Legacian Academy 1: The Priestess Goddess

Chapter 33: Regret

Sam Pov

Buong araw hindi ko pinansin si Brent halos si Tyler ang kasama ko hanggang sa maguwian. Huli ko na din napansin na buong araw din pala siyang wala at hindi siya pumasok.

Nalaman ko din kay Megan na magkasama daw sila ni Stef at walang nakakaalam kung saan sila nagpunta.

Hindi ko alam pero nakaramdam ako ng lungkot dahil magkasama silang dalawa. Pero tama naman iyon diba dahil galit ako sa kaniya. Napatunayan ko ding walang intensyong iba si Tyler sa akin dahil gusto niya lang talaga makipagkaibigan. Kasama namin siya buong araw sa University at Masaya siyang kasama.

Nandito kami ngayon sa bahay ngunit wala pa din sila Brent at Stef. Saan ba sila nagpunta? Nandito ako sa sala at hindi ko alam sa sarili ko bakit hinihintay ko siya. gusto ko lang naman malaman kung ok ba siya. kahit galit ako sa kaniya may pakealam naman ako sa kaligtasan niya.

“ayan,aawayin yung tao tapos ngayon hinihintay dumating!”dinig kong sabi ni Megan, napanguso naman ako dahil dun.

“naku! Bakit kasi ayaw mo pang makipagbati”tanong pa ni jannice sa akin. Bakit nga ba? Hindi naman talaga ako galit nag alit sa kaniya. Nagtatampo lang ng kunti dahil sa ginawa nit okay Tyler. Hindi niya naman kailangang suntukin yung tao. Iba ang kakayahan ni Brent kumpara sa mortal, dapat alam niya yun.

“k-asi “ hindi ko madugtungan ang sinabi ko ng bigla nalang sumigaw si Megan.

“Brent!”mabilis akong napatingin sa pinto at doon nakita ko si Brent habang may akay akay na babae. Nasa tabi niya naman si Stef.

“anong nangyari? sino siya?”bungad na tanong ni Megan sa kaniya. Bakit iba ang nararamdaman ko habang nakatingin sa kanilang dalawa ng babae.

“Si Lucy nakita namin siya kanina ng pauwi na kami mukhang may humahabol sa kaniya sabi niya sa amin. Wala din naman siyang mauuwian kaya dinala nalang namin ni Brent dito”paliwanag ni Stef. Napatingin ako sa babae at kapansin pansin sa kaniya ang madaming galos at pasa sa katawan, nanghihina na din siya at kung hindi dahil kay Bent baka kanina pa siya bumagsak sa sahig.

“gamutin na natin ang sugat niya”sabi ni jannice at mabilis na kumuha ng First Aid kit. Nakatingin lang ako kay Brent at inaakay ang Babae para makaupo. Halos magkadikit na silang dalawa dahil ang lapit lapit nila.

Ano ka ba Sam, tinutulungan lang siya ni Brent. Nalilito na ako, bakit pakiramdam ko ayaw ko silang magkalapit na dalawa.

Hanggang ngayon hindi pa din ako tinatapunan ng tingin ni Brent. Nakaupo lang siya sa tabi ni Lucy at kinakausap si Lucy. Hindi ko naman marinig ang sinasabi nilang dalawa dahil medyo malayo ako sa kanila at mahina nag boses ng mga ito.

“dito nalang muna siya tutuloy pansamantala hanggang sa gumaling siya”dinig kong sabi ni Stef

“mabuti pa nga, sino bang humahabol say o lucy?”tanong ni megan kay Lucy. Bigla namang natulala ang babae at kita sa mukha niya ang matinding takot. Bigla naman siyang nanginig at hindi alam ang gagawin.

“Lucy?”tawag sa kaniya ni Brent. Napatingin sa kaniya ito at ang bigat ng dibdib ko habang nakatingin sa kanilang dalawa.

“a-yaw k-o nang maalala”sabi niya at halos hindi ko na kinaya ang sunod na nasaksikhan ko. biglang yumakap ang babae kay Brent at umiyak. Pilit naman siyang pinapatahan nito. Napayuko nalang ako at tumayo.

“san ka pupunta Sam?”tanong ni Megan sa akin.

“b-balik lang ako sa kwarto ko”paalam ko sa kanila at umakyat na sa hagdan. Ayaw kong tignan sila ni Lucy, dahil aaminin ko nagseselos ako sa kanilang dalawa. Kasalanan mo to Sam kaya nakahanap na siya ngayon ng iba. Seguro ng napagtanto niya din na baka hindi ako ang para sa kaniya.