انت عمرى

حب لم يمسحه الماء

نزلو البنات وهى كل واحده ماسكه اله حاده
بصو فى التراث لقو مجموعه من الرجاله ملثمين ولابسين اسود فى اسود
اترعبو وشالو فكرة انهم يهجمو لان عددهم اكبر منهم
ساره بهمس وهى عينها على الرجاله اللى فى التراث
ساره: هنعمل ايه
روفيده بهمس مماثل: احنا لازم نتصل بالبوليس
رولا: افرضى سمعونا قبل ما البوليس يوصل
رنا: اهدو يا جماعه هيسمعو صوتنا
مريم: انا خايفه يا جماعه
رنا: اهدو عشان نعرف نفكر
وهما بيتكلمو كدا ما يعرفوش ان الرجاله دول سمعوهم
ساره بتبص على الرجاله دول لقتهم بيقربو
ساره كانت بتبص من خرم الباب
لقتهم بيقربو من الباب
ساره بصوت عالى: اجرو بسرعه
فى اللحظه دى الباب اتفتح بسرعه بتاع التراث
والبنات جريت بسرعه
بس فى واحد لحق رولا ومسكها من شعرها والطرحه وقعت من على راسها
وهو شدها من شعرها جامد رولا صرخت
وتلقائيا حطت ايدها على بطنها
وكانت بتدعى ربنا يحميها هى والبنات والجنين
الراجل اللى ماسكها شدها جامد من شعرها
فصرخت بس نادت بإسمه مش اتأوهت نادت بإسم ادهم
الراجل اللى ماسكها لبفيت الرجاله: هاتو بقيت البنات على هنا
بص لرولا: خلونا نتسلى شويه
رولا بصتله باستحقار والدموع اتجمعت فى عينها
بعد ما الرجاله مشيو الراجل بص لرولا
الراجل: قوليلى يا موزه مين سى ادهم ده
رولا بصتله وسكتت
الراجل: اصل انتى هتقوليلنا كمان عنوانه عشان نبقى نوديله جثثكم بعد ما نخلص
رولا: انا واثقه انه هييجى يربيك انت واللى معاك
فى اللحظه دى دخل الرجاله التانيه ومعاهم البنات روفيده كانت لابسه النقاب
الراجل اللى ماسك رولا وهو بيشاور على روفيده: قلعوها البتاع اللى على وشها ده مالهوش لازمه
روفيده: اياك تقلعنى النقاب
الراجل اللى ماسك روفيده ضحك وقرب ايده عشان يشيل النقاب بس فى ايد وقفته
سيف: ابعد عنها يا قمور لو خايف على عمرك
الراجل كان بالنسبه لسيف ضخم بس سيف عنده لياقه
الراجل ضحك: وانت هتعمل ايه يا حبيب ماما هتناديلى ماما تضربنى
خلص الجمله دى من هنا ولقى بونيه فى وشه من هنا
فى الوقت ده الشباب قدرو يبعدو البنات عن الرجاله دى
ادهم: اطلعى فوق انتى والبنات واقفلى عليكم كويس
خرجت رولا والبنات من التراث وطلعو الدور التانى وقفلو على نفسهم وهما بيعيطو وخايفين
الشباب تحت اتنفخو من الضرب بس برضو قدرو على الرجاله رغم انهم اضخم منهم
واتصلو بالبوليس
الظابط لما جه: ياااه احنا بقالنا كتير بندور على العصابه دى العصابه دى بتدخل الشاليهات وتقلبها ولو فى حد بيخلصو عليه
سيف: الحمد لله ان احنا وصلنا فى الوقت المناسب
اخد البوليس العصابه ومشى
والشباب طلعو على فوق لاوضة البنات
اول ما خبطو البنات اتنفضو
ساره من ورا الباب: مين
شادى: احنا يا ساره افتحى
ساره فتحت الباب واول لما شافت شادى اترمت فى حضنه وعيطت
شادى حضنها: اهدى يا ساره الحمد لله جت سليمه
وقعد يهدى فيها
رولا وهى فى حضن ادهم
رولا بعياط: انا ما كنتش خايفه عليا كنت خايفه اوووى على البيبى بتاعنا يا ادهم كنت خايفه يموتوه او يعملو فيه حاجه
ادهم: ما تقلقيش يا قلبى انا جنبك اهو
مهند حضن مريم: على فكره بأه انتى حماره عشان قلقتينى عليكى
مريم وهى بتشهق فى حضنه: لا انت اللى عبيط عشان زعلتنى
مهند: احنا الاتنين هبل ولا تزعلى نفسياتك
