انت عمرى

مجنون

حضرت مريم فطار ونزلت وقفت تاكسى وراحت شركة مهند
مريم للسكرتيره: لو سمحتى مهند جوا
السكرتيره: ايوه يا فندم
مريم: ممكن ادخله
السكرتيره: حضرتك ليكى ميعاد سابق
مريم: لا بس لازم ادخله ان......
قاطعتها السكرتيره: اسفه يا فندم لازم يكون فيه ميعاد سابق
مريم: طب ادخلى قوليله مريم بره
السكرتيره: اسفه يا فندم بس لازم يكون عندك ميعاد
مريم بحده: اعملى زى ما قولتلك
خرج مهند على صوت مريم العالى
مهند: ايه فى ايه
مريم: مش راضيه تدخل تقولك انى بره
مهند بصلها شويه
مهند: معلش يا مريم انا اللى قايلها كدا وبعدين ماتعرفش انك مراتى
السكرتيره بصت لمريم بحقد
السكرتيره: سورى يا مدام ماكنتش اعرف
مريم: لا ولا يهمك
ودخلت ورا مهند المكتب
مهند قعد على المكتب ومسك اوراق وبص فيها
وهو بيراقبها بطرف عنيه
لقاها لسه واقفه ومش اتكلمت
مهند وهو لسه باصص فى الورق
مهند: خير فى حاجه ولا ايه
مريم: احم انا جيبالك الفطار وعيزاك فى موضوع
مهند بصلها: خير
مريم: انا هنزل انا والبنات نشترى شوية حاجات
مهند: حاجات ايه
مريم: حاجات ليا
مهند: اوك
مريم: وانت يلا افطر عشان تبدأ شغل عشان انت وراك شغل كتير
مهند: ليه بتقولى كدا
مريم: لان لازم تخلص كل الشغل اللى وراك فى اقل من شهر عشان تعرف تاخد اجازه
مهند: اشمعنا
مريم: يسلام مش فرحنا كمان شهر ولا هتشتغل كمان ساعة فرحنا
مهند: فرحنا!!
مريم: اه فرحنا ولا انت غيرت رأيك
مهند: انا ماغيرتش رأيى بس ايه اللى غير رأيك انتى
مريم: لانى محتجاك اكتر ما انت محتاجنى بكتيييير
مهند: يسلام
مريم: وحياة عبسلام ويلا نفطر عشان انا جعانه
وقعدو وبدأو يفطرو
ΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔΔ
روفيده بعد ما نزلو العربيه
روفيده: سيف روح الشركه
سيف: مش كنتى عايزه تروحى تتفسحى يا مجنونه
روفيده بحماس: لا روح الشركة وانا هتفرج عليك وانت بتشتغل
سيف: وربنا شعنونه وايه المتعه فى انك تشوفينى وانا بشتغل
روفيده: بليز يا سيفو انا هكون فرحانه كدا يا سيدى
سيف: طيب يا مجننانى
ودور العربيه وراح الشركه
دخلت روفيده معاه واتصدمت لما لقت ان معظم الشركه بنات
روفيده: هو احنا دخلنا مكان غلط ولا ايه
سيف: لا هى دى الشركه اشمعنا
روفيده: ايه كمية البنات دى
سيف: هتغيرى ولا ايه
روفيده: انت مش ملاحظ اننا من ساعة ما دخلنا والشركة اتقلبت كوافير
سيف: مابشوفش حد غيرك اصلا
روفيده وهى بتلف ايدها حوالين ايده اكنها بتثبت الملكيه ليها
روفيده: اصلا
سيف: اه اصلا
واخدها ودخلو مكتبه والعيون بتبصلها بحقد
€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€€
ندى كانت بتدى مريضه الادويه بتاعتها
وكان بيدور بينهم حوار
ندى: وانتى ازاى اتاكدتى من مشاعرك نحيته
البنت: لما كنت بشوفه كنت بحس بفرحه كبيره اكنى ملكت الدنيا وما فيها ولما عينى تيجى فى عينه قلبى بيدق جامد واحس ان كل اللى حواليا سامعينه هو اللى كان بيخرجنى من حزنى
ندى: طب يا طنط فريال اعترفلك ازاى بحبه
فريال: هههههه زمنا غير زمانكم انا كتبلى جواب وبعتهولى مع عيل صغير ولما وافقت جه اتقدم على طول
سمعو مصمصة شفايف من ورا ندى بصو لقوه ياسين
فريال: بيطلعو امتى دول
