في اليوم التالي في الصباح الباكر
باب شقة شمس يخبط
تروح تفتح الباب هتلاقي علبة حمرا جميلة ملفوفة بشريطة كبيرة لونها روز
شمس فتحتها لقت جواها علبة قطيفة
هتفتحها هتلاقي اسورة فضة جميلة اوي
هتفضل تدور لحد ما تلاقي كارت
مكتوب فيه
"الي حبيبتي وزوجتي المستقبلية شمس ....الي نورت حياتي وخلتها كلها فرحة ....بحبك اوي وصدقيني دي اقل حاجة ممكن اقدمهالك ويارب تعجبك...انا سافرت انهارده الفجر اسكندرية انا وماجد ومعتز وراجع بكره ان شاء الله وهبقي اكلمك من هناك....بحبك"
امضاء:نادر محمود يحيي!!!!
شمس ماخدتش بالها من اسمه الثلاثي
شـمــس بفرحة:الله دي علشاني انا؟؟؟ربا يخليك ليا يا نادر...انا مش مصدقة نفسي هو انا بحلم ولا ايه
شمس جريت علي جوه شقتها وكانت طايرة بالهدية والكارت
وسلمي فتحت الباب وصحيت وهي بتتاوب
سلمي:ايه يابنتي مالك؟؟هو مين الي كان علي الباب؟
شـمــس بفرحة:بصي نادر جابلي ايه؟؟وبصي كده الكارت ده
سلمي قرات الكارت وجت عند اسم نادر الي في الاخر وبرقت وبلمت
شمس تلاحظ
"ايه يابنتي ؟؟؟مالك؟؟؟بلمتي كده ليه؟"
سلمي بارتباك:لا ...لا ابدا مفيش
شـمــس بابتسامة:هاا ايه رايك بقي؟؟رومانسي اوي صح؟؟
سلمي بحزن:جداااا ربنا يسعدك يا شمس
شـمــس:ياااا رب ويعينك انتي كمان
سلمي بحزن:لا انا....انا حاسة اني خلاص بضيع
وبدات سلمي تعيط والضحكة الي كانت علي وش شمس اختفت تماما وبدات تحضنها وتهدي فيها
شـمــس:متقلقيش هنلاقيه وخالك مش ساكت
سلمي ببكاء:يااا رب...انا هدخل بقي اكمل نومي علشان اصحي اذاكر
شـمــس بحنان:ماشي يا حبيبتي...يلا روحي
سلمي دخلت اوضتها وفجاة افتكرت موضوع اسم نادر الثلاثي
سلمي في سرها:نادر محمود يحيي؟؟؟واخوه اسمه ماجد؟؟؟ازاي شمس ماخدتش بالها؟؟؟معقول يكون.......لالالالا ايه التخريف ده اكيد تشابه اسماء
شمس دخلت الاوضة وهي فرحانة اوي
يرن هاتف شمس المتصل مصطفي وتجيب شمس علي الهاتف
مصطفي بفرحة:عندي ليكي مفاجاة
شـمــس بفرحة:خير يا خالي؟؟
مصطفي:قدرت اعرف عنوان الواد بتاع موضوع سلمي وشوية معلومات عنه
شـمــس باندهاش وسعادة:بجد؟؟؟؟؟؟؟؟؟؟
مصطفي:اه والله ...انا فضلت بايدي وسناني لحد ما عرفت اوصل لمعلومات عنه
شـمــس: الحمدلله ...الف حمد وشكر...حلو اوي اوي...هااا اديني بقي الي عرفته عنه
مصطفي:بصي يا ستي ساكن في 6 شارع(..........)في حي(..........) الدور الرابع شقة 2
شـمــس:يااااا تصدق يا خالي ان الواطي ده ساكن قريب اوي من نادر
مصطفي:بصي ياستي ....كمان خريج كلية اداب دفعة السنادي
شـمــس:اه دي معروفة....غيره
مصطفي:انا معرفتش اجيب رقم موبايله الشخصي بس عرفت اجيب رقم البيت
شـمــس وهو بتاخد ورقة وقلم
"ايوة ها مليني"
مصطفي:اكتبي عندك (............)