رنا جريت على مازن وحضننته واتشعلقت فى رقبته
رنا وهى بتحضنه جامد: كنت خايفه يموتونى ومش اشوفك تانى
مازن وهو بيحضنها اوووى: ماحدش يقدر يلمسك طول ما انا عايش
رنا: لسه زعلان منى
مازن: فى حد يزعل من روحه
رنا: ربنا يخليك ليا
عند سيف راح شد روفيده من ايدها وخرجو بره الاوضه دى
وراحو اوضه تانيه
سيف بعصبيه: ممكن تفهمينى يا استاذه يا محترمه ازاى تسافرى من غير اذن جوزك لا وكمان لوحدك نقاب ايه ده اللى لبساه وانتى دايره على حل شعرك ما صحيح هو انا راجل عشان تعمليلى حساب
روفيده : انا بدور على حل شعرى يا سيف
سيف بصوت عالى: ايوه لما تسافرى من غير ما تقولى للزفت اللى انتى متنيله ومتجوزاه يبقى بتدورى على حل شعرك
روفيده: الظاهر ان احنا مش متفاهمين يا سيف ومش هنقدر نكمل مع بعض
فى الوقت ده كان الباقى جم على صوت سيف العالى
ووصلو وروفيده بتقول الجمله دى
وشافوها وهى بتخلع دبلتها وبتدهاله فى ايده وقالت كلمه واحده
روفيده: طلقنى
وخرجت من غير ما تكلم حد كلمه
نزلت على البحر وقعدت تمشى وهى بتعيط وتفتكر من اول ما سيف دخل حياتها
_______________________________________________________
ادهم راح لسيف
ادهم: انت قولتلها ايه يا سيف وصل الامور لكدا
سيف: قولتلها انها دايره على حل شعرها
ادهم: انت متخلف يا بنى ادم انت هى اصلا مرعوبه من الموقف اللى حصل ده وانت جاى تتعصب عليها
سيف: اهو اللى جه فى بالى قولته
مازن: اللى انت بتقول عليها دايره على حل شعرها دى اختى يا سيف عارف اختى ولا اعرفهالك اختى اللى قعدت سبع شهور مابتنطقش بسبب غيابك عنها اختى اللى روحها غابت مع غيابك وانت بكل بساطه تقولها دايره على حل شعرك عمرك سألت نفسك روفيده لبست النقاب ليه لبسته لمجرد انها شافتك فى حلم وانت بتدلها نقاب وبتقولها ده هديه منى ليكى قامت من النوم من غير تردد لبسته اختى اللى كنا بنخرجها من البيت بالعافيه ولولا انى عارف انك بتحبها وقولت كدا فى لحظة غضب كان هيبقى ليا معاك تصرف تانى
وخرج من الاوضه ورنا راحت وراه
مهند: انزل وراها يا سيف ورجعلها دبلتها ومتخسرهاش
سيف بصله وسكت
شادى: يلا يا سيف لانك لو دورت عمرك كله عمرك ما هتلاقى واحده تحبك زى روفيده
سيف بصلهم وخرج من الاوضه من غير اى كلمه
نزل لقاها ماشيه على البحر وكانت مدياله ضهرها
راحلها ولما قرب سمع صوت شهقاتها
قلبه وجعه ساعتها
سيف: احم احم
روفيده بصوت باكى ومبحوح: خير فى تهزيق نسيت تهزقهولى فوق وجاى تهزقهولى هنا
سيف: روفيده انا اسف انا قولت كدا من عصبيتى وخوفى عليكى
روفيده: الكلام ده لو قولتلى كلام عادى بس انت اتهمتنى اتهام عمرى يا سيف ماهسامحك عليه انا انا يا سيف بدور على حل شعرى ميرسى اووى بعد اذنك
ومشيت وسابته
&&&&&&&&&&&&&&&&&&&&&&&&&&&&&&&&&&&&&
عند ساره كانت قاعده هى وشادى لوحديهم لان البنات كل واحده قاعده مع جوزها
شادى: الا اشمعنى يا ساره حضنتينى رغم اننا يعنى مش بنطيق بعض
ساره بارتباك: لا ابدا انا كنت متوتره مش اكتر وانت اول واحد شوفته وكمان انت جوزى
شادى: ياااه هو انتى معترفه انى جوزك ده ايه الكرم ده
ساره: شفايفك بتجيب دم ثوانى هشوف فين علبة الاسعافات الاوليه
شادى: مركزه انتى مع شفايفى ها
ساره وشها احمر وحست ان وشها سخن جدا
ساره: ثوانى وجايه
