حبي مثل المتاهه

البارت الرابع عشر

محي:للاسف جالنا معلومات ان العطاء اتسرب
شـمــس بخضة:ايه؟؟اتسرب؟؟؟اتسرب ازاي؟
وياتي بسيوني بغضب
"ايوة اتسرب....انا مكنتش اتصور ابدا انك ممكن تعملي كده انا وثقت فيكي تقومي تخوني الثقة دي"
شـمــس بفزع:ايه الي انتو بتقولوه ده انا لا يمكن اعمل كده ولا اخون الثقة دي ابدا الموضوع فيه حاجة غلط
نادر جه يشوف الي حصل وبيبص بصدمة ومش عارف يتكلم
اكرم مدافعا:يابسيوني بيه اسمعني ارجوك شمس......
بسيوني مقاطعا وبحدة:خلاص محدش هيتكلم نص كلمة ولا يدافع....اظرف العطاء كانت مسؤليتك أنتِ ومعني انها تتسرب انك......تقدري تقوليلي دفعولك كام علشان تعملي كده؟
شـمــس مدافعة:دفعولي؟؟؟انا عمري ما كنت مرتشية ولا اقبل علي نفسي رشوة صدقني والله العظيم انا معرفش العطا اتسرب ازاي
بسيوني:خلاص انتهي لولا انك كنتي سكرتيرة كفء وشاطرة انا كنت بلغت البوليس وسجنتك...أنتِ هتخدي بقيت حسابك وتمشي
شـمــس بفزع:بقول لحضرتك صدقني انا......
بسيوني مقاطعا:قولت انتهي مفاتيح الدرج كانت معاكي أنتِ هيكون مين يعني الي عملها ...أنتِ مرفودة!!!!
ويذهب بسيوني
شـمــس:صدقوني يا جماعة انا لا يمكن اعمل كده ابدا
كل الموظفين بصولها بصة وحشة اوي ومصدقوهاش
نادر اتصدم فيها ومجبر يصدق فيها كده لان مفيش معاها اي دليل
شـمــس باستعطاف:نادر صدقي انا لا يمكن اعمل كده
نادر بحدة:مكنتش اتصور ابدا انك رخيصة ومرتشية كده
شـمــس بغضب وهي بتضربه بالقلم:اخرس!!!انت بتتكلم عني انا وبتوجهلي اتهام زي ده ....انت الي بني ادم رخيص وزبالة وجريت ورا الفلوس انا اشرف من اشرف مليون من عينتك وبكره الكل يتاكد ان مش شمس الي تعمل كده
وتذهب شمس
اكرم وراها
"استني يا شمس"
نادر مش مصدق نفسه من القلم الي ضربتهوله مش عارف اذا كان متغاظ ولا زعلان انها طلعت كده
شـمــس ببكاء وغضب:ايه يااكرم عايز تقول ايه انت كمان؟
اكرم بحنان وهو يمسح دموعها:انا مصدقك يا شمس وعارف انك لا يمكن تعملي كده ومتخفيش وميهمكيش من حد
شـمــس:يعني انت مصدقني؟
اكرم بحنان ورقة:طبعا.....لاني......لاني
شـمــس باندهاش:لانك ايه؟
اكرم ولحق نفسه:لاني واثق ومتاكد من اخلاقك واعرفك اكتر من اي حد وميهمكيش من نادر ولا من حد
شـمــس:انا خلاص مستقبلي ضاع وانتهيت
اكرم بارتباك:اوعي تقولي كده طول ماانا جنبك اقصد طول مااحنا جنبك
شـمــس:طيب انا مروحة
اكرم:هوصلك
شـمــس:لا خليك انت علشان شغلك
اكرم:مش مهم شغلي
شـمــس:معلش......سلام
اكرم بفرح:سلام
وتذهب شمس
اكرم في فرحة:اخيرا ادتني ريق حلو انا مش مصدق نفسي

نادر في الشركة
لسه واقف مكانه بعد القلم الي شمس ادتهوله
نادر في سره:انا مش مصدق الي حصل ازاي اقولها الكلام ده؟؟ازاي توصل بيها انها تضربني بالقلم وانا اسكتلها ...انا مش مصدق انها ممكن تعمل كده مش مصدق ان هي دي الي حبيتها!!!!ايوة حبيتها متضحكش علي نفسك اكتر من كده ....انت بتحبهاااااا
بس خلاص كل شيء انتهي بكلام غبي منك وبغضب وعصبية منها لامل خلاص راح انا كان المفروض اسمعلها واصدقها مش اصدق فيها انا اكتر واحد عارف انها لا يمكن تعمل كده ابدا
يفيق نادر من حديثة مع نفسه ليجد اكرم امامه
اكرم بغضب:انت ايه الي قولته لشمس ده؟
نادر:اكرم ارجوك انا مش متحمل
اكرم:ماشي يا نادر بس لازم تفهم ان شمس دي اشرف بنت في الدنيا وعمرها ما تعمل كده لاني اشتغلت هنا قبلك وعارفها كويس
نادر ببرود:خلصت دفاع عنها؟
اكرم:اه خلصت...وابقي افتكر كلامي كويس