احفــاد الغيـــث "الاصلية"

البارت 45 (اضافي)

" احفاد الغيث "

12:12

هاا ولجننن

ادري بيجن حارگات الخاص عليه علمود القصة مو علمودي واني عبالي مشتاقتلي وكذا

رجعنه بجزء ثاني قصييييير

كتبت هالبارتات الخاطركم ولان اكثر شي عليهن طلب هالاحداث كتبتهم

بس هاا تفاعلوو اراقبكم تره كلكم

يلا ابدو بسم الله..

-------------------------------

:- الساعة 12 بليل گاعدة وحدي بالحديقة وحيدة فريدة لان البنات كل وحده بغرفتها ويه زوجها واطفالها واني بقيت ادرس

كملت دراسة ورجعت راسي ليورة على الشجرة وغمضت عيوني وسمعت همس قريب عليه

:- الساعة 12:12

گمزت وفتحت عيوني وهو خله ايده على عيوني وسدهن وگال بصوت ناصي

:- اششش غمضي واتمني امنية

سكتت وبقيت مغمضة عيوني واتمنيت امنيتي نفسها الي صارلي سنين اتمناها وهو رفع ايده من عيوني واني ابتسمت وباوعت عليه وحجيت:- شكراً اجيت بالوقت المناسب

كرم:- جنت واگف انتظر الوقت المناسب حتى اجي

رحيق:- شمعرفك بهذا الشي

كرم:- ادري بيج تحبين هذا الوقت وتحسينه مُمَيز وتتمنين كل يوم نفس الامنية

رحيق:- تعرف امنيتي؟

كرم:- ايي اعرفها وحققتها الامنيتج بس منتظرتج تجين