Everything Has Changed (KaRa)

EHC - 9

Mika's POV

"Kief!" Bati ko sabay beso. Lumayo naman kami nang konti. "Bakit ka nandito? Akala ko may training din kayo ngayon?"

"Maaga natapos eh, kaya naisipan kong dumaan dito at dalawin ka." Sagot naman niya sabay ngiti.

"'Yung totoo, Kief? Alam kong may iba kang pinunta dito." Hindi naman niya basta-bastang maiisipang puntahan ako eh.

"You know me well." Sabi niya at tumawa. "Si mommy kasi, kinakamusta tayo. Hindi niya raw kasi tayo masyadong nakikitang magkasama."

"Si mommy din eh, tinatanong ako. Pero what do they expect? Hindi naman talaga tayo in love."

Yup, tama ang nabasa niyo. Hindi kami in love sa isa't isa. Arranged lang ang relationship naming dalawa.

"Kaya nga eh. But mom keeps on saying na i-try daw natin, baka ma-fall din tayo pero hindi talaga eh. You know naman kung sino ang mahal ko." Paliwanag niya. "And I know na mahal mo pa rin siya."

Kiefer and I are just close friends. Pero dahil nga arranged 'yung relationship namin, kailangan naming magpanggap. Hindi pwedeng malaman ng iba na arranged lang. Mukhang natural lang sa iba kasi close nga kami pero hanggang dun lang talaga 'yon. Buti nga hindi napapansin ng iba na hindi kami nagsasabihan ng 'I love you' o kung ano man. Hindi rin kami madalas lumabas kasi may kaniya-kaniya kaming pinagkakaabalahan, tulad ng buhay pag-ibig.

May iba kasi kaming mahal, at walang nakakaalam non kung 'di kami lang. Kahit parents namin, hindi nila alam, though nasabi ko kay bf na mahal ko pa rin si Ara. Si Kiefer naman, may matagal na siyang gustong ligawan. Si Alyssa Valdez. Kaya lang ito nga. In-arrange kami ng parents naming dalawa, at wala kaming magawa kung hindi sundin sila.

"I know. Pero 'yun talaga gusto nila." Sabi ko na lang.

"'Wag na nga muna nating pag-usapan 'yon. Nas-stress ako." Maarte niyang sabi kaya natawa ako.

"Hindi bagay sa 'yo, huy!" Kumento ko. Natawa na lang din siya.

"Labas tayo." Yaya niya sa akin.

"Nasa labas na tayo ah?" Pilosopo kong sagot.

"Seryoso kasi!" Reklamo niya. "May ikukwento rin kasi ako sa 'yo."

"Oo na. Magpapaalam lang ako sa kanila." Sabi ko at pumasok muna sa dorm. Inayos ko lang 'yung gamit ko at nagpaalam sa teammates ko. Pumunta lang naman kami sa isang coffee shop malapit dito. Kwentuhan lang.


"So kamusta naman?" Tanong ko. Alam na niya 'yung tinutukoy ko.

"Ito, wala pa ring progress." Malungkot niyang sabi. "Nalaman ko kasing may boyfriend na siya. Now I know how you feel."

Pareho na kami ngayon. We're both in love with someone taken.

"Sakit 'no?" Tumango naman siya. "Ano na plano mo?" Tanong ko.

Gustong-gusto niya kasing pormahan si Aly. Dati pa. Pero hindi niya magawa kasi ayaw ng parents niya. 'Yun pala, may balak ang parents naming i-arrange kami. Ewan ko ba. Hindi naman kami 'yung tulad sa mga stories about fixed or arranged relationships dahil magmemerge ang companies. We're just normal, middle-class people. Sadyang gusto lang ng parents namin na kami ang magkatuluyan. Bagay daw kasi kami. Tss, hindi kaya. Walang sparks.

"I don't know. Siguro I'll try to convince mommy again." Sagot naman niya. Ilang beses na kaming nagreklamo about dito pero final na raw ang decision nila.

"Good luck na lang sa 'yo." Sabi ko.

"Eh ikaw ba? Ano balak mo?" Tanong niya sa akin.

Ano nga ba?