انت عمرى

قرار دمر حياتى

كانت روفيده جالسه بغرفتها تحادث صديقاتها على الموقع المسمى
فيس بوك ولكنها قاطعت كلامها حين سمعت والدها يناديها
خرجت روفيده راكضه
روفيده: نعم يا بابا خير
الاب: حضرى نفسك عشان فى عريس جاى يوم الخميس الجاى يعنى بعد يومين
روفيده: بس يا بابا
الاب: مفيش بس حضرى نفسك مفيش نقاش فى الموضوع ده
روفيده بحزن: حاضر يا بابا
دخلت روفيده الى غرفتها حزينه فهى لا تشعر انها مستعده لهذا الجزء من حياتها
حادثت اصدقاءها
روفيده: معلش يا بنات كنت بكلم بابا
رولا: فى حاجه ولا ايه
روفيده: كان بيقولى ان فى عريس هيتقدملى الخميس الجاى ربنا يستر بابا مصر بطريقه فظيعه
رنا: اهدى يا بنتى ان شاء الله خير
روفيده: يا رب
ساره: لو الواد قمور وانتى مش وافقتى ابعتيه على هنا
روفيده: ماشى يا ختى
مريم: ولو عنده اخ ابعتيه معاه ها
وقعدو طول الليل يهزرو مع بعض ونسيت روفيده موضوع العريس
...........................................
عند سيف قاعد مع زمايله
ادهم: يعنى انت متعرفش شكلها ايه
سيف: لا
خالد: طب اسمها
سيف: معرفش
مهند: يعنى متعرفش عنها اى حاجه
سيف: ولا اى حاجه
شادى: امال هتتجوزها ازاى
سيف: مين جاب سيرة الجواز
ادهم بخفوت واكنه عارف قصد سيف: امال
سيف: هعيشلى معاها يومين ويا دار ما دخلك شر
وقعد وكمل السهره مع اصحابه
........................................................د
فى اوضه مازن كان قاعد سرحان فى حبيبته
ولقى موبايله بيرن
بيبص لقاها شيرين
مازن: الو
شيرين: الو يا زومتى عامل ايه
مازن: تمام انتى عامله ايه
شيرين: كويسه طول ما انا معاك يا قلبى ها هتيجى تكلم بابا امتى
مازن: فى موضوع كدا فى البيت هيخلص وهاجى على طول
شيرين: ميزو انت مش ملاحظ حاجه
مازن باستغراب: حاجه ايه
شيرين بدلع: انت عمرك ما قولتلى بحبك وانا دايما اللى بقولهالك
مازن سرح ولقى نفسه فعلا عمره ما قالها بحبك
لانه مبيحبهاش ولو قالهالها هيبقى بيخون حبيبته
مازن: بس دى مش بتتقال دى بتتحس
شيرين: وانا حساها يا قلبى
مازن: معلش يا شرين انا لازم اقفل عشان هنام
شيرين: ماشى يا روحى باى
قفل مازن وهو مخنوق
وقعد يقول فى نفسه انا اسف يا حبيبتى انا اسف
................................................................
جه يوم الاربع صحيت روفيده فطرت وصلت فرضها ولبست ونزلت مع مامتها تجيب فستان لمقابله العريس المجهول
وقضت اليوم وهى بتجهز البيت للمقابله
........................
جه يوم الخميس صحيت روفيده قلقانه وخايفه
وكانو اصحابها دايما معاها على الفون
وجه الميعاد اللى هييجى فيه العريس حست ان توترها زاد جدا
ورن جرس الباب ضربات قلبها زادت من التوتر
سمعت باباها بيرحب هى ومامتها ومازن بالعريس
وبعد شويه دخلت مامتها نادتها
الام: يلا يا روفى الناس بره
روفيده بتوتر : حاضر يا ماما
دخلت روفيده المطبخ جابت صينيه العصير وكانت لابسه كدا

دخلت قدمت العصير وسلمت على الاب والام والعريس وقعدت فى كرسى قريب من العريس وبعد كتير من المحادثات
الاب: طب نقوم احنا ونسيب الولاد لو حدهم
وقامو كلهم وخرجو ولغاية دلوقتى روفيده متعرفش شكل العريس اول لما خرجو قامت رفعت عنيها عشان تشوف العريس
اول لما شافته قامت من على الكرسى وقالت: انت
.............................
انتهت حلقتنا توقاعتكو ايه؟؟؟؟