Jimin ကျောင်းမှ အပြန် အိမ်ပေါ်သို့ ပင်ပန်းနွမ်းနယ်စွာ တက်လိုက်သည်။ လိုင်းကားတိုးစီးရသည့် ဘဝဟာ တော်တော်ခက်ခဲပါလား။ နေ့စဉ်နဲ့အမျှ ဓာတ်ဆီနံ့၊ လူနံ့သူနံ့၊ အပူငွေ့တွေကြားမှာ လှုပ်ရှားကျင်လည်နေရသည့် ဘဝ။
သည်ဘဝမှာ ဘယ်တော့ လွတ်မြောက်မှာလဲ။ ယခုဆို Jimin တို့ ဆရာဝန်ဖြစ်ဖို့ ၂နှစ်သာလိုတော့သည်။ ၂နှစ်ဆိုတာ အရိပ်ထဲမှာနေသူတွေအတွက် မကြာမြင့်သော်လည်း ကန္တရမှာချွေးဒီးဒီးကျအောင် လှုပ်ရှားရုန်းကန်နေရသူတွေအတွက်တော့ နှစ်အသင်္ချေ ကြာရော့မည်။
" သား "
ဧည့်ခန်းထဲမှာ ကျေနပ်ပီတိတွေနှင့် ပြုံးနေသည့် မေမေက Jimin ကိုလှမ်းခေါ်ပြီး ခရီးဦးကြိုပြု၏။ မေမေ့ရှေ့က စားပွဲပေါ်မှာလည်း အထုပ်ကြီး၊ အထုပ်ငယ်တွေနှင့် စားစရာတွေရော၊ အဝတ်အထည်တွေပါ စားပွဲနှင့်ပြည့်လုနီးပါး။
" ဘာတွေလည်း မေမေ...ဘယ်သူလာပို့တာလဲ "
" မောင် Jungkook ပို့ခိုင်းလိုက်တာတဲ့၊ ကြည့်ပါဦး သားရယ်...သစ်သီးတွေရော၊ အဝတ်အထည်တွေရော၊ နည်းတဲ့ တန်ဖိုးမဟုတ်ဘူးနော် "
" ဟာ...မေမေ လက်ခံလိုက်တာလဲ၊ ရှုပ်ကုန်ပါပြီ မေမေရယ်၊ တော်ကြာ "
" နို့ သူတို့ပြောတော့ မောင် Jungkook လေးက သားချစ်သူဆို၊ သူ့ချစ်သူကို ချစ်သက်လက်ဆောင်ပို့တာဆို "
" မေမေ...မေမေသားကို စိတ်မဆိုးဘူးလားဟင် "
" မေမေ စိတ်မဆိုးပါဘူး သားရယ် ၊ ဒီခေတ်က ဒီလို လိင်တူချစ်သူတွေ အများကြီးရှိတာပဲ ပြီးတော့ မေမေ့သားက ငယ်ငယ်ထဲက လိမ်မာတော့ အဲ့ဒီလို လိင်တူချစ်သူတွေ ဘာတွေထားမယ်မထင်ထားဘူး မေမေနဲ့ ဖေဖေကတော့ သားစိတ်ချမ်းသာရင် အဆင်ပြေပါတယ်ကွယ် "
" မေမေရယ်...ဒါ သူလူလည်ကျတာပါ၊ သား သူ့ကိုမချစ်ပါဘူး၊ သူက ရည်းစားများတယ် မေမေ၊ သူ့အချစ်တွေကို သားမယုံပါဘူး "
" ဟေ "
မေမေ ခနတော့ တွေဝေသွားသည် ။ သိုသော် ခဏပါပဲ။
" ဒါကတော့ သားလေးရယ် လူငယ်ပဲကွယ်၊ ဒါပေမဲ့ သူ့ကိုကြည့်ရတာ သားကို အရမ်းနှစ်သက်ပုံပါပဲ။ ဒီလက်ဆောင်တွေကိုဘဲ ကြည့်လေ၊ မေမေတော့ တန်ဖိုးတောင် မမှန်းတတ်တော့ပါဘူး၊ ဟိုဒင်း တီဗီတွေ၊ အောက်စက်တွေ၊ စလောင်းတွေပါဆိုတော့ ၄၊၅ ဆယ်သိန်းဖိုးလောင်များ ရှိမလားဘဲ "
YOU ARE READING
" ကောင်းကင် ကြယ်တံခွန် "
FanfictionUnicode "လူချောချောလေးမောင်ဟာ ကျွန်တော့် အတွက်တော့ ကောင်းကင်ကြယ်တံခွန် အလင်းတန်းလေးပါပဲ.............. ကျွန်တော့် ဘဝရဲ့အလင်းရောင်လေးးပါဘဲ " Zawgi "လူေခ်ာေခ်ာေလးေမာင္ဟာ ကြၽန္ေတာ့္ အတြက္ေတာ့ ေကာင္းကင္ၾကယ္တံခြန္ အလင္းတန္းေလးပါပဲ.............. ကြၽန္ေတာ့္...
