انت عمرى

بحبه بس بكرهه

تانى يوم الصبح البنات كلها كانت لسه نايمه مره واحده سمعو صوت بنت غريب عليهم صحيو لقو شيرين بتصحيهم
شرين بمياصه: يلا يا بنات قومو بأه امبارح معرفناش نقعد مع بعض عايزه اتعرف عليكو
رنا: الحقى يا شيرين
شيرين: فى ايه
رنا: صوتك قالب على عرسه
وضحكت هى والبنات
شيرين ضحكت معاهم عشان الكسفه
قامو فطرو وهما بيفطرو رن تليفون روفيده بتبص لقته سيف ردت
روفيده ببرود: يا نعم
سيف: قمر يا خواتى
روفيده: افندم عايز ايه
سيف: فى واحده تكلم جوزها كدا
روفيده: انا مش متجوزه
سيف: ماشى يا مراتى جهزى نفسك انتى واصحابك عشان هنخرج
روفيده: شكرا مش عايزه
سيف: لا يا موزتى ده مش بمزاجك ده بالاكراه ساعه وهعدى عليكم وقولى لمازن سلام يا زوجتى العزيزه
روفيده قفلت واتاففت
رولا: مالك يا بنتى
روفيده: بنى ادم مستفز بجد
رنا: ليه بس
روفيده: عايز يخرجنا غصب مش عارفه انا ايه ده
ساره: يخرجنا يعنى احنا معاكى
روفيده: اه
مريم: عليا الطلاق بالتلاته الواد ده بيفهم انا قايمه اجهز
رنا ورولا وساره: وانا كمان
روفيده: كل خلفائك باعوكى يا روفى مازن اجهز انت كمان سيف بيقولك
شيرين بمياصه: ممكن اجى معاكم انا كمان يا ميزو
مازن: اكيد يا شيرى
وقام عشان يجهز وروفيده سابت شيرين ودخلت تلبس
خلصو لبس
مازن اول لما بص لرنا: ايه ده يا هانم
رنا: فى ايه يا مازن
مازن: ايه اللى انتى لبساه ده
رنا كانت لابسه ينطلون جينس ضيق وعليه شميز قبل الركبه
رنا باستغراب: ماله
مازن بعصبيه مكتومه: ادخلى غيرى يا رنا
رنا بعند: لا مش هدخل يا مازن لان الطقم مفيهوش حاجه ملفته
مازن: ده ضيق يا رنا ومجسم رجلك
رنا كان لسانها هيفلت وهتقوله بص للسنيوره بتاعتك الاول بس مسكت نفسها وقالت بهدوء: سورى يا مازن انا مش هغير
مازن: خلاص مفيش خروج
رنا: احسن ودخلت الاوضه
شيرين بدلع: متعصبش نفسك يا بيبى وبعدين اتعصبت كدا ليه يعنى
مازن بصلها وسكت
روفيده: ادخل صالحها يا مازن لانك اتعصبت عليها جامد وانت عارف رنا حساسه
مازن: لا مش هدخل هى اللى عاندت و
قاطعته شيرين: هو يعتزر ليه هو مغلطش
روفيده تجاهلتها وبصت لمازن: ادخل يا مازن اعتذر
مازن: اووووف حاضر
مشى مازن والكل واقف مستغرب من رد فعل مازن
.........................
عند رنا كانت متعصبه اوووى من مازن لان تصرفاته متناقضه
وهى عماله تضرب فى المخده وتشتم فى مازن الباب خبط
رنا: روفيده سيبينى لوحدى لو سمحتى
دخل مازن راسه بس وقالها: ينفع انا
رنا بصتله بعصبيه وسابته ودخلت البلكونه اللى فى الاوضه
دخل وراها مازن: خلاص بأه يا رونى
رنا: عايز ايه يا مازن
مازن: يا رنا انا اتعصبت عليكى عشان محبش اختى يتبصلها بصه مش تمام من شاب ملوش اى لازمه
رنا بسخريه مازن محسش بيها: اه اختك خلاص يا مازن محصلش حاجه
مازن يعنى مش زعلانه
رنا بسخريه: هو فيه واحده تقدر تزعل من اخوها
فى اللحظه دى دخلت روفيده
روفيده: يلا يا جماعه سيف تحت البيت
مازن: يلا يا رنا غيرى
رنا بعناد: لا ها
مازن لسه هيتكلم روفيده: انا عندى حل البسى بلورو عليه طويل
مازن بص لرنا
رنا: طيب ماشى عشان خاطرك انتى بس يا روفيده
ودخلت لبست البلورو ونزلو
...............................................
