حبي مثل المتاهه

البارت التاسع

نادر بثقة وفخر:البيه ده يا عمي ...البيه ده ياشمس يبقي ولا دكتور ولا حاجة ...الاستاذ معاه دبلوم تمريض يعني حتي مش كلية ومفهم كل الناس انه دكتور وفي الرايحة والجاية الدكتور راح والدكتور جه
فرغلي بارتباك:انت كداب...متصدقيهوش يا شمس
شـمــس:هو بردو الي كداب ...وعاملي فيها سبع البرومبا وعمال تتقالط علينا وانت في الاخر طلعت محصلتش ممرض حتي
نادر:لا والمفجأة الاكبر بقي انه بيمارس مهنة الطب وبيعالج الناس وياخد فلوس وبالدليل القاطع والمستندات كمان يعني باب السجن لجنابك مفتوح علي مصراعيه
فرغلي:ابوس ايدك بلاش تقول لحد
نادر:امممم انا مش هقول لحد بس في المقابل ملكش دعوة بشمس ولا تتعرضلها تاني وموضوع المحضر الي بتذلها بيه ده سك عليه وتقفله خالص بدل ما اقدم الاوراق الي معايا للبوليس
فرغلي:لا خلاص انا مش عايز اعرفها ولا اشوف وشها...بس تديني الورق الي معاك
نادر:لا يا حلو الورق ده هيفضل معانا علشان لو اتعرضتلها تاني
فرغلي:خلاص انا مش هتعرضلها تاني انا همشي ومش هتشوف وشي تاني
ويذهب فرغلي
نادر في سعادة شديدة:يلا في 60 داهية
شمس فرحت جداااا انها خلصت منه ونادر فرح لفرحها
شـمــس:بجد...انا...انا لو قعدت اشكرك من هنا للسنة الجاية مش هيكفيك
مصطفي:احنا متشكريين طبعا انك خلصتنا منه ....بس انت عرفت كل ده ازاي؟
نادر:ليا واحد صاحبي ظابط عملي تحريات عليه ومسكنا عليه الاوراق دي
مد يده واداها الاوراق الي بتثبت كلامه
نادر:خليهم معاكي
شـمــس:ليه؟
نادر:يمكن تحتاجيهم تاني
شـمــس:لا خلاص ده جبان واكيد مش هيتعرضلي تاني
مصطفي:مش تعرفينا يا شمس؟
شـمــس:ايوة صح معلش نسيت...ده بقي ياخالو نادر الي كلمتكوا عنه
مصطفي:اه اهلا يابني
نادر:اهلا بيك ياعمي......مش هتعرفيني باخواتك؟
شـمــس:دي سلمي تانية ادب ودي رضوي اولي ثانوي
سلمي ورضوي بيبصوله بصات غريبة
نادر:اهلا بيكوا
سلمي و رضوي:اهلا بيك
وفجأة نيرة تتصل بنادر
نادر:معلش بقي انا لازم امشي علشان نيرة بتتصل بيا
شمس مرة واحد وشها يتقلب ويبان عليه الحزن ونادر يلاحظ
نادر:انا همشي وهبقي اشوفك في الشغل بكره
شـمــس:طب مش هتتعشي معانا
نادر:معلش خليها مرة تانية
شـمــس بحزن:ان شاء الله
مصطفي:ماتقعد تشرب حاجة
نادر:معلش مستعجل....سلام
شـمــس ومصطفي:سلام
ويذهب نادر
مصطفي:يااا باين عليه ابن حلال اوي
شـمــس في حزن:اه
مصطفي:هو متجوز؟؟
شـمــس:خاطب بنت المدير بتاعنا
مصطفي:آآآآه طيب ماشي...بس الحمدلله انك خلصتي من الزفت الي اسمه فرغلي ده
شـمــس:اه الحمدلله
مصطفي:ماشي ....امشي انا بقي..مع السلامة
شـمــس:مع السلامة يا خالو
ويذهب مصطفي وتغلق شمس الباب
شـمــسفي سرها:يااااا هو عمل معايا كده ليه؟؟مش مهم المهم اني خلصت من الزفت التاني ده
سلمي:تعالي بقي قوليا ايه موضوع المز ده؟
شـمــس:موضوع ؟؟؟موضوع ايه؟
رضوي:ايه يا شمس أنتِ هتعمليهم علينا احكي يلا متخافيش سرك في بير
شـمــس:ايه الكلام ده؟....عادي يعني مجرد زميل
سلمي:متاكدة؟؟
شـمــس بابتسامة:طيب يلا قدامي بقي نحضر العشا وانا هحكيلكوا...
