انت عمرى

بداية حب

فى خطوبه مازن ورنا
عند ادهم دخل مع سيف واصحابه
قعد يدور فى القاعه كلها بعينه عليها ملقهاش
شادى بخبث: بتدور على حد يا دومى
ادهم: ها انت بتقول حاجه يا شادى
مهند ضحك: الواد مش معانا خالص
ادهم: ايه الاستظراف ده انا ماشى
مشى ادهم ووقف فى حته بيدور عليها بعينه
لقى حد حط ايده على كتفه
بيبص لقاها رولا
رولا: حضرتك بتدور على حد
ادهم: اه بدور على قمرى
رولا: ايه ده هو حضرتك ليك قمر غير بتاعنا

ادهم: قمر بتاعى انا وبس
رولا: ويا ترى لقيته
ادهم: اه مهو واقف قصادى اهو
رولا بكسوف: ادهم الله اسكت بأه
ادهم: انتى قولتى ايه
رولا: اسكت بأه
ادهم: لا اللى قبلها
رولا: قولت الله
ادهم: لا مش دى اللى قبلها
رولا فهمت انه قصده على اسمه
رولا بكسوف: قولت ادهم
ادهم: الله هو انا اسمى حلو كدا
رولا: احم احنا هنفضل واقفين كدا كتير
ادهم: لا طبعا يلا على بابا
&&&&&&&&&&&&&&&&&&&&
عند سيف راح لروفيده اللى كانت واقفه لوحديها وفرحانه لفرحة صحابها حواليها
سيف ببرود: فى واحده تسيب جوزها كدا وتقف لوحدها
روفيده: اووووف نفسى فى مره فرحتى تكمل افندم يا سيف عايز ايه
سيف وهو بيضغط على اسنانه: مليون مره اقولك مفيش واحده محترمه تكلم جوزها كدا
روفيده كان فاض بيها الكيل منه
روفيده بعصبيه: ليه ليه بتعمل معايا كدا ليه مصر انى اكرهك عارف يا سيف انا دايما كنت معاك البنت المطيعه اللى بتخاف لكن صدقنى من دلوقتى هتشوف وش تانى منى هخليك تكره اليوم اللى انت شوفتنى فيه اصلا ايه لسه عايز تقف معايا ولا الحمد لله طلع عندك دم
سيف بعصبيه: انتى بتتحدينى يا روفيده
روفيده ببرود: سميها زى ما تسميها انا قولت اللى عندى سلام بأه عشان ابارك لاخويا واختى باى
وسابته يغلى ومشيت
^^^^^^^^^^^^^^^^^^^^^^^^^^^^
عند رنا ومازن
رنا: انا اكيد بحلم
بصلها مازن ووطى عليها وباسها بوسه طويله من خدها
رنا بصتله بصدمه
مازن: ايه لسه بتحلمى
رنا بصدمه: ايه اللى انت عملته ده
مازن: هو انا عملت ايه
رنا: ازاى تبوسنى
مازن: عادى مش انتى.............
