ជំនួបស្នេហ៍ចាស់(ចប់)

ភាគ១២ កូនហៅអ្នកផ្សេងថាម្ដាយ

__មួយសប្ដាហ៍ក្រោយ__

នៅក្នុងកម្មវិធីរៀបអាពាហ៍ពិពាហ៍ដ៏ធំមួយប្រចាំតំបន់ដែលគេស្គាល់ថាជាពិធីអាពាហ៍ពិពាហ៍របស់កូនស្រីតែម្នាក់របស់ម្ចាស់ក្រុងនេះទាំងមូលរួមទាំងមានការចូលរួមពីភ្ញៀវកិត្តិយសជាច្រើនរូបសុទ្ធតែជាអ្នកមានមុខមាត់ក្នុងសង្គមទាំងអស់ ហើយក្នុងចំណោមភ្ញៀវកិត្តយសទាំងនោះក៏រួមមានដូហ្យុននិងថេហ្យុងផងដែរ

ដូហ្យុននិងថេហ្យុងបោះបណ្ដើរគ្នាចូលមកក្នុងកម្មពិធីទាំងមូលសាងជាការចាប់អារម្មណ៍ជាខ្លាំងដល់អ្នកដែលមកចូលរួមពិធីនេះឱ្យងាកទៅមើលពួកគេទាំងពីរឥតព្រិចជាមួយនឹងរូបរាងសាកសមល្អឥតខ្ចោះគ្មានសូម្បីកន្លែងទាស់ បូករួមជាមួយនឹងការតែងខ្លួនប្រៀបដូចបបវរកញ្ញាលំដាប់ពិភពលោកជាមួយនឹងឈុតពណ៌ស្រស់ស្បែកជើងកែងចោតបែបស៊ីវីល័យកាន់តែមើលកាន់តែលើកសម្រស់របស់នាងមិនអាចដកក្រសែរភ្នែកបាន

"ថេហ៍ នេះឯងមកចូលរួមកម្មវិធីរបស់យើងដែរមែនទេ? ពិតជានឹកខ្លាំងណាស់"ស្របពេលដែលគ្រប់គ្នាកំពុងតែជ្រួលច្របល់នឹងសម្រស់ដ៏ល្អឯករបស់នាងតូចថេហ្យុង ជាមួយគ្នានោះកូនស្រីម្ចាស់ក្រុងដែលគេស្គាល់ថាជាកូនក្រមុំប្រញាប់ចេញមកទទួលស្វាគមន៍យ៉ាងកក់ក្ដៅដោយមានកូនកម្លោះតាមមកជាមួយផងដែរ