ياسين: فى ايه يا فوفه جاى اطمن عليكى يا جميل
فريال بصت لندى: تطمن عليا انا برضو
ياسين: احم فى ايه يا فوفو خلى الطابق مستور
ندى: بعد اذنكم هروح اشوف شغلى
وعدت من قدام ياسين وخرجت من الاوضه وياسين متابعها بعينه
فريال: نحن ما زلنا هنا
ياسين: كنتى هتفضحينى قدامها
فريال: ما انت لازم تقولها برضو
ياسين بحزن باين على وشه: ما انتى عارفه انها بتحب واحد تانى
بعد كدا ابتسم بسخريه: سيف ده كل ما احب واحده هى تحبه
فريال: بس تقدر تخلى ندى ليك
ياسين: ازاى
فريال: فى سر ورا جواز ندى وسيف علاقتهم مش زوج وزوجه ابدا ممكن اصحاب ماشى لكن اتنين متجوزين لا وانت لازم تعرف السر ده وتحاول تقرب ندى منك ويلا روح شوف شغلك
ياسين: سلام يا فوفه اشوفك بعدين يا موزتي
فريال: انت بكاش اووي يا واد انت يلا بأه انت معطلني
خرج ياسين من عند فريال وهو جواه امل
----------------------------------------------------
رنا وصلت الشركه ودخلت مكتب مازن اللي بيشارك فيها اتنين مهندسين ولد وبنت
دخلت لقت المهندسه بتسال مازن على حاجه بس بمياعه
البنت:باشمهندس مازن ممكن تقولي رايك في التصميم ده
رنا بتريقه عليها: وانتي مال صوتك يا حبيبتي حاطه مشبك علي مناخيرك ولا ايه
نورهان(البنت):وانتي مين اصلا وازاي تدخلي كدا هي وكاله
رنا: ياي انتي اوفر اوووي وانا مش هرد عليكي
وراحت لمازن اللي كان بيراقب الموقف من بعيد وهو مبتسم بس لما لقى رنا جايه عليه كشر
رنا: زومه عيزاك في كلمه
وبصت لنورهان بقرف: لوحدنا
نورهان مشيت متعصبه
مازن: خير يا انسه رنا ايه اللي خلا حضرتك تتكرمي وتصحي من النوم وتنزلي من بيتكم وتيجي لغاية هنا
رنا: عشان جوزي حبيبي زعل مني وجايه اصالحه
مازن: رنا ده مكان اكل عيش
رنا: انا اسفه على اللي قولته الصبح والله كنت لسه مافوقتش انت عارف اني بحبك
مازن: خلاص يا رنا ماحصلش حاجه
رنا: يبقى هتيجي معايا عزماك علي الفطار
مازن ساب اللي في ايده وبصلها وهو حاطت ايده على خده: وياترى عزماني على ايه
رنا: هو في غيرهم فول وطعميه بس ايه شهد يلا قوم بأه
مازن: طب اقعدي اخلص اللي في ايدي واستاذن ونخرج
رنا: اشطا
وراحت بصه لنورهان اللي كانت متابعه الحوار من الاول بس عامله نفسها مش واخده بالها
راحت رنا مطلعالها لسانها
مازن ضحك: متجوز طفله يا ربي
رنا: طفله مزه صح
مازن: مزة المزاميز
رنا: طب يلا خلص عشان جعانه
مازن: حاضر يا اميرتي
$$$$$$$$$$$$$$$$$$$$$$$$$$$$
ندى خلصت شغلها وكانت مروحه بس سمعت ياسين نده عليها
ندى: نعم يا دكتور فى حاجه
ياسين بص حواليه: انتي بتكلميني انا
ندى باستغراب: هو مش انت نادتلي
ياسين: اه
ندى: ماشي وانا رديت
ياسين: بس قولتي نعم يا دكتور
ندى: وايه الغريب فى كدا ماهو انت دكتور
ياسين: بس احنا دلوقتي مش في فترة الشغل
ندى: نعم يا ياسين حلو كدا
ياسين: اه حلو بقولك يلا عشان اوصلك
ندى: لا مفيش لزوم هاخد تاكسى
ياسين: مش هتلاقى وبعدين الوقت اتأخر
ندى: بس
ياسين: مابسش يلا بسرعه انتى لسه واقفه
ضحكت ندى
ياسين: يا صلاة الزين
ندى: انت متاكد انك متعلم بره
ياسين: سر بينى وبينك انا متعلم فى اوكسفورد وكانو عايزين يشغلونى فى بريطانيا بس انا قولت لااااااا بلدى اولى بيا اه والله يا اوختشى