نادر وهو في طريقه الي المنزل
نادر:اووووف هو انا ايه الي خلاني اعمل كده...واحدة مشوفتهاش الا كام مرة وساعدتها كاني اعرفها من زمان ليه؟؟يلا زي ما تيجي تيجي بقي
نيرة بتتصل تاني بنادر ونادر يقفل الموبايل ويطلع الشقة
ماجد:ايه حمدلله علي السلامة...كنت فين؟
نادر:مفيش مشوار كده...ها طمني عليك ...اخبار المذاكرة؟
ماجد:الحمدلله
نادر:موضوع التاخير ده ميتكررش تاني مش معني انك ولد يبقي خلاص
ماجد بسخرية:حاضر ديني حضرت محاضراتي ورجعت بدري اهو
نادر:ماشي ربنا معاك..يلا تصبح علي خير
ماجد:وانت من اهله
اول ما نادر يدخل ماجد يروح اوضته ويتصل بسلمي
سلمي هترد عليه
"الوو ايوة يا حبيبي"
ماجد:ازيك يا حبيبتي؟
سلمي:الحمدلله كويسة
ماجد:ايه رايك لو نزوغ بكره من المحاضرات زي انهارده
سلمي باستسلام:لازم يعني؟؟
ماجد:طبعا وبعدين مجتش من يوم كمان
سلمي:بس كده محاضرات كتير هتفوتني وبعدين.....
ماجد:خلاص يا سلمي يبقي أنتِ مبتحبنيش
سلمي:لا طبعا بحبك يا ماجد ....خلاص ماشي اتفقنا
ماجد:طيب ...سلام دلوقتي
سلمي:سلام
ويغلق ماجد الخط
"ياااا ده أنتِ طلعتي ساذجة اوووي....عرفت ادخلك من ناحية اختك واخيرا وصلت...بس متقلقيش بعد التخرج مش هتشوفي وشي تاني"!!!!
سلمي بعد ما تخرج من الاوضة رضوي هتبص يمين وشمال وبعدها هتطلب رقم من التليفون
"ايوة يا عمر.....انت كمان وحشتني....لا متقلقش مفيش حد معايا في الاوضة...انا كمان عايزة اشوفك...فين؟؟؟طيب ماشي انا موافقة ...سلام"
بعد اسبوع
في غرفة المدير "بسيوني خليفة"
يدخل شخص ما الي مكتبه
شخص ما:صباح الخير يافندم
بسيوني:صباح النور خير؟
شخص:انا موظف من شركة الجويلي جي اسلم ظرف العطاء بتاع شركتنا
بسيوني:تمام... وصل الظرف للانسة شمس في السكرتارية بره
الشخص:حاضر يا فندم
ويذهب الشخص الي مكتب السكرتارية
"فين الانسة شمس؟؟"
شمس:ايوة انا
ويذهب الشخص الي مكتب شمس ويحطلها الظرف علي المكتب
"الظرف الي فيها العطاء بتاع شركتنا اهو ياانسة شمس"
شـمــس:تمام شكرا
كل الموجودين بيبصوا عليها وعلي الظرف ونادر منتبهش للموضوع
نادر علي مكتبه واكرم يجي ومعاه ملفات كتير
اكرم:خد يانادر ال12 ملف دول راجعهم
نادر:حرام عليك ارحمني يا اكرم ده انا بخرج من الشغل بدعي ربنا يديني طاقة اوصل لحد البيت بعد كده يبقي يغمي عليا ويسدوني لحد الشقة....روحي الهي يجيلك الحضبة يا اكرم
اكرم:اه انا لما اقولك خد ال12 ملف دول راجعهم تقولي بيغمي عليا وبيسندوني انما لما البااااشمهندسة شمس تقولك خد 32 ملف دول راجعهم امبارح تقولها ياسلاااام ده انت تامري
نادر:تقصد ايه؟؟؟؟؟وضح كلامك؟؟
اكرم:لا مفيش
نادر:طب غور من وشي يا اكرم ورايا شغل
اكرم:حاضر....حاضر
ويذهب اكرم الي مكتبه
شمس منهمكة في عملها
رانا:شمس بقولك ايه؟
شـمــس:...............................
