Unicode
"မင်း ငါတို့ Seungminnie ကို ဘယ်လိုသဘောထားတာလဲ"
Locker ကို ပိတ်ပိတ်ချင်း မြင်လိုက်ရတဲ့ Jisung မျက်နှာကြောင့် Hyunjin လန့်သွားရသည်။ ထို့ကြောင့် Jisung အား စူးရဲရဲကြည့်လိုက်သည်။
"လန့်လိုက်တာ ဒီကောင်ကတော့"
"ငါမေးတာဖြေစမ်းပါ။ Hwang Hyunjin မင်းအတွက်
ငါတို့ Seungminnie က ဘယ်လိုလူလဲ"
Jisung ဟာ လက်နှစ်ဖက်ပိုက်ကာ သူ့အား စုံထောက်အကြည့်နှင့် ကြည့်နေသည်။ ဆေးတံကိုသာ ပါးစပ်မှာ ကိုက်ထားရင် ကျိန်းသေကို Hyunjin ငယ်ငယ်က ဖတ်ခဲ့ဖူးတဲ့ ကာတွန်းထဲက စုံထောက်လို ဖြစ်နေမှာပင်။
"ခေါင်းထိလာတာလား Han Jisung ။ Kim နဲ့ ငါက ရန်သူပြိုင်ဘက်တွေဆိုတာ ငါတို့ အထက်တန်းနှစ်သမားတွေတင် မဟုတ်ဘဲ တစ်ကျောင်းလုံးအသိကို"
ရန်သူ။ ဟုတ်သည်။
အဲဒါက သူတို့ကြား ဆက်ဆံရေးခေါင်းစဥ်ပင်။
ငယ်ငယ်ကတည်းက အမြင်မကြည်ခဲ့ကြတဲ့ သူတို့နှစ်ယောက်ဟာ အရွယ်ရောက်လာတာနဲ့အမျှ ရန်သူတွေလို ဖြစ်လာကြသည်။
ပြိုင်ဆိုင်မှုတွေ ရှိလာကြသည်။
သူနှင့်ဆန့်ကျင်စွာ ပညာရေးမှာ သိပ်ထူးချွန်လွန်းတဲ့ Seungmin ကို Hyunjin မကြည်ပါ။ အထူးသဖြင့် အမှတ်စာရင်းထွက်လို့ သူတို့အမှတ်တွေကို ယှဥ်ပြီး ဖေဖေ သူ့အား ဆုံးမသည့်အခါများတွင်ပင်။
ထို့ကြောင့် Seungmin ကို သာနိုင်မည့် အားကစားဘက်ကို Hyunjin ပိုအားစိုက်ခဲ့တာဖြစ်သည်။
Jisung က ခေါင်းကိုခါသည်။
"မဖြစ်နိုင်ဘူး။ Seungminnie ဘက်ကတော့ ရန်သူလို
သဘောထားတာ ဖြစ်နိုင်ပေမဲ့ မင်းဘက်ကတော့ မဖြစ်နိုင်ဘူး"
Jisung စကားကြောင့် Hyunjin မျက်ခုံးတစ်ဖက်
ပင့်တက်သွားသည်။ Han Jisung ပြောချင်တာက သူ့ကို Seungmin က မုန်းပေမဲ့ သူကတော့ Seungmin ကို မမုန်းပါဘူးလို့လား။
"မူလတန်းနှစ်တုန်းက ငါ့ကို ငွေပေးပြီး Seungminnie နဲ့ သူငယ်ချင်းလုပ်ခိုင်းခဲ့တာ။ အစကတော့ သူ့ကို တစ်ခုခု မကောင်းကြံချင်လို့ ဥာဏ်ဆင်တာလို့ ထင်ခဲ့ပေမဲ့ မင်းက အဲဒီလိုလည်း မလုပ်ခဲ့ဘူး။ အဲဒီတုန်းက ဘာကြောင့် ငါ့ကို အဲဒီလိုခိုင်းခဲ့တာလဲ။ မင်း ဖြေရှင်းကြည့်"
YOU ARE READING
NEMESIS
Fanfiction"မင်းက ဘယ်တော့မှ Hwang တစ်ယောက်ဖြစ်လာမှာ မဟုတ်ဘူး" ခက်ထန်တဲ့စကားတို့ဟာ သူ့အပေါ် ဘာသက်ရောက်မှုမှ မရှိသည့်အတိုင်း သူဟာ မျက်နှာတစ်ချက်မပျက်။ ဝမ်းနည်းခြင်းလည်း မရှိ။ အဲဒီအစား ရှေ့ကို ခြေတစ်လှမ်းတိုးလာကာ အသက်မပါသည့် လူသေကောင်နှယ် မျက်ဝန်းများဖြင့် ကြည့်လ...