قدام البيت سيف شاف روفيده تنح
روفيده كانت لابسه جيبه قصيره واسعه لغايه الركبه سودا وعليها بوت طويل للركبه اسود ومن فوق قميص ابيض وعليه جاكيت جينس اسود
سيف لما روفيده قربت منه: اللهم صلى على النبى ايه الجمال ده
روفيده اتكسفت: ميرسى
سيف: ما احنا بنتكسف ونحمر اهو زى البنات
روفيده: افندم
سيف: خلاص يا باشا احنا اسفين
روفيده مشيت من قدامه وضحكت بخفوت
..................................
سيف كان جايب شلته معاه خالد طبعا ما شالش عينه من على البنات
ادهم فى بنت خطفت عقله اول لما شافها
وشادى مش واخد فى باله اصلا
ومهند بطبيعته هادى ومعملش اى رد فعل
...................................
قسمو بعض على العربيات وراحو دريم بارك
روفيده: انا هلعب ازاى دلوقتى ليه ما قولتش ان احنا جايين الملاهى
سيف: وفيها ايه
روفيده: هلعب ازاى بالجيبه
سيف: عادى يا روفى هتتدبر مازن عن اذنك انا هاخد روفيده
روفيده: بس انا عايزه العب مع صحباتى
رنا: واحنا مش عايزينك
سيف ضحك: شوفتى
واخدها من ايدها ومشيو
رنا: انا عايزه اركب الصاروخ يا جماعه
مريم: لا انا عايزه اركب القطار المعلق
شيرين: ميزو تعالى نمشى انا وانت سوا
مازن كان ملاحظ نظرات خالد لرنا
مازن وهو بيبص لخالد: معلش يا شيرى لازم افضل مع البنات
رنا كانت ملاحظه نظرات خالد ليها والغيره اللى فى عيون مازن كانت حبه تتاكد فراحت تتكلم مع خالد واتعرفت عليه بس طبعا بحدود زيه زى اى ولد عادى وخالد طبعا ما صدق ووقف يتكلم ويهزر معاها
مازن كان هيموت من الغيظ
رنا ضحكت جواها لما لقته اتعصب ووشه احمر من العصبيه
ودخلو لعبو كلهم مع بعض وادهم ما شلش عينه من علي البنت اللى خطفت عقله
......................................
عند سيف وروفيده
كانو ماشيين وروفيده نسيت كرهها لسيف
سيف: هو ممكن اسألك سؤال
روفيده: اتفضل
سيف: انتى ازاى عرفتينى رغم انى مقابلتكيش خالص ولا كان فيه بينا كلام قبل ما اجى اتقدم
روفيده: شوفتك واقف مع الشله اللى راح ليها خالد بعد ما بوخ عليا
سيف ضحك: قصدك بعد ما ضربتيه
روفيدعطه بطفوله: يعنى اسيبه يبوخ عليا
سيف: انا اطمنت كدا لو سيبتك لوحدك
روفيده ضحكت ولسه هتتكلم لقو بنت جت عليهم
البنت بمياصه: سيفو ازيك بيبى
روفيده مش عارفه ليه هى اتغاظت وادايقت
سيف: ازيك يا سوزى عامله ايه
سوزى: فينك يا وحش السهرات من غيرك وحشه اووووى
سيف لاحظ ان رزفيده مدايقه فقال بخبث: لا كنت مشغول اليومين اللى فاتو فى موضوع كدا بس هروح فين هرجعلكو تانى
سوزى: مستنياك يا سيفو
بعد ما مشيت سوزى روفيده بصتله بعصبيه وسابته ومشيت
جرى وراها ومسك ايدها: استنى بس يا مجنونه رايحه فين
روفيده بعصبيه: سيبنى يا سيف
سيف: طب ممكن تهدى انتى بتغيرى ولا ايه
روفيده: اغير وانا اغير على مين ان شاء الله انت حر فى حياتك
بس انت معملتليش اى احترام ولا اكنى موجوده اصلا وواقف تتكلم مع السنيوره
سيف: خلاص ممكن تهدى هتبوظى الخروجه علينا ليه اهدى شويه
روفيده: انا عايزه اروح
سيف: ليه بس
روفيده: معلش انا عايزه اروح روحنى
سيف: طيب يلا
سيف كلم مازن وعرف مكانهم وراحولهم وروحو تحت البيت شيرين حضنت مازن وباسته من خده رنا شافت المنظر ده طلعت فوق من غير ما تستنى حد وهى فاكره ان محدش شافها
طلعت وراها ودخلت وراها الاوضه وقالت: رنا انتى ليه ما قولتيش انك بتحبى مازن
.................................