وخرجت من الاوضه سندت على الحيطه بضهرها وحطت ايدها على قلبها يمكن يهدى لانها حست ان قلبها هيخرج من مكانه من سرعة دقه
هديت شويه وراحت تدور على علبة الاسعافات الاوليه
ورجعت لشادى لقته بيكلم سالى فى الفون
شادى: يا سالى انا ناو مسافر لما ارجع نبقى نتكلم لانى اصلا انا عايزك فى موضوع مهم
ساره سابت الشنطه بتاعة الاسعافات الاوليه على الترابيزه وخرجت
بعد شويه سمعت شادى بينادى عليها: ساره
ساره دخلت وهى باصه فى الارض: نعم يا شادى
شادى: معلش ممكن تيجى تعمليلى الجرح لانه وجعنى
ساره: اه طبعا
وفتحت العلبه وطلعت قطنه وحطت عليها مطهر
ووطت عشان تطهرله الجرح
وشادى الجرح وجعه
شادى: اااه
ساره الدموع اتجمعت فى عينها والالم بان على وشها: انا اسفه
شادى: لا ولا يهمك
وسكتو
ساره غصب عنها لقت نفسها بتبص فى عين شادى
وفضلت تبصله وهو لاحظ وبصلها
هى لاحظت راحت سابت القطنه على الترابيزه وسابته ومشيت
شادى استغرب وخرج وراها
خرج لقاها قاعده على البحر ورسمت قلب وكتبت حرفها من ناحيه وعلامة استفهام من الناحيه التانيه
جه شادى مسح علامة الاستفهام وكتب حرفه
ساره بصتله وقامت وسابته وجت تدخل شادى مسك ايدها ومن غير اى مقدمه
شادى: بحبك على فكره
ساره بارتباك: ايه اللى انت بتقوله ده يا شادى
شادى وقف قصادها: بقول الحقيقه يا ساره بقولك اللى فى قلبى
ساره: بس سالى بتحبك
شادى: وانتى مش بتحبينى
ساره سكتت وبصت فى الارض
شادى: ردى يا ساره بتحبينى ولالا
ساره: هتكسر قلب سالى
شادى بعصبيه: يا ساره بكلمك انتى ايه اللى جاب سيرة سالى على العموم ولا اكنى قولتلك حاجه انا اسف
ومشى وسابها
ساره قعدت تانى على الرمله ونفخت بعصبيه
-------------------------------------------------------------------------------------------------
ادهم ورولا كانو قعدين ورولا فى حضنه
ادهم: انتى ليه بأه سافرتى من غير ما تقوليلى
رولا: عشان انا مش مهمه بالنسبه ليك
ادهم: جيبتى الكلام ده منين يا شعنونه ده انا بحبك
رولا: لا الكلام ده قبل ما اتنيل واتجوزك كنت بتحبنى بس بعد ما اتنيلنا واتجوزنا حبك قل
ادهم: اتنيلنا اقول ايه غير حسبى الله ونعم الوكيل
رولا: وكمان بتحسبن عليا
ادهم: لا يا حبى انا بس بسالك ايه اللى جاب الفكره دى فى دماغك
رولا: لانك مش بقيت تهتم بيا وكمان من ساعة ما بقيت حامل وانت بتتريق عليا
ادهم: يسلااام بقول ايه بأه
رولا: بتقول عليا كرنب وبقيت مش بتحبنى لما بقيت حامل
ادهم: انتى مجنونه يا ست انتى انتى شايله حته منى يا حماره ده انا اسعد انسان فى الدنيا لان الانسانه اللى انا بحبها هتجيبلى نونو صغنون العب بيه
رولا: تلعب بيه
ادهم: اقصد العب معاه
رولا: طب ليه بتتريق عليا وتدايقنى
ادهم بعد عنها وحضن وشها بايده وبصلها بحب وقالها: لانى بحب اشوف شكلك وانتى متعصبه
رولا ضحكت وحضنته تانى
رولا: بحبك على فكره
ادهم: وانا بموت فيكى على فكره
§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§
عند مهند كان قاعد ولقى مخده نزلت على دماغه من حيث لا يدرى
مهند: فى ايه يا مرووشه
مريم: قولى بأه انتم ايه اللى جابكم هنا
مهند: اللى جابكم
مريم: ياض قول عشان متغباش عليك
مهند مسك ايدها ولواها ورا ضهرها
مهند: لاحظى انك بتتكلمى مع جوزك ها
مريم: طب قولى انتم كنتم جايين ليه
مهند: كنا جايين نصيع