رانا:يا شمس؟؟؟؟
شـمــس:اممممم
رانا:عملتي ايه في موضوع المناقصة؟؟
شـمــس:الاظرف الي فيها العطاء وصلتني اهي ...الي وصلني ده دلوقتي يعتبر الظرف الرابع
شمس طلعته وشالته في الدرج
شـمــس:هقدمه باذن الله في المعاد
رانا:اوووك....تمام ربنا معاكي
شـمــس:يارب
رانا:عندي ليكي خبر بمليون جنيه
شـمــس:خير؟
رانا:فرحي يوم الخميس الجي ده علي طول الي هو بعد بكره يعني
شـمــس في سعادة:الف الف الف مبروك يا حبيبتي ربنا يتمملك بخير
رانا:الله يبارك فيكي
شـمــس:طبعا انا معزومة؟
رانا:طبعا هو انا معقولة انساكي
شـمــس:عزمتي حد تاني من الشركة؟
رانا:اه طبعا انا عزمت الكل
شـمــس:ربنا يتمملك بخير ياحبيبتي الف مبروك
رانا:عقبالك
شـمــس وهي بتبص علي نادر وهو بيشتغل:هااااا لا انا بايني كده هستني شوية
رانا:اوعي تقولي كده...أنتِ 1000 واحد يتمناكي
شـمــس:يجي بس واحد من ال1000 دول
رانا:ان شاء الله هيجي

بعد انتهاء العمل نيرة ووالدها المدير في المنزل
بسيوني:الحمدلله كله تمام في الشغل
نيرة:طب الحمدلله يابابا
بسيوني:هااا اخبارك أنتِ ونادر ايه؟
نيرة:يعني الحمدلله ...بس فين وفين لما بيتصل بيا
بسيوني:معلش شغله صعب اوي ربنا يعينه
نيرة:بصراحة بقي يابابا انا مضايقة من اختلاطه بزميلته دي الي مش عارفة اسمها ايه كده؟
بسيوني:انهي فيهم؟؟تقصدي رانا؟
نيرة:لا مش رانا..رانا انا عارفاها كويس لانها متعينة من زمان ..انا اقصد التانية
بسيوني:مين؟ شمس؟؟
نيرة:شمس؟
Flash back>
نيرة:ماشي هنطلع بره بس لازم اقول لبابا علي السكرتيرة دي علشان يخصملها
نادر:خلاص يا شمس
نيرة:ايييييييه مين شمس دي؟
نادر:اقصد خلاص يا نيرة الي حصل حصل وهي عندها حق
نيرة بتوعد:ماااشي
Back◄
نيرة:تقريبا هي دي
بسيوني:شمس دي اكفء واحدة جت في السكرتارية وطبيعي انه يختلط بيها كتير لانها زميلته....ولا أنتِ غيرانة؟
نيرة:انا؟انا اغير من حتة سكرتيرة ولا طلعت ولانزلت زي دي؟؟لا طبعا
بسيوني:امال في ايه بقي؟؟قولتي مضايقة من اختلاط نادر بيها ليه؟
نيرة:شايفة نفسها كده وفاكرة نفسها الكل في الكل....ده كل لما اروحله الشركة بتقعد تعمل حركات غريبة كده
بسيوني:ازاي؟؟احكيلي
نيرة:مرة لما روحت ل نادر في الشركة قعدت تزعق وتقول ده مكان شغل باسلوب مستفز جدا ومرة لقيتهم واقفين علي جنب وبيتوشوا مع بعض ...بصراحة شمس دي بني ادمة مش مريحة
