حبي مثل المتاهه

البارت الثانى والعشرون

وبعدها سابت نادر وبصت ل اكرم بنظرة عتاب
"ليه تعمل فيا كده؟؟؟انا اذيتك في ايه؟؟؟هو الي بيحب حد وعايز يرتبط بيه بياذيه"
اكرم كان بيبصلها بغضب ومش قادر يرد
نادر بابتسامة اطمئنان:خلاااااااص هانت يا شمس كل حاجة هتتحل دلوقتي
اكرم بخوف:انت تقصد ايه؟
فجاة البوليس يدخل ويقبضوا علي اكرم وياخدوا شنطة الفلوس
اكرم بعصبية وغيظ:عملتها يا نادر؟؟؟عملتها انت وشمس؟
شـمــس بخضة:انا مش فاهمة حاجة ومعملتش حاجة
نادر بحنان:اهدي وانا هفهمك دلوقتي
نادر رجع وبص لاكرم
نادر بفخر وسعادة:امال كنت عايزني اسيبك تضحك عليها وتتجوزها...لا مش انا...انا عرفت كل حاجة وسمعتك وانت بتتكلم مع نيرة وراقبتكوا...يلا اتمنالك حظ سعيد في السجن يا اكرم
البوليس اخد اكرم وهو متعصب جدا
وشمس كانت مخضوضة ومزهولة ومش فاهمة حاجة وفضلت بصة ل نادر وهي مش قادرة تتكلم ونادر كان بيبصلها بابتسامة وفرحة
رانا بعد ما البوليس اخد اكرم وخرج دخلت بسرعة بخضة وقلق
رانا بخضة:ايه يا نادر؟؟حصل ايه؟
نادر بفخر:متخفيش جت سليمة الحيوان ده كان عايز.....بس ربنا سترها وجيت في الوقت المناسب والبوليس قبض عليه
رانا بارتياح:اووووف الحمدلله...خطتنا نجحت وخلصنا من الموضوع ده
شـمــس بتعجب وعصبية:خطة؟؟؟خطة ايه؟؟ما تفهمووووني ولا انا خلاص مليش لازمة عند حد ومش مهم افهم ...كنت بتخططوا لايه من ورايا؟؟
نادر بهدوء:يا شمس هدي اعصابك بس
شـمــس بعصبية:لا مش ههدي الا لما افهم ولا انا زي الاطرش في الزفة في كل حاجة
نادر بعصبية:ما تهدي بقي يا شمس انا مش فاهم ايه الداعي في العصبية دي كلها
شـمــس بعصبية واندهاش:الداعي؟؟؟؟؟الداعي ان لقيتك بتكسر باب شقتي والبوليس دخل بيتي وانا مش فاهمة اي حاجة
نادر بعصبية وهو بيمسك ايديها جامد:هو انتي ايه؟؟؟متعرفيش تتفهمي الا بالزعيق والضرب
شـمــس بعصبية وهي بتبعد ايده:ايوة مبعرفش اتفاهم الا بالزعيق والضرب ومن ساعة ما شوفت خلقتك والمصايب نازلة ترخ علي دماغي زي المطر واتفضل بقي بره بدل مااكسر البيت علي دماغك زي ما كسرت الباب
نادر بهدوء:اهدي واقعدي واحنا هنفهمك
شـمــس وهي بتهدي:اتفضلوا فهموني حالا ايه الي بيحصل هنا
نادر:بصي يا شمس انا اتفقت مع بسيوني خليفة علي اتفاق لما عرفت ان اكرم هو الي سرب العطا بالاتفاق مع نيرة
Flash back>
بسيوني:تعرف لو الكلام الي قولته ده طلع غلط او لعبة منك انا ممكن اعمل ايه؟؟كفاية اني عدتلك المصيبة الي عملتها امبارح مع انها حاجة لا تغتفر
نادر:صدقني هي دي الحقيقة وانا مبكدبش ومليش مصلحة في اي حاجة بدليل اني جي وجايب استقالتي معايا
بسيوني بتصديق:ماشي...ايه بقي حطتك يا ابو العريف وايه المطلوب مني في الخطة دي؟
نادر:المطلوب منك سهل جدا
بسيوني:ايه هو؟؟؟؟
نادر بابتسامة:سيادتك كل المطلوب منك انك تبلغ النيابة عن اكرم ويحطوه تحت المراقبة الفترة دي بالذات علشان يثبتوا عليه التهمة وفي المقابل سيرة بنتك مش هتيجي في اي حاجة
بسيوني باقتناع:امممممم ماشي بس كده؟؟
