انت عمرى

انت معى رغم بعدك عنى

عند شادى راح لسالى
شادى: افندم يا سالى انا جيت اهو
سالى: ايه يا استاذ شادى ما كنت خليك عند السنيوره شويه
شادى: يووووه فى ايه يا سالى سيبتك تزعقى فى الفون ومتكلمتش قولت حقها عشان حبيبها هيتنيل يتجوز لكن تتمادى وتتكلمى معايا بالطريقه دى مش هسمحلك ابدا بعد اذنك
وقام ومشى وسابها
شادى طلع فونه ورن على ساره
ساره: الو
شادى: اسف يا ساره بس كنت مخنوق ومش عارف اكلم مين انا اسف انى ازعجتك سلام
لسه هيقفل
ساره: استنى
شادى: نعم
ساره: احم هو يعنى ينفع تعتبرنى صحبتك
شادى: اكيد هو انا اطول
ساره: تمام عدى عليا كمان ساعه عشان هتعزمنى على الغدا وبعد الغدا سينما وبعد كدا بأه الملاهى اشطا
شادى: ساره انا قطعت علاقتى بيكى اصلا ده انتى داخله على طمع
ساره ضحكت: صعبت عليا هخليها غدا بس
شادى: اوك ساعه وهكون تحت البيت
ساره: اوك باى
وقفل وساره قامت تجهز
[[[[[[[[[[[[[[[[[[[[[[[[[[[[[[[[[[[[[[[[[[[[

عند سيف فى المستشفى
سيف: ايوه يعنى انا هعمل ايه لما اخرج من المستشفى
ندى: هتيجى البيت عندى
سيف: افندم
ندى ضحكت: قصدى فى العماره هجهزلك الشقه التانيه بتاعتنا اوك بس الاول عايزين نعرف انا هناديك بإيه
سيف: اى حاجه عادى
ندى: ايه رأيك فى نادر
سيف: اشمعنا
ندى من غير ما تحس: لانك نادر فعلا
سيف: احم
ندى: بعد اذنك
وقامت وسابته
خرجت وقابلت سمر
سمر: الجميل وشه احمر ليه
ندى: احمر ايه بيتهيألك
سمر: يا سلام
ندى: وحياة عبد السلام
سمر: بس سمعتى صوت الواد عامل ازاى بيخليكى كدا قلبك بيدق بسرعه الواد ده مش ناقصه حاجه
ندى بعصبيه: فى ايه يا سمر يلا روحى شوفى شغلك
سمر: وتقولى بيتهيألى اقطع دراعى من هنا لو مش بتحبيه
وسابتها ومشيت
ندى: انا مش بحبه انا بموت فيه
ايهاب: ده مين سعيد الحظ ده
ندى: دكتور ايهاب خير فى حاجه
ايهاب: لا بس شوفتك هيمانه قولت افوقك قبل ما حد يشوفك
ندى: ميرسى وبعد اذنك عشان الجو هنا حرر اووى
ومشيت
ايهاب: ورحمة امى يا ندى لهخليكى تترجينى عشان اتجوزك ومش هطوليها اصبرى عليا بس
♡♡♡♡♡♡♡♡♡♡♡♡♡♡♡♡♡♡♡
شادى عدى على ساره ورن عليها نزلتله
ساره: يلا على افخم مطعم سمك فيكى يا بحرى
شادى: بس يا بت انتى اخرك محل فول وطعميه
ساره: ياا لهوى ماكنتش اعرف انك بخيل اووى كدا
شادى: لااا ده انا ابو الكرم كله انا هأكلك سمك هتحلفى بيه بقيت عمرك
ساره: طب يلا يا خويا ورينا
وصلو المطعم وكان شكله فخم جدا