بسيوني مدافعا:لالا يا شيخة اكيد شمس متقصدش ...انا عارف انها مدب انما كفء جدا هي علنياتها وتلقائية حبتين
نيرة:حضرتك شايف كده؟
بسيوني:اه طبعا والا مكنتش امنتها علي الاظرف الي فيه العطاء بعد ما تنتهي كل شركة من التسليم
نيرة بتفاجا:ايه؟؟؟اظرف العطاء؟؟؟هي الي معاها اظرف العطاء؟
بسيوني:ايوة هي الوحيدة الي هتكون قد المسؤلية وبعدين بصراحة نادر لسه جديد معانا في الشركة لو كنت ادتهومله كانوا الموظفين هيتكموا ويقعدوا يقولوا ده اداله الاظرف لانه خطيب بنته...... مش كده؟
نيرة سرحانة وبتفكر
"هااا اه طبعا يابابا.....تصبح علي خير"
بسيوني:ماشي وأنتِ من اهله
تذهب نيرة الي غرفتها وهي عمالة بتفكر في حاجة معينة شاغلة تفكيرها
نير في سرها:ماشي انا بقي هخلص من شمس دي خالص ....مش هخليها تعتب باب الشركة تاني

نادر في منزله
نادر عمال يفتكر شمس ويسرح فيها وفي شكلها ويفوق لنفسه في لحظة
نادر في سره:انا لحد امتي هفضل مستحمل..انا مبحبش نيرة ومش قادر حتي اواجها علشان الوظيفة مهو خلاص مرتبي بقي قد مرتبي في الشركة التانية 3 مرات ولو سبتها معني كده اني بضحي بالوظيفة...علي راي ماجد..لازم اصبر واضحي علشان اخد الي انا عايزه
"لالا انا هتصل ب شمس حالا علشان اقابلها واقولها"

شمس ترجع البيت ولسه هتدخل اوضة سلمي ورضوي
رضوي كان معاها تليفون وهتقفل علي طول
شـمــس:ايه كنتي بتكلمي مين؟
رضوي:لا مفيش دي..دي واحدة صحبتي
شـمــس:ماشي ...امال سلمي فين؟
رضوي:راحت تشتري حاجات من المحل الي تحت
شـمــس:طيب ماشي ....يلا انا هروح اغير هدومي
رضوي:ماشي
وتذهب شمس
رضوي تمسك الموبايل وتتصل تاني
"اوووف معلش اصل اختي دخلت فجأة....ها كنا بنقول ايه يا عمر؟
شمس غيرت هدومها وسمعت صوت جرس الباب
سلمي ضربت جرس الباب وشمس تفتحلها
سلمي:معلش اتاخرت شوية؟
شـمــس:كنتي بتشتري ايه؟
سلمي:هااا لا ابدا اصلي ملقتش الي كنت عايزاه
شـمــس:طب يلا غيري هدومك وروحي نادي اختك عبال ما احضر العشاء
سلمي:حاضر
وتدخل سلمي الاوضة
رضوي:كنتي فين؟؟انا قولت لشمس انك روحتي تشتري حاجة....شوفتي انا بداري عليكي ازاي؟
سلمي:انا فعلا كنت بشتري حاجة
رضوي بعدم تصديق:ماشي
يخرجوا كهم علشان يتعشوا وهما قاعدين علي السفرة مرة واحدة سلمي تقوم وتدخل الحمام وترجع!!!