SURYAWARNA | COMPLETED ✔️

-29-

"අම්මෝ ඒ ලව් එක බලපංකෝ"

"කටවහපං වන්දා"

මං අරූගේ අතට ගහලා කණුව අස්සෙන් ඔලුව දාලා බලන් හිටියේ හදිසි අවස්ථාවක් ආවොත් අරුන් දෙන්නා මැද්දට පනින්න.

ඒත් නොසෑහෙන වෙලාවක් උන් දෙන්නා මූණෙන් මූණ බලන් හිටියා විතරයි වචනයක් කතා කරේ නෑ. මුන් අනාපානසතී වඩනවද?

"ඒ කුරුළු මොකක්ද අතන වෙන්නේ?"

"උබට එකෙන් වැඩැක්නෑ ටිලාන්. කටවහන් බලන් ඉදපං"

ඒ අස්සේ වන්දා ටිලාන්ගේ ඔලුවට එකක් ගහලා කියනකොට මං උන් දෙන්නගේ විකාරවලට අවදානයක් නොදී අරුන් දෙන්නා දිහා බලන් හිටියා. ටික වෙලාවක් ගියාම මැතිව් අයියා මොනවදෝ කියන්න පටන් ගත්තා. ඊටපස්සේ අඩියක් ඉස්සරහට තියද්දි අපේ අයියා අඩියක් පස්සට තිබ්බා. ඊටපස්සේ එහෙම එහෙම පස්සෙන් පස්සට ගිහින් අර තඩි යකා පොඩි යකාව බිත්තියට හේත්තු කරගත්තා. යකෝ මේ ස්කෝලේ!!! මෙහෙමද හැසිරෙන්නේ ඈ??

"ඒ අර බලපං අර!"

අම්මට හුඩු කිව්වලු!! මං හිතුවේ ඒ දෙන්නා අතර ලොකු රණ්ඩුවක් වෙයි කියලා. ඒත් මැතිව් අයියා සාක්කුවෙන් මොනවහරි ඇදලා අරන් අපේ අයියගේ කනේ ගැහුවා.

"අයියෝ අර මගේ වතුසුද්ද ගහේ මලක්!!"

"උබට ස්කෝලේ මල් ගස් ලියලා දීලා නෑ ටිලාන්"

මං බලන් හිටියේ අත පුරවලා කනේ පාරක් මැතිව් අයියට වදී කියලා. ඒත් අපේ අයියා හොල්මන වගේ බලන් ඉන්නවා. පොර ෂොක් වෙලාද කොහෙද.

ඒත් මෙතන මොකක්දෝ කොස්සක් තියෙනවා.

"අන්න මචං අන්න"

ඒත් එක්කම මැතිව් අයිය අපේ අයියගේ ඉනට අත තියනකොට මට ආව ගැම්මට මං යන්න ගියත් ආපස්සට ආපහු ඇදිලා ආවා.

"උබට පිස්සුද බං. උන් දෙන්නා විසදගන්න දෙයක් විසදගයි. මැද්දට පනින්න එපා"

"යකෝ ඒ මගේ අයියා"

"අර බලපං හොදට නැට්ට පාගගන්න කලින්."

මං හැරිලා බැලුවම දැක්කේ මැතිව් අයියා ඉනේ තිබ්බ අත් දෙකෙන් අපේ අයියා සාරියට උඩින් ඇදලා තිබ්බ අර මොකක්ද මන්දා පොඩි කෑල්ල පල්ලට ඇදලා සම්පූර්ණයෙන්ම බඩ කවර් වෙන්න හදනවා. මං හොද හුස්මක් අරන් පල්ලට දැම්මා.