ندى: طب يلا نمشى يا اخويا شكلك مش دكتور اصلا وبتضحك عليا
ياسين: اتفضلى على العربيه يا برنسس
ندى: برنسس
ياسين: واحلى برنسس فى بلاد الاميرات كلها
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
عند سيف جاتله مكالمه
بص لروفيده وقال باستغراب: ياسين
روفيده: طب رد شوفه عايز ايه
سيف: انا كل ما افتكر انه كان هيتجوزك وانه بيحبك ببقى عايز اولع فيه
روفيده قامت وحضنته وهو قاعد على الكرسى من ورا
روفيده: حبيبى يا ناس بيغير عليا
سيف: اهدى يا بنتى احنا فى الشركه وانا مش عايز اتهور
روفيده: طب رد يلا على ياسين
سيف: الو ايوه يا ياسين
ياسين: ايوه يا سيف اخبارك ايه
سيف: تمام الحمد لله
ياسين سكت للحظه: سيف انا عايز اقابلك فى موضوع مهم عايز اكلمك فيه
سيف: خير يا ياسين
ياسين: ما ينفعش فى التليفون ممكن نتقابل
سيف: تمام نتقابل بكره فى............... الساعه ٦ اكون خلصت شغل
ياسين: تمام يبقى بكره الساعه ٦
سيف: يلا سلام
ياسين: سلام
روفيده: فى ايه كان عايزك فى ايه ها
سيف: يخربيت فضول الستات ده،، ده انا لسه مانزلتش الموبايل من على ودانى
روفيده: يسلاااام طب يا استاذ سيف مش هسالك عن حاجه تانى
سيف مسك ايديها اللى كانت على كتفه لسه وباسها من باطنها
سيف: بس عيونك تهبل فى النقاب
روفيده: عارف لبسته ليه
سيف: ليه
روفيده: حلمت بيك بتقولى البسيه بعدها لقيت واحده صاحبتى فى النادى بتقولى ان فى مجموعه شباب متفقه مين يوقعنى قبل التانى ولما لبست النقاب هم ماعرفونيش فعرفت ليه انت قولتلى البسى النقاب
سيف: انا كنت بحلم بيكى كل يوم وكنتى فى بالى دايما يمكن نسيت كل اللى كانو حوليا لكن اللى فى قلبى انساه ازاى
روفيده: ايه الكلام الحلو ده يا سوفه توهتنى وماقولتليش برضو ياسين كان عايز ايه
سيف: ماقاليش قال بس انه عايز يقابلنى عشان موضوع مهم
روفيده: طب يلا خلص شغلك عشان تغدينى لانى هموت من الجوع
سيف: ثوانى هخلص اللى فى ايدى ونخرج اغديكى فى احلى حته فى مصر كلها
روفيده: اللى هى فين دى بأه
سيف: عربية الكشرى اللى على اول الشارع
روفيده: طب كشرى ماشى انا بحبه لكن من على عربيه لالالالالالا
سيف: ايه كل ال لالالالا دى بهزر يا رمضان ايه ما بتهزرش
روفيده: طب يلا بسرعه عشان انا جعانه
سيف: هوا
========================================================
ساره: شادى اصحى يلا انت نومك تقيل كدا ليه
شادى: بس يا ساره سيبينى انام شويه
ساره: لا يلا قوم
شادى: ليه طيب
ساره: عشان نفطر سوا يلا انا حضرت الفطار وبعدين انت مش وراك شغل
شادى: هستقيل
ساره: لييه
شادى: عشان انام
ساره: شادى قوووم
شادى: طب روحى انتى وانا جاى وراكى
ساره: ماشى هنزل تحت وخمس دقايق لو مانزلتش مش هيحصلك طيب
شادى: ماشى
ساره نزلت وقعدت تستنى شادى ينزل
شادى بعد ما ساره نزلت حط البطانيه على وشه ونام تانى
ومره واحده صحى على صوت صريخ ساره جاى من تحت وهى بتنادى على اسمه
قال ان هى بتعمل كدا عشان تنزله ورجع نام تانى
بس ملقهاش ندهت عليه تانى
قلق ونزل يشوفها
لقى حاجه خلته يقف فى مكانه مصدوم
&&&&&&&&&&&&&&&&&&&&&&&&&&&&&&&&&&&&&&&&&&&&&
انا اسفه جدا جدا على التاخير
وهحاول اعوضكم ان شاء الله
واتمنى البارت يعجبكم