مريم: نععععععععععععععععم
مهند: اكدب عليكى يعنى
مريم: مهند ايدى وجعتنى
مهند ساب ايدها
مريم: بعد اذنك هنام لانى ملحقتش انام
وجايه تمشى مهند شدها لحضنه
مهند: بحبك يا مجنونه
مريم بصوت باكى: ما هو واضح لدرجه انك جاى تصيع هنا
مهند: اصيع ازاى وانا مش بشوف غيرك
مريم: امال كنت جاى ليه
مهند: كنا جايين نتفسح بث
مريم: يسلاااام
مهند: وحياة مريم عندى
مريم حضنته: تعرف انى بعشقك
مهند: تعرفى انك مجنونه
مريم: مجنونه بيك
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
روفيده دخلت الاوضه عشان تنام لقت سيف نايم على السرير
روفيده: لو سمحت اخرج بره عشان عايزه انام
سيف: ما تنامى يا قلبى انا جوزك عادى
روفيده: مستحيل انا وانت ننام ف اوضه واحده مش كفايه هنام تحت سقف واحد
سيف: والله انا كدا مرتاح اللى مش عاجبه هو حر
روفيده: اووووف
واخدت مخده وملايه وكانت هتخرج
سيف: على فين
روفيده: هنام بره على الشط
سيف: اوك تصبحى على خير
روفيده رمته بالمخده: بارد
سيف: عارف
روفيده: رخم وبارد ومتخلف ومجنون وجبان ودمك سم
بعد ما خلصت كلامها لقت سيف مسكها من ايدها
وشدها ليه بس رجله اتزحلقت ووقع على ورا وروفيده وقعت عليه
فى الوقت ده دخل مازن
مازن: سيف ماتعرفش فين روف.......
بص ولقى المنظر كدا
مازن: احم انا اسف بس الباب كان مفتوح
روفيده قامت بسرعه: لا انت فهمت غلط خالص
سيف قعد على السرير وابتسم لارتباكها
مازن ضحك على توترها
روفيده: يووووه انتم انتم انتم رزلين اووى اووف
واخدت المخده وخرجت
ومازن وسيف عينهم دمعت من الضحك
™™™™™™™™™™™™™™™™™™™™™™™™™™™™™™™™™™™™™™™™™
ساره دخلت الشاليه عشان تنام بعد ما تعبت من التفكير
لقت شادى فى الفرندا وبيشرب سيجاره ولما قربت لقت الطفايه مليانه سجاير
ساره: ما كنتش اعرف انك بتدخن
شادى: يهمك اووى
ساره: انا بحبك على فكره
وجريت من قدامه
راح شادى وراها بسرعه ومسك ايدها ولف قصادها
شادى: انتى قولتى ايه
ساره: اللى سمعته
شادى: وحياة ابوكى ما وقته كسوف خالص قولى قولتى ايه
ساره ابتسمت بخجل وقالت: بحبك
شادى: يعنى موافقه تكملى معايا بقيت عمرك
ساره: اكيد بس بشرط
شادى: انا موافق
ساره: مش تعرف الشرط الاول
شادى: قولى يا ستى مع انى موافق على اى حاجه تقوليها
ساره: تبطل السجاير خالص
شادى: بس
ساره: ما بسش ده شرطى ويا شادى لو لقيتك بتدخن تانى انا كمان هدخن
شادى: نعم ياختى
ساره: اهو هو كدا بأه
شادى: من عيونى انا خلاص قاطعت السجاير نهائيا عشان خاطر عيونك
بقولك ايه تعالى
ومسكها من ايدها وشدها على بره
راحو مكان ما ساره رسمت القلب لقو القلب زى ما هو
شادى ضحك: قلب ممسحتهوش المايه
ساره لفت ايدها على دراعه وسندت راسها على كتفه وابتسمت
ساره: لان حبى ليك اقوى من كدا بكتير
شادى: قولتى ايه
ساره: احم كنت بكح انا هدخل انام بأه لانى تعبت
شادى: تصبحى على خير
وباسها من خدها ساره ضربته بالقلم ومشيت
شادى: يا بنت المجنونه اما وريتك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ساره وروفيده نامو فى نفس الاوضه ورولا ورنا مع بعض
وادهم وشادى مع بعض ومازن وسيف مع بعض
نامت روفيده وصحيت بعد الضهر ولقت مفاجئه صدمتها وخلتها تعيط
€€€€€€€€€€€€€€¢¢¢¢€€€€€€€€€€€€€€€€€€€€€€€€€€€€€€€¥¥¥¥¥¥¥¥
انتهت الحلقه اتمنى انها تعجبكم