نادر:لا مش بس كده...حضرتك كمان هتبلغ بنتك بالكلام ده وتسالها عن تفاصيل اتفاق اكرم مع مصلحي شعلان علشان اقدر اعرف امتي الوقت الي ممكن نمسك عليه فرصة ويتقبض عليه وعرف من بنته وبلغني انه بيبتز مصلحي شعلان وطالب دفعة تانية
Back◄
رانا بفرحة:وانا بقي كنت براقب مكالماته وعرفت المكان والزمان وبلغنا البوليس
نادر:كنت ماشي وراه لما طلع بالعربية كانت فاكره رايح البيت ولما لقيته دخل الحي الي ساكنة فيه حبيت انبهك علشان خوفت عليكي منه...حاولت اتصل بيكي بس مردتيش والباقي اكيد انتي عارفاه
شمس بتسمع الكلام ده وهي بتبصلهم ومزهولة
رانا بابتسامة وهي بتحضنها
"مبرووووك البراءة يا عسل دلوقتي زمان الشركة كلها عرفت الي حصل"
شمس وهي حاضنة رانا كانت بتبص لنادر بنظرة حزن
شـمــس بتردد وندم:نادر؟؟؟
نادر وهو بيبصلها ببرود مصطنع
"نعم"
شـمــس بحزن وهدوء:شكرا
نادر بابتسامة خفيفة:علي ايه؟؟دي حاجة بسيطة علي الاقل ردتلك اعتبارك وكفرت عن غلطتي
شـمــس بحزن:اه صحيح...مبروك علي كتب الكتاب
نادر:ههههههههههههههههه
رانا:ههههههههههههه الله يحظك يا شمس
شـمــس باندهاش:ايه؟؟هو انا قولت حاجة تضحك؟؟
رانا:ههههههه كتب الكتاب متمش يا شمس
شـمــس باندهاش:متمش ازاي يعني؟؟؟؟؟؟؟؟
نادر ورانا حكوا ل شمس علي الي حصل يوم كتب الكتاب
شـمــس بابتسامة عريضة:يعني كتب الكتاب محصلش؟؟؟
نادر بمكر:ومالك فرحتي كده ليه؟
شـمــس وفاقت ل نفسها:هاااا لا ابدا انا زعلانة جدا ان محصلش نصيب
نادر ورانا بمكر:ياشيييييييخة
شـمــس بارتباك:اه طبعا امال انتو فاكرين ايه؟
نادر بمكر:ااااااااه طيب انا لازم اروح بقي معلش
شـمــس بحزن:ليه ما تخليك قاعد؟
نادر بفرحة:معلش اصل من بكره الصبح هنزل ادور علي شغل
رانا:هو انت خلاص كده مش هترجع تاني شركة بسيوني بيه؟
نادر:للاسف لا وبعدين انا عندي كرامة مينفعش بعد الي حصل ده اقوله ونبي خليني عندك ورايا مصاريف
شـمــس:طب ايه رايك تروح شركتك القديمة الي كنت بتشتغل فيها؟
نادر بابتسامة:هي فكرة حلوة بس مش عارف ممكن الاقيلي مكان ولا لا
شـمــس مهونة:ان شاء الله هتلاقي قول انت بس يارب
نادر بابتسامة وهو بيبص في عنيها:شمس؟؟؟
شـمــس بتعجب:نعم؟؟؟
نادر:شمس انا......
رانا مقاطعة بسرعة:ناااااااااااااادر مش وقته دلوقتي بعدين بعدين
شـمــس:الله؟؟؟؟هو ايه الي مش وقته وبعدين وانت ايه اصلا الي كنت عايز تقوله؟؟؟
رانا بارتباك وسرعة:يلا بقي علشان نسيب شمس تهدي اعصابها من الي حصل...سلام يا شمس
رانا شدت نادر ومن ايده وخرجت بيه من الباب بسرعة
شـمــس باندهاش:سلام يا رانا
نادر و رانا في الشارع
نادر:ممكن اعرف بقي ليه مختنيش اقولها؟؟؟
رانا بزعيق:انت اتجنت؟؟؟مش هو ده الوقت المناسب الي تعترفلها بيه بحبك يا غبي استني لما تطلب تقابلها بره وتتكلموا وتاخدوا وتدوا مع بعض مش قدام اي حد حتي لو قدامي
نادر بتنهيد: عندك حق....يعني اتصل واخد معاد؟؟؟
رانا:بالظبط
نادر:تمام انا هروح بقي ....سلام
رانا:سلام
ونادر و رانا يروحوا
شمس في بيتها
سلمي و رضوي يدخلوا يلاقوا الباب مكسور
سلمي بخضة:يالهوووي ايه الي كسر الباب كده؟؟
رضوي بخوف:ايه الي حصل؟
شـمــس:ده موضوع طويييييييييل هحكيلكوا عليه... تعالوا اقعدوا