دخلت رنا اوضتها ولقت روفيده دخله وراها روفيده: انتى بتحبى مازن يا رنا رنا اتخضت وعيطت وجريت تحضن روفيده روفيده: اهدى يا حبيبتى رنا: بالله عليكى يا روفيده ما تقوليله ولا تقولى لاى حد روفيده: حاضر يا رنا بس اهدى وقعدت بيها على السرير ورنا لسه فى حضنها ونامت رنا فى حضنها وهى دموعها على خدها ............................. سابتها روفيده ودخلت اوضتها لقت فونها رن بتبص لقت سيف روفيده: الو سيف: ممكن اعرف سيبتينى ولا اكن فيه بنى ادم معاكى وطلعتى البيت من غير ما تسلمى حتى ليه روفيده: ولا حاجه واعتقد انى مرتكبتش جريمه يعنى سيف: براحتك يا روفيده سلام وقفل السكه فى وشها روفيده رمت فونها على السرير بعصبيه روفيده: انا نقصاك انت كمان وقعدت تفكر فى رنا ومازن ومره واحده حست ان هى مدايقه انها زعلت سيف وفى الاخر قالت ما يتفلق وانا مالى ونامت .......................................... جه يوم الاربع يوم الخطوبه كانت روفيده نزلت تجيب الفساتين هى والبنات صحيت روفيده وكانت مخنوقه النهارده هتتربط رسمى بأكتر كائن بتكرهه قامت خدت دش واتوضت وصلت فرضها ودخلت المطبخ عملت مج نسكافيه ووقفت تشربه فى البلاكونه صحيو البنات وبدأو رحله الماسكات لروفيده ومازن كان بيزين البيت لان الخطوبه في البيت ورنا كانت ماشيه وكان فيه شنطه بلاستيك على السيراميك وهى لابسه شبشب بلاستيك اتزحلقت وكانت هتقع هى غمضت عنيها وكانت عارفه خلاص انها هتقع حست بإيد قويه بتشدها وشمت ريحه هى عرفاها ومش كدا وبس دى بتحبها كمان فتحت عنيها براحه لقت نفسها بحضن مازن قعدت تبص فى عنيه وسرحت فاقت وافتكرت شيرين وبعدت عنه وبصتله بصه عتاب ومشيت من قدامه لسه بتخطى اول خطوه رجلها وجعتها لانها اتلوت ساعه ما كانت هتقع رنا: اااه مازن بصلها بلهفه: مالك رنا: ولا حاجه مازن لقاها قعدت على الارض وماسكه رجلها وعنيها بتدمع عرف انها وجعاها قعد قصادها ودلك كاحلها وهى كانت بتتأوه قامت عشان تمشى اتوجعت تانى راح قام وشلها هى اتصدمت رنا: نزلنى يا مازن مازن: ششششش اسكتى رنا: مازن نزلنى شيرين تزعل كدا مازن: ميهمنيش اهم حاجه انتى رنا عيطت وقالتله: مازن انت فى حكم خاطب واللى انت عامله ده مينفعش دخلها الاوضه وحطها على السرير بهدوء رنا لفت وشها: شكرا مازن: ولا يهمك ياا رنا انتى اختى رنا: ربنا يخليك يا مازن خرج مازن وحاسس ان قلبه واجعه وكمل تزيين البيت ..................................... جه الوقت ان روفيده تلبس لبست الفستان ده
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
