" ကောင်းကင် ကြယ်တံခွန် "

Part.13

" ကျွန်တော်တို့ကို ခေါ်လိုက်ရောပေါ့ "

သူတို့အသံကြောင့် Jungkook ပါTaehyung နှင့် Seok Jin ကိုမြင်သွားခဲ့သည်။ Jungkook က...

" အကြံတူတွေတော့ တွေ့နေပြီ "

" ကိုယ်တွေက ရိုးရိုးသားသားပါ "

" ရိုးနေပြီပေါ့လေ၊ တွဲခဲ့တဲ့နှစ်တွေက ကြာပြီဆိုတော့ "

" အချစ်မာရိုးတယ် ဆန်းတယ် မရှိပါဘူး၊ တစ်သက်လုံး ရိုးမြေကျချစ်မယ့် အချစ်ဟာ ကြာလေ ဆန်းသစ်လေပါပဲ "

" ကြိုက်တယ်ကွာ၊ မိုက်တယ်၊ Taeစကားတွေကတော့ တကယ့်ကို လန်ထွက်နေတာပဲ "

Jimin မချိုပြုံးနှင့် Taehyung စကားတွေကို နားထောင်နေရသည်။ Taehyung စကားတွေက နူးညံ့ယဉ်ကျေးသလောက် Jungkook စကားတွေကတော့ ပေါ့‌ပျက်ပျက်။

ရုပ်ရှင်ထဲမှာ နောက်တစ်ကြိမ်ပစ်ခတ်၊သတ်ဖြတ်ကြလျှင် Jimin မခံစားနိုင်တော့။

" တော်ပြီ Jungkook, ကျွန်တော်ပြန်တော့မယ်၊‌ ခေါင်းတွေမူးနောက်လာပြီ "

" Jimin ကလည်းကွာ၊ နေပါဦး၊ ဒီမာဇာတ်ရှိန်တက်နေတုန်း "

သူ့ဆန္ဒအတိုင်း Jimin ငြိမ်သက်နေရပြန်၏။ သူ့ရင်ထဲမှာ တလှပ်လှပ်ခုန်လာ၍ မျက်စိမှိတ်ခါ နားထင်နှစ်ဖက်ကို နှိပ်ထားရသည်။

Jungkook ဟာ မညာတာတတ်ပါလား။ အရာရာ အနိုင်ယူပြီး သူ့ဆန္ဒအတိုင်းလုပ်ဆောင်မည့်သူပါလား။

သည်စဉ် သူ့လက်ထဲသို့ အော်ဒီကလုန်းစွတ်ထားသည့် လက်ကိုင်ပဝါလေး ရောက်လာခဲ့ပြန်သည်။ Taehyung ပေးခြင်းပါဘဲ။ Jimin ရင်ထဲ နာကျင်မှုမျက်ရည်တွေက ဝဲတက်လာခဲ့သည်။

လောကကြီးဟာ ဘယ်လိုလဲ။

Jungkook က ကိုယ့်ချစ်သူထက် ရုပ်ရှင်ကိုပိုစိတ်ဝင်စားတယ်။

Taehyung ကဝောာ့ ကိုယ့်ဘေးက ချစ်သူထက် သူတစ်ပါးကို စိတ်ဝင်စားနေတယ်၊ ဘာဘဲဖြစ်ဖြစ် Taehyung ကို သစ္စာရှိတဲ့ လူတစ်ယောက်အဖြစ်ပဲ
Jimin မြင်ချင်ပါသည်။

ရုပ်ရှင်ကထွက်လာခဲ့ကြတော့ Seok Jinက သူမအနားသို့ကပ်ပြီး...

" မနက်ဖြန် ကိုယ် ‌Jimin ကိုလာတွေ့မယ် "