انت عمرى

Love

جه الميعاد اللى سيف هيقابل فيها ياسين
راح الكافيه اللى هم متفقين يتقابلوا فيه
كان رايح بدرى طلع فونه وبدا يبعت رسايل على الواتس لروفيده
شويه ولقى ياسين جه
ياسين: اسف يا سيف على التاخير بس الدكتور اللى هيمسك الشفت بعدى اتاخر
سيف: لا عادى ولا يهمك خير كنت عايزنى ليه
ياسين: تشرب ايه الاول
سيف: لا خلاص انا شربت قهوتى شوف انت هتطلب ايه
نده ياسين الجرسون وطلب عصير
وبعد كدا بص لسيف بتردد
سيف: هو انت جاى عشان تفضل ساكت
ياسين: ما هو انا مش عارف ابدا ازاى
سيف: ابدا من اى حته المهم اتكلم
ياسين: اولا اسف على اللى حصل منى قبل كدا وعايز اؤكدلك ان مفيش اى مشاعر فى قلبى تجاه روفيده
سيف: وثانيا
ياسين: ثانيا انا عايز اعرف علاقتك مع ندى عامله ازاى
سيف رجع بضهره ورا: وده يهمك فى ايه
ياسين: هتعرف لما تقولى
سيف: اعتقد انى لازم اعرف انت عايز تعرف علاقتى مع مراتى عامله ازاى ليه
ياسين: انا حاسس انكم مش اتنين متجوزين ابدا
سيف ببرود: اعتقد ان ده شئ ما يخصكش
ياسين: طب انت بتحب ندى
سيف: يوووه يا ياسين انت عايز ايه مش ملاحظ انك بتسال اسئله ماتخصكش
ياسين: يا سيف انا بحب ندى بس حب بجد اللى مابقتش متخيل حياتى من غيرها وعايز اعرف راسى من رجلى
سيف: يسلااام ما انت كنت بتحب
وسكت ماعرفش يكمل
ياسين: قصدك روفيده معاك حق بس روفيده كانت مجرد انى اتعلقت بيها لانها بنت خالتى ومتربيين سوا لكن ندى لما بشوفها قلبى بيدق بحس انى طاير بمجرد ما اسمع ضحكتها وعنيها بتودينى عالم تانى فانا عايز اعرف موقعها ايه معاك عشان لو بتحبوا بعض اخرج انا من الحوار كله
سيف: انت مجنون يا ابنى انا بحب روفيده وبس لكن ندى الظروف هى اللى خلتنا نتجوز
ياسين: افهم من كدا انك مش بتحبها
سيف: ندى اختى وامانه مامتها سابتهالى
ياسين: طب انا بحبها بجد وعايز اتجوزها اعمل ايه
سيف: لازم اتاكد انا الاول من انك بتحبها بجد
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
عند مريم كانت قاعده مع مهند بيخطتو لفرحهم وهيعزموا مين وهيعملوا ايه
مهند: ياااه عايز ازغرط من الفرحه 
مريم:😂😂اشمعنا

مهند: مش مصدق اننا قاعدين نخطط لفرحنا
مريم: تؤ صدق كلها شهر وهتشوفنى وانا لابسه الفستان الابيض