ساره بعد ما قعدو: ها بأه ايه اللى خنقك
شادى: استنى بس نطلب الاكل وبعد كدا نتكلم لانى لسه مفطرتش وواقع من الجوع
ساره: طب وليه مش فطرت
شادى: اولا اسمها مفطرتش ثانيا مش بحب اكل لوحدى
ساره: احم انا اسفه
شادى: لا ولا يهمك انا اتعودت
ساره: طب ليه مش قولت انك مش فطرت لما كنا فى البيت كنا فطرنا سوا
شادى: عارفه يا ساره انا عمرى ما اتعودت ان حد يهتم بيا لان من وانا صغير وانا يعتبر يتيم رغم ان والدى عايش بس دايما مسافر وامى ماتت وانا صغير فمحستش يعنى ايه طيبه وحنيه يمكن ده اللى خلانى شادى القديم ان انا ماكنش جوايا اى مشاعر كنت انسان بارد بس انا شايف فيكى حنان امى وخايف اتعود على كدا
ساره: يا عم اتعود مش احنا اتفقنا نكون اصحاب وانا حتى بعد الطلاق هكون صحبتك ده لو مش هيدايقك
شادى: ده شرف ليا يا سرسور يلا ناكل بأه عشان كدا انا هموت قبل ما نكون اصحاب
ساره: بعيد الشر عنك يلا نطلب
جه الجرسون وطلبو الاكل وقعدو يكملو كلام
بعد ما خلصو
ساره: ها ايه بأه اللى خنقك
شادى: سالى خنقتنى اوووى كل شويه غيره لما اتخنقت
ساره: طب تخيل كدا لو هى اللى راحت تتجوز هيكون ايه شعورك
شادى: لا طبعا مقدرش ده انا ممكن اموت فيها
ساره: وهى كمان بتروح روحها وممكن تموت فيها وبطلع الشعور ده بالغيره فهمت
شادى: ايوه ماشى بس مش بالطريقه دى دى بتخنقنى بغيرتها
شادى كان كل شويه يبص فى الساعه
ساره بحرج: هو انا معطلاك عن ميعاد ولا حاجه
شادى: يلا بسرعه
ساره: لو عايز تروح ميعادك وانا اروح بتاكسى مفيش مشكله
شادى: يلا يا مرووشه الفيلم هيبدأ
ساره بعد ما شادى شدها من ايدها: فيلم ايه
شادى: مش البرنسيسه ساره قالت عايزه تروح سنيما بعد الغدا انا هوديها سنيما عشان تهضم الاكل وبعد كدا اوديها ملاهى وبعد كدا نتعشى واروحها
ساره: لالالا انا كنت بهزر مش بتكلم جد انا عايزه اروح ناو
شادى: يعنى هتسيبينى اخرج لوحدى ينفع كدا اماال اصحاب ازاى
ساره: يعنى انا مش هعطلك
شادى: يا لهوى محسسانى انك بتكلمى وزير كل شويه مش هعطلك مش هعطلك لا يا ستى ارتاحى لو خرجنا مع بعض النهارده مصر مش هتبوظ
ساره ضحكت: طب يلا بينا عشان نلحق نشترى الفشار
شادى: يلا
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى بيت رنا
رولا كانت قاعده فى الصاله بتتفرج على التى فى وبتكلم ادهم
لقت رنا دخلت متعصبه واول ما جت دخلت من غير كلام على اوضتها
رولا عارفه ان رنا لما بتكون متعصبه مش هتحكيلها حاجه فقالت تسيبها تهدى وتكلمها
ادهم: رولا انتى معايا
رولا: سورى يا ادهم معاك بس هو مازن مش كلمك النهارده
ادهم بغيره واضحه: يا نعم يلزم خدمه
رولا ضحكت على غيرته: فوق يسطى ده جوز اختى
ادهم: بس ولد
رولا: ايه ده بجد هو ولد تصدق ما كنتش اعرف منكم نستفيد والله
ادهم: ايه ده يا خواتى مراتى عسل
رولا: شكلك يسطى مش عارف انت متجوز مين
ادهم: هو انتى متجوزه سواق مايكرو باص كل شويه يسطى يسطى
رولا: ايه يا معلم مش عاجبك
ادهم: رولا حبيبتى انا جوزك يعنى المفروض تقوليلى حبى عمرى  حياتى الحجات دى يا اما هدور على حد من بره يقولها
رولا: بره مين يا ابو بره ده انا اقطعك حتت نومو وارميك للبوبى النونو يكلوك
ادهم: واهون عليكى
رولا بطفوليه: ما انت اللى عايز تبص بره
ادهم: حتى لو عوزت مش هلاقى واحده تملى عينى غيرك انا مش شايف بنات غيرك كل ما ابص لبنت اشوفها انتى
رولا: احم بث بأه بؤحرج
وهما بيتكلمو الباب رن
رولا: طيب يا دومى انا هقفل ناو عشان الباب بيرن هشوف مين وهكلمك تانى
ادهم: اوك يسطى سلاموكا
ضحكت رولا وقفلت السكه
راحت فتحت وكان مازن
مازن وكان باين عليه التوتر: ازيك يا رولا
رولا: ازيك يا مازن اتفضل
دخل مازن
رولا شاورت على اوضه رنا
رولا: رنا جوا
مازن: اوك بعد اذنك انا داخلها
سابها مازن وخبط على اوضه رنا
رنا: لو سمحتى يا رولا سيبينى دلوقتى
مازن فتح ودخل: طب ينفع انا
رنا: ايه يا استاذ مازن جاى تكمل شكك وتهمك هنا
مازن: يا رنا انا ادايقت لما لاقيتك قاعده معاه
رنا: وجيت اتكلمت ورميت كلام زى الدبش من غير ما تسال حتى
وبعدين من غير ما تسال المفروض تكون واثق فيا اكتر من كدا
لكن انت يا مازن معندكش ثقه فيا ولو سمحت سيبنى دلوقتى لانى مش عايزه اتكلم ولما تعرف تثق فيا ابقى تعالى نتكلم
وادتله ضهرها مازن خرج وهى اتنهدت
《《《《《《《《《《《《《《《《
عند روفيده كانت نايمه وكالعاده بتحلم بسيف
وصحيت من النوم مبتسمه وخرجت بره
روفيده: بابا انا قررت حاجه وعايزه اقولك
باباها: خير يا روفيده
روفيده: انا قررت البس النقاب
》》》》》》》》》》》》》》》》
عند مريم كانت مستغربه عشان كان جه وقت ان مهند يكلمها ومكلمهاش
قعدت ترن عليه وميردش
قامت لبست وخرجت
مامتها: رايحه فين يا ميرو
مريم: انا نازله لمهند ياماما عشان اطمن عليه لانه مش بيرد على الفون
مامتها: اوك خلى بالك من نفسك
مريم: حاضر يا ماما سلام وخرجت
راحت مريم المكان اللى بيشتغل فيه قالولها مشى فى ميعاده
راحت بيته قعدت ترن محدش رد خافت لان مهند قاعد لوحده
طلعت نسخه المفتاح اللى معاها واول ما فتحت لقت صدمه خلتها واقفه مكانها مش عارفه تتحرك
》》》》》》》》》》》》》》》》》》》
انتهى البارت وده البارت التانى اللى وعدتك بيه يا ساره ومره تانى اتمنالك السعاده فى حياتك