شمس:تماااام خلاص كتبته...ها في اي حاجة تانية؟؟
مصطفي:لا مفيش خلاص كده
شـمــس:طيب تمام ...انا هروح بقي افرح البت سلمي لحسن دي كانت بتعيط من شوية
مصطفي:عبيطة...فاكرة اننا مش هنعرف نعطر بيه...ده علي طول جبت كل معلومات عنه وباذن الله كله هيبقي تمام بس تركز علشان امتحاناتها
شـمــس:حاضر يا خالي وربنا المعين....سلام
مصطفي:سلام
وتغلق شمس الخط
شمس راحت اوضة سلمي
شـمــس:سلمي يا سلامة....اصحي يابت
سلمي بنوم:في ايه يا شمس
شـمــس بفرحة:خالك جاب قرار الواد خلاص وهتفرج
سلمي بفرحة:بجد؟؟؟؟
شـمــس:امال مصحياكي اهزر معاكي....يلا يابت فزي علشان نشوف هنعمل ايه؟؟معانا عنوانه ورقم تليفونه الارضي...هااا عندك خطة؟؟
سلمي:مش عارفة
شـمــس:الله؟؟؟امال مين الي يعرف؟؟؟
سلمي:طيب سبيني بس اهدي علشان اعرف افكر
شـمــس:تتصوري انه ساكن قريب من نادر
سلمي بخضة:هاااا غريبة
شـمــس:عادي يعني مش دي قضيتي دلوقتي المهم هنتصرف ازاي؟؟
سلمي كانت لسه هتتكلم قاطعها رنة تليفون شمس
وتجيب شمس علي الهاتف
شـمــس:زعلانة منك
نادر:ياساتر يارب من اولها كده
شـمــس:ايوة...كده بردو تسافر ومتقوليش
نادر بحنان:معلش يا شمس سامحيني انا ملحقتش والقرار كان مفاجا
شـمــس بدلع:خلاص محصلش حاجة
نادر بابتسامة:بجد؟؟؟؟
شـمــس:اممممممم
نادر:انتي عارفة انا قاعد فين دلوقتي؟
شـمــس بشغف:فين؟
نادر:قاعد انا واخواتي علي البحر
شـمــس:الله...بجد؟؟
نادر:اه...طب استني هتصور انا واخواتي علي البحر وابعتلك الصورة...ماشي؟
شـمــس:ماشي
نادر:دقيقة وهبعتهالك...سلام دلوقتي
شـمــس:سلام
وتغلق شمس الخط
سلمي:ده نادر؟؟؟
شـمــس بفرحة:اه...بيكلمني من اسكندرية
صوت ارسال رسالة علي تليفون شمس
شـمــس:استني ده بعت صورته هو واخواته علي البحر
شمس فتحتها وبصت فيها وهي مبسوطة اوي علشان شافته
شـمــس وهي بتشاور عليهم في الصور:الله بصي كده....ده نادر...وده معتز...وده ماجد!!!!!!
سلمي اول ما شافت الصورة فضلت مبرقة ومبلمة ودمعة نزلت من عنيها لانها شافت ماجد جنب نادر وجنبهم اخوهم معتز
وشمس بقت مخضوضة ومش فاهمة سلمي وشها اتغير كده ليه
شـمــس بخضة:ايه؟؟؟في ايه؟؟؟
سلمي فضلت بصة للصورة وتبص ل شمس وهي ساكتة
شـمــس بزعيق:ما تتكلمي....هو انتي توقفي قلبي من الخضة وتسكتي ومتنطقيش!!!فيه ايييه؟
سلمي ببكاء:مفيش انا بس فرحنالك اوي يا شمس
شـمــس بارتياح:اووووف يا شيخة وقعتي قلبي انا قولت حصل مصيبة
سلمي وهي بتمسح دموعها:مفيش صدقيني ...انا بس عايزة انام
شـمــس:طب مقولتليش هنعمل ايه في موضوع.....
سلمي مقاطعة بعصبية:يا شمس اطلعي بره قولتلك عايزة انام
شـمــس ببرود:براحتك...عن اذنك
وتخرج شمس
سلمي ببكاء وهي بتقفل الباب
"يا نهار اسووود بقي الي عمل فيا كل ده يبقي اخو الي شمس بتحبه وهتتجوزه"
سلمي وهي بتهدي:لالالا انا مستحيل اسكت ومستحيل اتكلم ومش عارفة اعمل ايه بس؟؟؟اعمل ايه؟؟؟؟ومقدرش حتي احدد رد فعل شمس لو عرفت....طب اعمل ايه بس؟؟؟
أنت تقرأ
حبي مثل المتاهه
Romantikفكرة مختلفة ونوع مختلف من الرومانسية الواقعية الاجتماعية وبعض الصدف والمفارقات الكوميدية الطبيعية التي يمكن ان يتعرض اليها اي شخص ولكن التعامل مع هذه المواقف يختلف من شخص لاخر!!!! شخصيات القصه شمس بنت جميلة في اوئل العشرينات توفت امها وابيها منذ فت...