''''''''''''''''''''''''''''''''''''''''''''''''''''
عند روفيده راحت تسلم عليهم وتباركلهم وشافت اللى مازن عمله
روفيده: خف على البنت شويه يا روميو
رنا: بت انتى كنتى عارفه باللى بيحصل ده
روفيده: احم اعتقد انى لازم امشى باااى
وسابتهم ومشيت وهى ماشيه خبطت فى ياسين
(ياسين ابن خالة روفيده ومازن بيحب روفيده من وهم صغيرين عنده23 وسيم جدا ووسامته دى اكتسبها لما سافر كندا عشان يكمل دراسته)
ياسين: روفى ازيك يا بت
روفيده: ياسو ازيك ياض عامل ايه
ياسين: كويس انتى عامله ايه سمعت انك اتجوزتى
روفيده بخنقه: لا ده مكتوب كتابى بس
ياسين: هو انتى مش بتحبيه
روفيده: ان كان عليا عايزه اخنقه
ياسين ضحك وكانت الرقصه بتاعة العروسين خلصت والدى جى طلب من كل كابل انهم يرقصو مع بعض
ياسين بص لروفيده: تسمحيلى
بصت روفيده حواليها لقت سيف بيبص عليهم وهيشيط من العصبيه
روفيده بابتسامه خبيثه: اكيد
وراحت ترقص معاه
وهما بيرقصو عينها مش اتشالت من على سيف
جه سيف عليهم
سيف: ممكن اقدر افهم انتى بتعملى ايه
روفيده: بعمل ايه
سيف: ازاى ترقصى مع الاخ ولا اكن ليا وجود
ياسين اتدخل: ممكن افهم مين حضرتك
سيف: انا جوز الهانم حضرتك مين
ياسين: انا ياسين ابن خالة روفيده
سيف: حصلنا الشرف
روفيده حست ان سيف هيضرب ياسين راحت خدت سيف من ايده
وخدته بره القاعه
روفيده: ممكن افهم انت عملت كدا ليه
سيف: شايف مراتى بترقص مع واحد ومش عملالى اى اعتبار
وعيزانى اعمل ايه ها
روفيده بعصبيه: مراتى مراتى انت عامل فيها الزوج اللى بيغير على مراته بس دى مش غيره ده حب تملك
سيف: لا دى غيره يا استاذه روفيده غيره عارفه ليه عشان انا بتنيل بحبك حبيتك من اول يوم شوفتك فيه بس خلاص مش هغصبك انك تحبينى ولو عايزه تتلقى هطلقك يا روفيده عشان مش انا اللى اسيب واحده على زمتى وهى مش بتحبنى بعد ازنك
وسابها ومشى وهى فى ذهول تام
قلبها كان بيدق جامد وافتكرت غيرتها عليه فى دريم وكل الايام اللى كانت بينهم وحست بخنقه لما افتكرت انه قالها انه هيطلقها
دخلت القاعه تانى لقت سيف بيبصلها بعتاب ولف وشه الناحيه التانيه
حست بوجع فى قلبها
روفيده فى نفسها: انتى بتحبيه ولا ايه
عقلها: لالا انا بكرهه
روفيده: امال ادايقتى ليه لما قالك هطلقك
عقلها: مش عارفه اكيد صعب عليا
روفيده: ايوه صح كدا هو صعب عليا
وراحت وقفت مع ساره ومريم وقعدو يتكلمو على رولا وادهم
""""""""""""""""""""""""""""""""
ساره راحت تجيب جاتوه وعصير من البوفيه وهى ماشيه كانت بتبص على رنا ومن غير ما تشوف خبطت فى شاب اللى كان واقف مكانه متحركش
العصير والجاتوه وقعو على فستان ساره
ساره: انت متخلف
الولد: يسلام يا بت انتى عبيطه ولا عندك خال اهبل
ساره: وكمان بتغلط انت بجد حيوان ومشيت وسابته
الولد: والله لولا انك بنت كان زمانى ضربك دلوقتى
₩₩₩₩₩₩₩₩₩₩₩₩₩₩₩₩₩
وهما واقفين فى القاعه النور اتقفل الناس استغربت طلع ابو روفيده وابو سيف على البيست
ابو سيف: انا اولا بهنى مازن ورنا بخطوبتهم وبتمنالهم السعاده
ابو روفيده: اما ثانيا احنا عايزين نعزمكم على مناسبه سعيده تانيه
