Unicode
Hyunjin ရဲ့ တစ်နေ့တာက ကောင်းမွန်စွာ ကုန်လွန်နေသည်။ မဟုတ်ဘူး။ တံခါးခေါက်သံတစ်ခု မကြားရခင်အထိတော့ ကောင်းမွန်စွာ ကုန်လွန်ခဲ့သည်။
တံခါးမကြီးအား ခေါက်နေသံကြောင့် Hyunjin တံခါးဖွင့်ဖို့ ရောက်လာခဲ့သည်။ သူထင်လိုက်တာက ခပ်ရှင်းရှင်းပါပဲ။ Minhee သို့မဟုတ် ဖေဖေ့မိတ်ဆွေတစ်ဦးဦးဖြစ်မည်ဟုပင်။
သို့ပေမဲ့ Kang Minwoo ကို တွေ့ရမယ်လို့တော့
အမှန်တကယ်ကို မျှော်လင့်မထားခဲ့ပါ။
"ဘာလာလုပ်တာလဲ"
သူ့အသံက လိုအပ်သည်ထက် ပိုမာကြောနေသည်ကို Hyunjin သိပါသော်လည်း မတတ်နိုင်ပါ။ သူမှ Minwoo ကို ကြည့်မရပါဘဲ။
"Seungmin ရှိတယ်မလား။ တစ်ချက် ခေါ်ပေး"
အလိုမကျခြင်းများက နှစ်ဆတိုးသွားရသည်။ သူက ဘာလို့ Kim Seungmin ကို ခေါ်ပေးရမှာလဲ။ ဝေးပါသေးသည်။
"ဘာလို့ခေါ်ပေးရမှာလဲ"
"ငါနဲ့ဒိတ်လုပ်ဖို့ချိန်းထားတယ်။ အဲဒါကြောင့် လာခေါ်တာ"
"လိမ်မနေနဲ့ Kang Minwoo"
တကယ်တော့ Minwoo လိမ်နေတာ မဟုတ်ပါ။ အဲဒီအစား Hyunjin ကသာ သူ့ကိုယ်သူ ညာလိုခဲ့တာ။ Minwoo ရဲ့ မျက်နှာပုံစံက အမှန်ပြောနေကြောင်း ထင်ရှားနေပါသော်လည်း လိမ်နေတာ ဖြစ်ပါစေလို့ မျှော်လင့်ရင်း သူ့ကိုယ်သူညာမိနေခြင်းပင်။
"ငါက ဘာလို့ လိမ်ရမှာလဲ။ မင်းမယုံရင် Seungmin ထွက်လာရင် ကြည့်လိုက်"
"ဘာမှ ကြည့်စရာ မလိုဘူး"
တုံ့ပြန်ချက်နဲ့အတူ တံခါးကိုပါ ဆောင့်ပိတ်လိုက်သည်။
Kim က Kang Minwoo နဲ့ ဒိတ်လုပ်မယ်။
မဖြစ်ရပါဘူး။ ဒါကို သူခွင့်မပြုနိုင်ပါဘူး။
လူလွတ်နှစ်ယောက်က လွတ်လပ်စွာ ဒိတ်ကြခြင်းကို ဘာကြောင့်များ ဒီလို ခါးခါးသီးသီးဖြစ်နေမိသလဲ သူ့ကိုယ်သူ နားမလည်နိုင်သော်လည်း သေချာတာကတော့ Kim ရဲ့ ဒိတ်ကို မဖြစ်စေချင်တာပင်။
ကျေးဇူးပြုပြီး ဒါက Kang Minwoo ရဲ့ လိမ်ဆင်တစ်ခုသာ ဖြစ်ပါစေလို့ ဆုတောင်းမိပေမဲ့ အခန်းထဲမှ ထွက်လာတဲ့ Kim က သူ့ဆုတောင်းကို ရိုက်ချပစ်လိုက်သည်။
YOU ARE READING
NEMESIS
Fanfiction"မင်းက ဘယ်တော့မှ Hwang တစ်ယောက်ဖြစ်လာမှာ မဟုတ်ဘူး" ခက်ထန်တဲ့စကားတို့ဟာ သူ့အပေါ် ဘာသက်ရောက်မှုမှ မရှိသည့်အတိုင်း သူဟာ မျက်နှာတစ်ချက်မပျက်။ ဝမ်းနည်းခြင်းလည်း မရှိ။ အဲဒီအစား ရှေ့ကို ခြေတစ်လှမ်းတိုးလာကာ အသက်မပါသည့် လူသေကောင်နှယ် မျက်ဝန်းများဖြင့် ကြည့်လ...