مهند:هيييييح يارب مشى الشهر ده بسرعه
فى الوقت ده تليفونه رن
مهند: ده شاادى
مهند: الو يا برنس فينك
سكت شويه وكانت مريم سامعه صوت شادى عالى بس مش فاهمه بيقول ايه
ولقت مهند وقف بخضه
مهند: انت بتقول ايه انت متاكد من الكلام ده
سكت تانى بس فتره اقل من اللى قبلها
مهند: طب أهدى انا جاى
وقفل واخد فونه ومفاتيحه
مريم: فى ايه
مهند: شادى بيقول أن ساره اختفت من الفيلا
مريم بخضه:ايه انا جايه معاك
وخرجو مع بعض وراحوا للفيلا
وصلوا هناك لقو كل الشله هناك
مهند: ايه اللى حصل
شادى: ساره جت تصحينى وبعد كدا نزلت مره واحده ماسمعتش صوتها نزلت اشوف وقولت اكيد عامله مقلب كالعاده بس لقيت الباب مفتوح وهى مختفيه قلبت عليها الفيلا مالقتلهاش اثر
ياسين واللى كان مع سيف ساعة ما شادى كلمه: طب تعالوا نتفرق يا جماعه طيب وندور تانى يمكن نلاقى حاجه تدلنا عليها
وفعلا اتفرقو بس ماحدش بقى حاجه واتاكدو انها ماخرجتش بارادتها لانهم لقو شنطتها والموبايل موجودين فى الفيلا
شادى: يا ترى هى راحت فين
خلص جملته وفونه رن لقاها سالى
شادى كنسل بس لقاها مصره على أنها تتصل فرد
شادى: سالى سلام دلوقتى انا مش فاضى
ولسه هيقفل سمع صوتها بتضحك وبتقوله:: ليه بس كدا ده انا. متصله اساعدك واقولك فين الحاجه اللى ضايعه منك
شادى: عايزه ايه يا سالى مش فايقلك ومش وقته الغاز
سالى: بقول أن حبيبة قلبك عندى
شادى قام وقف بخضه: ايه ازاى يعنى
سالى بضحكه مستفزه: زى الناس يا بيبي وحياتك عندى لاخليك تندم ع اليوم اللى لعبت بيا فيه
وقفلت السكه
شادى رمى الفون على الحيطه من كتر عصبيته
مريم بقلق: ايه فى ايه
شادى: الحقيره سالى هى اللى خطفت ساره عشان تنتقم منى أنى سببتها
ياسين: طب ما تبلغ البوليس
شادى: خايف لتعمل فيها حاجه
وقام وقف قدام الحيطه وقعد يضرب أيده فيها بعصبيه
وهو بيردد: انا السبب
سيف بعده عن الحيطه
سيف: تفتكر يعنى باللى انت عملته ده هى هترجع لازم نهدى عشان نعرف نفكر صح
قعدوا كلهم ساكتين بيفكرو فى حل وازاى يلاقوا المكان اللي ممكن تكون ساره فيه
مره واحده لقوا شادي وقف
شادي:ازاي غابت عني دي
وخرج بسرعه واخد عربيته ومشي بيها
الشباب خرجوا وراه ع طول واخدوا عربياتهم وجريوا وراه
والبنات بقوا قاعدين ف الفيلا ع اعصابهم
مستنيين اي اخبار عن ساره
******************************
ف مكان اول مره نروحوا
الدنيا ضلمه واوضه قذره متربه
وساره نايمه ف وسط الاوضه
ايديها مربوطه ورا ضهرها
ورجلها مربوطه وعنيها متغميه
فاقت وحست بصداع فتاك مدمر دماغها
وحست الطرحه مش ع شعرها
حاولت تقوم لقت نفسها مربوطه
قعدت تاني وبدأت تعيط وحست بالوحده
وبدأت تحس ان ف سائل نازل من دماغها دهول شعرها ومخليه ماسك ف بعضه
واستشفت انه دم وافتكرت لما كانت ف الفيلا
ونازله تحضر الفطار لشادي
Flash Back
كانت نازله ودخلت المطبخ
لقت خيال ورا باب المطبخ
راحت تشوف مين لسه بتفتح الباب لقت ضربه نزلت علي دماغها بعصايه قويه واخر حاجه سمعتها صوت انثوي بيقول:خدوها ع المكان اللي اتفقنا عليه
وضحكت ومشيت
واغمى عليها
Back
فضلت سساره تدعي ان شادي يكون بخير ومايكنوش عملوا فيه حاجه
وسمعت صوت باب الاوضه اللي هي فيها بيتفتح
ساره بخوف:مين هنا
سمعت صوت خشن بيدل ان اللي بيتكلم حنجرته بايظه بسبب التدخين بيقولها
الصوت:ايه يا حلوه انتي فوقتي حمد الله ع السلامه
وحست بيه قرب منها وحست بإيده ع شعرها
حاولت تبعد عنه ماعرفتش
لقته قرب وشه من وشها لما شمت ريحة انفاسه اللي بتدل انه بيشرب خمره وبيدخن كتير
الصوت:يالهوووي ع الجمال لولا ان الاوامر اني ما اقربش منك كان زماني واكلك يا بنبونايه
ساره سمعت كلامه ودموعها زادت وخوفها زاد بس لما قال ان الاوامر وصلاله انه مايقربلهاش حست انها اطمنت شويه عن الاول
ساره بصوت مهزوز:انتم جبتوني هنا ليه
الصوت بسخريه:جايين نفسحك
ساره:اقصد خطفتوني ليه
الصوت:مش عارف وبعدين انا مالي انا السبوبه جاتلي اسال اسئله ماتخصنيش ليه
ساره فضلت ساكته ومن جواها بتدعي يا رب تخلص من المحنه اللي هي فيها
******************************
سيف لقى شادي رايح مكان مهجور
فبص للشباب معاه
سيف باستغراب:يا ترى شادي جه هنا ليه
مهند:يمكن المكان ده مرتبط بسالي وهو فكر ان ممكن ساره تكون هنا
ولما قربوا لقوه زي فندق مهجور
وركن شادي العربيه بعيد شويه ونزل لقى الشباب جمبه
سيف: ليه جيت هنا يا شادي
شادي كان بيبص ع الفندق من بعيد
شادي:الفندق ده بتاع ابو سالي بس اتقفل لانه مكانش جايب الايراد اللي هو بسبب انه ف مكان مهجور

سيف:يعنى انت متاكد ان احنا هنلاقى ساره هنا

شادى:الرجاله اللى واقفين ع المداخل بتااععة الفندق بتاكدلى انها جوا

مهند:طب وهنعمل ايه

شادى:مش عارف بس انا مش هستنى لغاية ماياذوها

مازن:انا من رأيى ان واحد مننا يروح يبلغ البوليس ويجيبه ف اسرع وقت

ياسين:انا مع مازن ف رأيه

شادى:طب مين هيروح

ادهم:طب انا اعرف لوا صاحبى ف الدخليه ممكن اكلمه واوصفله احنا فين بدل ما حد يروح وكدا

سيف:طب يلا كلمه 

وكلم ادهم صاحبه واول لما قفل معاه

سمعوا صرخه بصوت ساره جايه من جوا الفندق

شادى حس ان قلبه طلع من مكانه

888888888888888888888888888888888888888888888888888888888888888

ده ان شاء الله الجزء اللى قبل الاخير واسفه جدا جدا ع التاخير