ابو سيف: احنا عايزين نعزمكم على فرح ولادنا سيف وروفيده
سيف وروفيده بصو لبعضهم بصدمه
سيف خرج من القاعه كلها جت روفيده تخرج وراه لقت الناس جايه تباركلها ولما خرجت ملاقتلوش اثر
اتنهدت ودخلت القاعه تاتى
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
عند سيف ركب العربيه وساق بسرعه وهو مش عارف رايح فين مشى مع البحر لقى نفسه عند صخور كتير البحر بيخبط فيها وكان المنظر جميل ركن العربيه ونزل قعد على اعلى صخره كانت موجوده وفضل باصص للبحر وسرحان
سيف: يعنى دى غلطتى انى حبيت بس قلبى مش بإيدى عشان اتحكم فيه يا رب انا ليه بيحصل معايا كدا الانسانه الوحيده اللى حبيتها تطلع بتكرهنى لا وهتتجوزنى غصب عنها بس انا وهى ملناش ايد فى اللى بيحصل ده
فاق على صوت موبايله بيبص لقاه باباه كنسل المكالمه وقفل الفون خااالص
€€€€€€€€€€€€€€€€€€€€€€€€
فى القاعه الحفله خلصت وروح كل اللى فى الحفله
عند رولا كانت فرحانه جدا عشان قضت اليوم كله مع ادهم
ورنا مش مصدقه نفسها انها بقت مع مازن اللى كانت بتحلم بيه من وهى صغيره
اما روفيده فهى مصدومه وقلقانه على سيف عشان عرفت ان باباه بيحاول يكلمه وفونه مقفول
ساره مدايقه بسبب اللى حصل فى فستانها رغم انها نضفته
مريم كانت فى حالة بداية حب
//////////////////////////////////////////////////////////////
دخلت روفيده اوضتها القديمه اللى كانت وحشاها اووى قعدت على السرير وطلعت فونها قبل حتى ما تبدل هدومها
ورنت على سيف ولقته برضو مقفول
ادايقت اووى واخدت دش سريع وخرجت
حاولت ترن تانى لقته برضو مقفول خافت ليكون حصله حاجه
دخل مازن بعد ما خبط كتير وهى ماردتش
مازن بعد ما دخل: انتى نمتى ولا ايه يا روفى
روفيده: لا يا مازن انا صاحيه
مازن: ها بأه مالك
روفيده: مالى
مازن: مش عايزه سيف صح
روفيده: والله ما اعرف يا مازن محتاره اوووى
مازن: ازاى
روفيده: يعنى مش بحبه ومش عايزه اتجوزه لان مش هو ده اللى كنت رسماه فى دماغى وفى نفس الوقت قلقانه عليه اوووى ليكون حصله حاجه وقلبى واجعنى اووووى
وببكاء قالت: والنهارده قالى انه بيحبنى وانه هيطلقنى حتى لو كان بيموت فيا ساعتها معرفش انا ادايقت ليه
مازن: اهدى يا روفى واقعدى مع نفسك وفكرى انتى عايزه ايه وصدقينى قلبك هيقولك هو عايز ايه بس ما تتعبيش نفسك بالتفكير ماشى يا قلبى
روفيده: ماشى يا ميزو معلش دوشتك
مازن: ما تقوليش كدا يا عبيطه انا تحت امرك
ووطى باس دماغها وخرج
&&&&&&&&&&&&&&&&&&&&&&&&
خرج مازن وراح اوضته طلع فونه وكلم رنا
اول ما ردت
مازن: وحشتينى
رنا: يسلام ما احنا كنا لسه مع بعض
مازن: انتى بتوحشينى اصلا وانتى معايا
رنا: احم شكرا
مازن: شكرا ايه هو انا بقولك خدى شكولا مثلا
رنا: امال اقول ايه
مازن: انتى لغاية دلوقتى مش قولتيها
رنا: احم هى ايه دى
مازن: انتى عارفه
رنا:لا انسى
مازن: ليه يعنى ما انتى مراتى وانا جوزك
*********************************
انتهى البارت اتمنى انه يعجبكم دمتم فى رعاية الله واتمنى انكم تشاركونى بتعليقاتكم استنونى الحلقه الجايه عشان نشوف حياة ابطالنا هتروح فين سلام