තඹරු❤️‍🔥💖💖❤️‍🔥

19

"අම්මා...ශීතල...."

ම්ම්...මම මේ අපේ ගමේ වැව ලග, ඔව් අප්පා ගමේ ලස්සන බලනවා. මොකද එච්චරයි කරන්න පුලුවන්. වෙනදා මෙතෙන්ට ආවාම මම මේ ගහ දිගේ බඩ ගාලා වැවට පැනලත් ඉවරයි. ඒත් පෙරේදා අඹ ගස් බඩ ගාන්න ගිහින් මම ගුටිත් කෑවා. ඊයේ රෑ නම් මාව තුරුල් කරන් කීවේ එයා ඉන්න තැන ඕන දෙයක් කරන්නලු. එයාට ඕන නෑලු එයාගෙ සුදු නෙළුම් මලට රිදෙනවා බලන්න. මම නෙළුම් මලක්ලු එයාට. ම්හ්ක්...මගෙ සුද්දයියා. ඊයෙ අම්මටයි තාත්තටයි අපි ගෙනාපුවා බෙදලා දීලා කාලා බීලා ගොඩක් සතුටු වුනා. මමත් හිටියේ ගොඩක් සතුටින්.

"ඒත් අද උදේ ඉදන් එයා තාත්තා එක්ක හොර සාකච්ඡාවක්."

ම්ම්...ඔව් අප්පා. මොනවා කරන්න හදනවද දන්නෑ. ඇහුවම කීවේ රෑ වෙලා කියනවා කියලා. මම ඊයේ එයා කරන්න යන්නෙ මොනවද කියලා අහගන්න හිතුවක්කාර උනා කියලා මාව කිස් කරලා කරලා හති වැට්ටුවා. ඒකෙන් උනේ මගෙ බෙල්ලෙ තැනින් තැන රතු ලප ආව එක විතරයි. මේ ඇදන් ඉන්න ටී ෂර්ට් එකට කෙලින් ඉද්දි පෙනුනෙ නැතත් නැමෙද්දි පේනවා. ඒ නිසා උදේ ඉදන් මන් කෙලින්. ඇයි අප්පා පුදුම වැඩ මටත් වෙන්නෙ. ඒ කොහොම උනත් අද උදේ ඉදන් සුද්දයියා බිසී වෙද්දි මම තනියම ගමේ ඇවිදන්න ආවා. මේ මගෙ ගමනෙ.

"සුද්දයියේ කම්මැලි...."

ඊයේ මට මැරිල වගේ නින්ද ගියා ගෙදර එනකම්ම. සුද්දයියා නම් කීවේ මන් මහන්සි උනා වැඩීලු. ඒ නිසා ඊයේ exam එකට නිදි මරාපුවා දවසින් ඇල්ලුවා කියලා. ඒ කොහොම උනත් ඊයේ කඩ මණ්ඩියෙදිත් හොද පිස්සුවක් උනාලුනෙ. සුද්දයියා කීවේ. ඒ මොන දේ උනත් ඒකෙන් උනේ ගමේ එවුන් මන් ගැන තවත් ඊර්ෂ්‍යා උන එක. වැව් බැම්මෙ බිම වාඩි වෙලා බිම ගල් අරන් වතුරට ගැහැව්වේ කරන්න දෙයක් නැති තැන. මට සුද්දයියා ඕනේ. කම්මැලි මට.

"සාසුවා....."

"විශාල් අයියා...."

"සාසු මෙතන."

"ඕ...එන්නකෝ. මෙතනින් ඉද ගන්නවා විශල් අයියේ. කොහෙද ගියේ."

"බෙහෙත් පැළෑටි වගයක් හොයන්න, මන් සාසුව දැකල නැවතුනේ."

මේ අපේ ගමේ වෙද මහත්තයාගෙ පුතා විශාල් දේවේන්ද්‍ර. මම ගමෙන් හොදට කතා කරන එකම මනුස්සයා. ඒ මොනවා උනත් මම විශාල් ගැන කීවොත් අඩුම නම මතක් උනත් ඇති සුද්දයියාට තරහා යනවා. ඊයේ ඉදන් ඒක වැඩි. එයා මූණ පුම්බන් ඉද්දි මට හිතෙන්නෙ. එයාගෙ බෝල කම්මුල් හපලා හපලා දාන්න. එයාගෙත් විකාර අනේ. මොකට බොරුවට ලේ පුච්ච ගන්නවද දන්නෑ.