BRO

CHAPTER 03- Shower

CHAPTER 03- Shower

"ISA lang ang room dito tapos iyon ang banyo. May shower pero medyo maliit lang... May cabinet ka na rin kaya hindi ka na bibili. May kama na rin saka kutson. Naiwan no'ng dating tumira dito. Three thousand per month. May deposit at advance, so nine thousand lahat babayaran mo. Hindi pa kasama doon ang tubig at kuryente. Walang cable, walang wifi. Kung gusto mo, pwede kang magpakabit nang sa'yo. Kukunin mo ba?"

Pagkasabi ko no'n ay humarap ako kay Marco. Medyo nanlaki pa ang mata ko nang malaman ko na sobrang lapit pala niya sa akin. Nakatalikod kasi ako sa kanya habang ini-explain ko sa kanya itong tungkol sa apartment unit.

Nag-smile siya at mahina akong pinitik sa noo ko. Napakurap-kurap tuloy ako.

"Ang cute mo..." aniya.

"A-ano?"

"Ang sabi ko, ang cute mo!" Nag-crossed arms siya at huminga nang malalim. Hindi ko mapigilang hindi mapansin ang adam's apple niya na kapag nagsasalita siya ay nagtataas-baba. "Sige, kukunin ko na ito."

Naglabas siya ng wallet at humugot doon ng pera. Ang dami niyang pera. Puro one thousand bill.

"Kailan ka ba lilipat?"

"Ngayon na sana. Okay lang ba? Heto... Nine thousand..."

Kinuha ko ang per at binilang sabay silid sa bulsa ko. "Salamat. Mamaya ay ibibigay ko sa'yo iyong susi dito saka sa gate. Ang alam ko, wala naman kaming curfew dito. Ayaw kasi ni Mama Chang na pinapakialaman ang mga boarder namin. Tapos, ipapakilala rin kita kay Mama Chang. Siya ang may-ari nito talaga..."

"Okay. Salamat din..."

"Alis na ako, ha. Kapag may kailangan ka or tanong, nasa kabilang bahay lang ako. Teka, ano nga palang trabaho mo?"

"Hmm... Wala na. Kaka-resign ko lang pero naghahanap naman ako."

Tumango-tango ako. Palihim ko siyang tiningnan. Mukha naman siyang mapagkakatiwalaan. Gwapo talaga at hindi naman mukhang kriminal. Walang tattoo o piercing man lang kahit sa tenga. Siya 'yong tipo ng lalaki na masarap jowain at hindi ka mahihiyang ipakilala sa family at friends mo. Hmm... pwede siya. Pwede...

"Akala ko ba aalis ka na?" Natauhan ako nang bigla siyang magsalita.

"Aalis na nga! Sige. Bye!" At natatarantang iniwan ko na si Marco.

Ano bang nangyayari sa akin? Bakit masyado akong apektado sa kagwapuhan ng Marco na 'yon?!

-----***-----

BANDANG ala-singko ng hapon ay dumating na si Mama Chang. Haggard na haggard siya at pagod talaga. Pero kahit ganoon ay dumiretso agad siya sa kusina upang magluto ng ulam namin para sa dinner. Nasa salas ako at nasa kusina siya pero nag-uusap kami. Sinabi ko sa kanya na may boarder na iyong bakanteng unit at bayad na din.

"Bukas ko na lang kakausapin iyong Marco na iyan, anak. Pagod na pagod talaga ako. Nakakaloka! Ang daming gawain sa eatery pero happy kasi malaki ang kita!" Medyo sumisigaw siya para magkarinigan kami.

"Hayaan niyo po at ima-massage ko po kayo mamaya, Mama Chang!"

"Hay! Sige! Salamat naman..."

"Ano nga pala iyang niluluto niyo?"

"Lechong paksiw! Ang mabuti pa pala ay dalhan mo si Marco, 'yong bagong boarder nito pagkaluto ko nito," ani Mama Chang.

Ha? Ako talaga ang magbibigay?

Ibig sabihin... makikita ko ulit si Marco. Hmm... Pwede!

Kaya naman nang matapos sa pagluluto si Mama Chang ay kumuha na ako ng tupperware at nilagyan iyon ng lechong paksiw. Nagpaalam na ako kay Mama Chang na ihahatid ko na iyong ulam kay Marco. Pumunta na ako sa unit ni Marco. Kumatok ako pero walang nagbukas. Sa ikalawang pagkataok ko ay biglang bumukas iyong pinto. Wow, ha. Hindi ba siya marunong mag-lock? Mamaya kung sino ang pumasok dito, e.

"Marco? Nasa loob ka ba?" Walang sumagot.

Bukas naman ang ilaw. Siguro ay nasa loob siya.

Tinawag ko ulit siya. Nang walang sumagot ay nag-decide na ako na pumasok sa loob. Pero wala akong nakitang Marco. Nasaan ba ang lalaking iyon?

Napameywang tuloy ako nang wala sa oras. Nasaan na ang lalaking iyon? Haaay!!! Sumasakit ulo ko sa kanya, ha! Wait nga. Parang may naririnig ako... Parang lagaslas ng tubig sa banyo! So, nasa banyo siya at mukhang naliligo.

Napalunok ako. Wala kaya siyang suot na kahit ano kapag naliligo? As in, hubo't hubad? Ilan kaya ang abs niya? Four? Six? Eight? Twelve? Fourteen? Hay! Imposibleng fourteen dahil alien na siya kapag ganun. Siguro mga six or four lang naman.

Maya-maya ay mabilis kong ipinilig ang ulo ko nang ma-realize ko ang kahalayang tumatakbo sa utak ko. Grabe, ha! Ngayon lang ako nag-isip ng ganito. Ano bang meron nag lalaking iyon? Hindi ko pa nga siya kilala nang husto.

Kalma ka lang, Jak. Lalaki lang iyan, okay? Lalaki lang iyan... Isang gwapo at hot na lalaki-

Haaay!!! Nag-uumpisa na naman ako sa pag-iisip ng mahahalay! Tama na nga! Ang mabuti pa siguro ay doon ko na lang siya hintayin sa may labas.

Palabas na ako nang bigla akong matigilan. Parang ay demonyo na nagbubulong sa akin na sumilip sa may CR. At nagpauto naman ako sa demonyong iyon. Sumilip ako sa may CR at medyo hindi ako nakahinga nang makita ko na hindi pala nakasara iyong pinto ng CR at kitang-kita ko ang isang matangkad, gwapo at machong lalaki na nakasahod ang katawan sa dutsa ng shower! Hindi ako agad nakagalaw dahil sa sobrang shock ko. Sa buong buhay ko ngayon lang ako nakakita ng hubo't hubad na katawan ng isang lalaki! A-anong gagawin ko?! Tatakpan ko ba ang mga mata ko o tatakbo? Magtago kaya ako?

Pero huli na ang lahat para gawin ko ang mga iyon dahil bigla niyang pinatay ang shower sabay tingin sa gawi ko. Wala man lang reaksiyon ang kanyang mukha. Hindi man lang siya na-bother na may nakakita sa kanyang kahubdan? Parang wala lang sa kanya pero sa akin, meron! Na-devirginize na niya ang aking mga mata!

Ilang segundo din na nagtama ang aming mga mata hanggang sa magsalita siya...

"Paabot ng towel, please..."

Ano daw?

Tulala pa rin ako.

'Yong towel daw... paabot!

Diyos ko po!

TO BE CONTINUED...