره الي ابتسمت وهي الي حابتهم مع بعض
غنى:طيب خلاص اشتغلو واسكتو
-
-
-
لاتنسون النجمه⭐️.
أنت تقرأ
ابيع لاجلك باقي الناس واشريك وتصير وحدك بين رمشي وعيني
Poetryيامرحبا بكم في اول روايه🌷 نورتوني🌷البتول العتيبي🌷 ان شاء الله تعجبكم😢
