Legacian Academy 1: The Priestess Goddess

Chapter 58: The Judgement

This is it. I should do this earlier at hindi na ako nahirapan pa. Kita sa mukha niya ang matinding takot habang nakatingin sa akin. Tinignan ko ang ilang mga natitirang kalaban at ibat'ibang mga halimaw na nagwawala sa ibaba. Kailangan nang wakasan ang kaguluhang ito.

Tinaas ko ang kamay ko at lumabas ang gintong espada ko. Kasabay ng paglitaw nito sa aking kamay ang pagliwanag nito at tumutok ang liwanag sa kalangitan. Rinig na rinig ang pagkulog at pagkidlat.

Ramdam ko ang tingin ng lahat sa aking gawi. Akmang maglalaho si Marcus ng biglang lumitaw sa katawan niya ang sagradong kadena.

"PAKAWALAN MO AKO!...." may halong galit na sigaw niya sa akin. Tinignan ko siya ng malamig habang pilit siyang nagpupumiglas.

"Batid kong alam mo na ang naging hatol sa iyo" bigla siyang napatigil sabay tingin sa akin. Lumipat ang paningin niya sa kalangitaan at alam kong nakita niya ang simbolo ng pitong bituin.

"H-indi...Hindi! HINDI AKO MAKAKAPAYAG! H-INDI..HAHHAHAHA" baliw na tawa niya habang umiiling.

"H-indi" rinig kong bulong niya habang nakayuko.

"An-ong..wag!" napatingin ako sa gawi ng taong sumigaw. Sumalubong sa akin ang pangamba ng tatlong maliliit na nilalang. Ngumiti ako ng bahagya sa gawi nila.

"Hindi itigil mo yan! Priestess" bigkas ni Kenshi habang nakaluhod at nakatingin sa akin. nasa tabi niya ang dalawa habang umiiyak din.

"Siya ang Priestess?" hindi makapaniwalang saad ni Headmaster. kita ko ang pagkagulat sa mukha ng lahat. Ilang minuto nalang... matatapos na ang ritual ng paghatol.

"P-igilan niyo siya.. ang Ritual nayan.. Hindi!" sigaw muli ni kenshi.

"Hindi ka pwedeng mawala. Hindi mo gagawin yan. nangako ka sa amin Priestess hindi mo kami iiwan" patawad...Hindi ko matutupad ang aking pangako.

"Ano bang nangyayari...can you explain to us kung anong sinasabi ninyo?" naiinis na sigaw ni megan. Kahit kailan ang maliit talaga ang pasensya niya.

NAGUGULUHAN yan ang mga nasa isipan ng lahat. Hindi sila makapaniwala na ang taong naparusahan at biglang nawala sa akademya ay siya ang nagiisang tao na nangangalaga sa kanila.

"Ang Ritual na ginagawa niya.. Ang Ritual nayan.. Isa itong paghatol mula sa mga nakakataas" Paliwanag ni Kenshi sa dalaga ng bigla itong magtanong.

"Anong ibig mong sabihin?" dugtong ni Kyle. halos lahat nakikinig sa kaniyang paliwanag. Lumunok siya dahil sa kaba sa ano mang mangyayari. natatakot siya na tuluyan silang iwanan ng kanilang Master.

"Ang pitong bituin na nakikita niyo sa kalangitan. Bawat bituin ay nagsisimbolo ng kaparusahan na nagmumula sa pitong pinuno na nasa taas. Ang mga Diyos...at kung sino man ang pumataw ng ganitong napakalakas na kaparusahan ay may kapalit....at ang kapalit nito ay.."

"Buhay..ang buhay ng pumataw ng kaparusahan ang magiging kapalit" biglang salita ni Headmaster habang nakatingin pa din kay Crizzania na nasa taas. "At tuluyang maglalaho ang Diyos na gumawa nito" dagdag niya sabay tingin sa kanilang lahat.

Biglang nanghina ang mga tuhod ni Samantha dahil sa narinig. Hindi siya makapaniwala sa nalaman. Hindi niya matanggap ang lahat.

"B-rent..she can't leave us again" naluluha niyang sabi sa binatang umaalalay sa kaniya. Ngunit ang binata ay yumuko nalang dahil hindi niya alam ang gagawin.

"No...that's not true...Hindi yan totoo!" sigaw ni Kent sa kanila. Tinignan niya ang taong mahal niya. Nakalutang pa din ito sa itaas at halos umaalon sa hangin ang kaniyang mahabang buhok.

ayaw niyang maniwala. Hindi siya iiwan nito ulit. Hindi siya makakapayag. "Tell me it's not true" Usap nito sa kanilang isipan.

Umiling ang dalaga kasabay ng pagpikit ng mariin nito. Ayaw niya mang tignan ang binata ngunit batid niyang nasasaktan niya na naman ito.