CSAT SPECIAL!!!
ဆောင်းဝင်ခါစဖြစ်တာကြောင့် ကျောင်းသူကျောင်းသားများဟာ အနွေးထည်ကိုယ်စီနှင့် စာမေးပွဲခန်းရှိရာဆီ ဦးတည်ကြရပြီ။ ကျောင်းဂိတ်ဝ၌ မိဘများဟာ စာမေးပွဲဖြေမည့် သားသမီးများကို လိုက်ပို့ရင်း ထပ်တူရင်ခုန်ကြရသည်။
"ချန်ချန် မင်းလုပ်နိုင်ပါတယ် ဖိုက်တင်း!!"
ကျန်းဟာအိုမျက်ဝန်းတွေထဲ မျက်ရည်များဝှေ့သီနေသည်။ သူစာမေးပွဲဖြေတုန်းကတောင် အခုလောက်ရင်မခုန်ခဲ့။ ဆောင်းဟန်ဘင်းမှာလည်း ကျန်းဟောင့်ကိုဖက်ထားရင်း သူ၏သားကို တစ်ချက်ကြည့်ကာ အားပေးလိုက်သည်။
"ဒယ်ဒီကတော့ မဖြေနိုင်လည်း ကိစ္စမရှိဘူး ငါတို့ချန်ချန်လေး ပျော်ရင်ရပြီ"
"ကလေးကို ဘာတွေပြောနေတာလဲ!"
ကျန်းဟာအိုအသံထွက်လာရာ ဆောင်းဟန်ဘင်းအသံတိတ်သွား၏။
ဟန်ယူဂျင်းမှာ သူ့ဒယ်ဒီနှင့် ပါပါးကိုကြည့်ရင်း အားယူသည့်အနေဖြင့် နောက်တစ်ခေါက်ထပ်မံ ပွေ့ဖက်လိုက်ပြန်သည်။ ပါပါးနဲ့ ဒယ်ဒီ သားလုပ်နိုင်မှာပါ...
ဒီလိုနှင့် တာ့တာပြပြီး ကျောင်းဂိတ်အတွင်းသို့ ဝင်ဖို့အလုပ် တဖက် ပလပ်ဖောင်းရှိ သစ်ပင်အောက်၌ မတ်တပ်ရပ်နေသော အရပ်ရှည်ရှည်နှင့် ပုံရိပ်တစ်ခု ယူဂျင်း လှမ်းမြင်လိုက်ရသည်။ ထိုလူဟာ သူနှင့် မျက်လုံးချင်း ဆုံသည့်ခဏ သူ့ထံ အားရပါးရ လက်ဝှေ့ရမ်းပြလာ၏။
'ယူဂျင်းကျန် ယူဂျင်းကျန်' ဟု အသံမထွက်ပဲ နှုတ်အမူအယာဖြင့် နှုတ်ဆက်နေသူကြောင့် ယုန်ပေါက်ကလေး၏ နားရွက်ဖျားများ ရဲရဲနီသွားခဲ့သည်။
သူ...စာမေးပွဲအမှီ.. တကယ်လာတာပဲ...
အဖြူရောင် အနွေးထည်အထူကြီးကြား ဟန်ယူဂျင်းမှာ လုံးလုံး လုံးလုံးနှင့် ကျောင်းဂိတ်ကိုဖြတ်လို့ စာမေးပွဲခန်းရှိရာဆီ ချောချောမွေ့မွေ့ ဦးတည်သွားခဲ့ပေမဲ့ ရင်တုန်ပန်းတုန် ကျန်နေခဲ့သူ သုံးယောက်ရှိ၏။
~ဒင် တုန် ဒင်~
စာမေးပွဲဖြေဆိုပြီးသူတို့ ကျောင်းမှ ပြေးထွက်လာချိန် ဟာအိုမှာ ဟန်ဘင်းလက်ကို ဆုပ်ကိုင်ထားရင်းသူ၏သားဖြစ်သူကို အသည်းအသန်ရှာဖွေနေခဲ့သည်။ သင်္ချာမေးခွန်းတွေ ခက်တယ်ကြားလို့ အဖြေတိုက်ချင်နေခဲ့ပေမဲ့ သားဖြစ်သူမှာ အရိပ်အရောင်တောင် မမြင်ရသေး။
