៦ឆ្នាំក្រោយ
រយៈពេលប្រាំមួយឆ្នាំបានកន្លងផុតទៅយ៉ាងឆាប់រហ័សដោយឡែកបើយើងក្រឡេកមកមើលក្នុងភោជនីយដ្ឋានដ៏ធំមួយឯនេះវិញយើងនឹងបានឃើញមានក្មេងស្រីម្នាក់អាយុប្រហែលជា២៣ឆ្នាំរូបរាងស្អាតបាតកំពុងតែរូតរះរហ័សដៃរហ័សជើងលើកអាហារក្នុងថាសដាក់តាមតុភ្ញៀវដែលកំពុងតែកម្មង់អាហារ
"ឌឹប សុំទោសៗ"សម្លេងស្រួយស្រេសបន្លឺចេញពីបបូរមាត់ស៊ីជម្ពូរខណៈដឹងខ្លួនកំពុងតែធ្វើខុសព្រោះមុននេះបានប៉ះគ្នាជាមួយនឹងភ្ញៀវដែលទើបតែដើរចូលមុននេះ
"មិនទេ"គ្រាន់តែឮសម្លេងហើយថេហ្យុងរហ័សងើបមុខមើលយ៉ាងលឿនដើម្បីប្រាកដចិត្តហើយវាពិតជាមិនខុសពិតមែនផែនដីមួយនេះពិតជាមូលខ្លាំងណាស់ទោះជាខំគេចយ៉ាងណាក៏មិនអាចគេចផុតដែរទីបំផុតនៅតែជួបទាល់តែបាន
"នាងគឺ?"អារ៉ា សម្លឹងមើលទៅមុខថេហ្យុងហាក់ដូចជាប្រហែលៗប៉ុន្តែរកនឹកមិនឃើញទាល់តែសោះថាធ្លាប់ជួបអ្នកនៅចំពោះមុខនេះនៅឯណា ផ្ទុយពីថេហ្យុងដែលឃើញហើយស្គាល់យ៉ាងច្បាស់ព្រោះតែការជួបរបស់នាងនៅថ្ងៃនោះហើយធ្វើនាងទទួលរងការឈឺចាប់ក៏ដូចជាមានស្នាមដិតដាមរហូតមកដល់សព្វថ្ងៃនេះ
"សូមទោសផងខ្ញុំធ្វើការមិនបានប្រយ័ត្ន"ថេហ្យុង និយាយបានតែប៉ុនហ្នឹងរហ័សរកលេសគេចខ្លួនទៅកន្លែងផ្សេងបាត់បើតាមមើលពេលនេះប្រហែលជានាងមិនចាំខ្លួននោះទេ តែបែបនេះក៏ល្អម្យ៉ាងដែរ
ក្រោយពេលថេហ្យុងដើរចេញទៅមិនបានប៉ុន្មានភ្លាមនោះក៏ស្រាប់តែមានបុរសម្នាក់ដើរចូលមកតាមក្រោយហើយច្បាស់ណាស់ម្នាក់នោះគឺគ្មានអ្នកណាក្រៅពីជុងហ្គុកកាលពី៥ឆ្នាំមុនទេ នាយក្រាស់ដើរចូលមកគៀកកនាងក្រមុំយ៉ាងស្និតស្នាលបន្ទាប់មកក៏ដើរសំដៅទៅរកតុដែលបានកក់ទុករួចជាស្រេចនោះជាមួយគ្នា ហើយសកម្មភាពទាំងនេះក៏គេចមិនផុតពីក្រសែភ្នែករបស់ថេហ្យុងដែរ បើតាមស្មានមិនខុសពេលនេះពួកគេទាំងពីរនាក់ប្រហែលជារៀបការជាមួយគ្នារួចទៅហើយព្រោះឮថាជាគូរដណ្ដឹងនឹងគ្នាតាំងពី៦ឆ្នាំមុនមកម្ល៉េះ
