حبي مثل المتاهه

البارت السادس والعشرون والاخير

نادر رجع بيته بسرعة ودخل اوضة ماجد لانه عارف انه خرج ومش راجع دلوقتي وقعد يدور في الدولاب والكومودينو وفي كل حتة لحد ما اخيرا لقي ورقة محطوطة ف حتة مخفية شوية!!!!
نادر بزهول واندهاش:معقولة هي دي النسخة الي مع ماجد؟؟؟
نادر فتحها بسرعة لقاها هي فعلا!!!!!
نادر فضل يدقق في الامضة لقاها هي هي الامضة الي في الورقة الي مع سلمي واتاكدت ساعتها من كل حاجة
فجاة نادر يبص بفزع وخضة ناحية الباب
يلاقي معتز واقف وبيبص عليه
معتز:انت..انت بتعمل ايه في اوضة ماجد يا نادر؟؟
نادر بثقة وثبات:كنت بدور علي حاجة ضايعة مني
معتز بشك:ايه الورقة دي؟
نادر بزعيق:جري ايه يا معتز؟؟انت هتفتح محضر لاخوك الكبير؟؟
معتز بخوف:لا ابدا انا بس بسال مش اكتر
نادر بهدوء:تعالي يا معتز...عايز اسالك عن حاجة
معتز بيقرب من نادر بحذر وقدوا هما الاثنين جنب بعض
نادر:معتز...انت عارف خط ماجد صح؟
معتز:اه عارفه....بتسال ليه؟
نادر:طب بص كده في الورقة دي...قولي...ده خط ماجد؟؟؟
معتز بص في الورقة وهز راسه بمعني لا ولكن كان مرتبك لما قرا الورقة
معتز بخضة:ايه ده؟؟؟دي ورقة جواز عرفي
نادر بهدوء وتنهيد:اه...ورقة جواز عرفي...واخوك هو الي حطنا ف المصيبة دي...بس الاول بص تاني واتاكد
معتز بثقة:انا متاكد...بس مش علشان ده مش خطه وبس...انا متاكد علشان انا شاكك في حاجة تانية خالص
نادر باندهاش وشغف:ايه هي؟؟؟اتكلم؟؟
معتز:يعني هو موضوع معتبرتوش مهم وقتها بس هحكيلك
Flash back>
الباب خبط في شقة نادر وماجد راح فتح الباب
ماجد:اهلا اهلا يا اتش...ازيك؟
هشام:انا تمام...ايه يابني طلبتني ليه؟؟؟انا جيلك علي ملا وشي
ماجد بهمس:تعالي بس ندخل جوه علشان انا عايزك في مصلحة مهمة
هشام:خير؟؟
ماجد:تعالي ندخل
ماجد وهشام صاحبه يدخلوا اوضة ماجد
ماجد راح قفل الباب براحة
ماجد بهمس:بص بقي انا عايز منك خدمة
هشام:رقبتي يا معلم بس قولي ايه هي؟؟
ماجد طلع ورقتين من جيبه وحطهم علي الترابيزة
ماجد:هي حاجة سهلة جداااا مش هتتعبك في حاجة
هشام:مش فاهم
ماجد:بص يا سيدي انت هتمضي باسمي علي الورقتين دول تحت
هشام:وده ليه ده؟؟؟
ماجد:يا عم وانت مالك انت تعمل الي بقولك عليه وخلاص
هشام بقلق:شكلك بتعمل مصيبة وعايز تشركني معاك
ماجد:طيب....تاخد كام وتعمل الي بقولك عليه؟؟؟
هشام بطمع:اااه كده يبقي امضي وابصم بالعشرة كمان يا معلم...بس هتديني كام؟؟
ماجد:200 جنيه...ايه رايك؟؟
هشام بابتسامة:موافق طبعا هات وامضيلك
ماجد:ركز...هتمضي علي انك انا..هتمضي باسمي...ماشي؟؟
هشام بابتسامة:تمام...بس اوعي تكون هتنيل مصيبة؟؟
ماجد:يابني متخفش مش هيحصل حاجة...وادي ال200 جنيه اهم
هشام اخد ال200 جنيه ووحطهم في جيبه ساعتها كان معتز بيسمعهم من ورا الباب وشاف كل حاجة
Back◄
نادر بصدمة وعصبية:يا نهار ابوك اسود....ده انا اخويا زعيم عصابة بقي
معتز:طب ممكن بقي تفهمني الموضوع كامل لاني لسه بردو مش فاهم
نادر حكي ل معتز علي كل الي حصل
نادر وهو حاطك ايده علي راسه من التعب
"ممكن تقولي بقي اعمل ايه ف المصيبة السودا الي اخوك حطنا فيها دي...الامضة مش امضته يعني الورقة دي بخ ولا ليها اي لازمة وصاحبه الي مضي بداله مستحيل طبعا يتكلم لانه يخاف من المشاكل...وبعدين...العمل ايه؟؟"
معتز:انا شايف انك لازم تواجهه لانه ممكن يقع بلسانه كده ولا كده
نادر:حتي ان وقع بلسانه نثبتها ازاي؟؟
معتز بابتسامة وفخر:انا عندي فكرة بمليون جنيه...شوفتها في فيلم عربي قبل كده
نادر باهتمام:هااا قولها
شمس في بيتها قلقانة رايحة جاية
سلمي كانت قاعدة علي الكنبة
"ممكن تهدي بقي علشان انتي خيلتيني؟؟"
شـمــس بحزن:انا قلقانة اوي ومش مرتاحة
سلمي:يابنتي سيبيها علي الله...انا واثقة في نادر وعارفة قد ايه هو بني ادم طيب وشهم ومش ممكن يعمل حاجة تخالف ضميره ومبادئه
شـمــس بحزن وثقة:انا عارفة ومتاكدة من كده
سلمي:شمس...خفي عليه شوية...مكنش ينفع ابدا الاسلوب الي كلمتيه بيه...انتي كنتي شديدة اوي معاه في كلامك وتصرفاتك وهو ملوش اي ذنب
شـمــس بعصبية:خلاص..خلصتي نصايح ومواعظ؟؟
سلمي ببرود:انا رايي تكلميه وتتاسفيله...التليفون عندك
وتدخل سلمي اوضتها ببرود
شـمــس بغيظ:اتاسفلة؟؟؟؟ده في المشمش
نادر وهو قاعد مع معتز بيتكلم معاه
يرن هاتف نادر المتصل شمس ويجيب نادر علي الهاتف
مجرد ما نادر رد ملحقش حتي يقول الوو
شـمــس بندم:نادر انا اسفة اوي علي الطريقة الي كلمتك بيها انا كنت قليلة الذوق اوي معاك ارجوك متزعلش مني
نادر بابتسامة:ولا يهمك يا شمس...مكالمتك دي محت كل حاجة
شـمــس وهيبتفوق لنفسها بعصبية:بس لازم تفهم ان حق اختي لازم يرجع
نادر باندهاش كوميدي:بسم الله الرحمن الرحيم..انتي ايه عليكي عفريت دمه فاير كده طول الوقت...ده انتي لسه من دقيقة كنتي بتقوليلي اسفة
شـمــس بعصبية:يوووو اهو انا كده بقي
نادر بحب وابتسامة:وانا بحبك وانتي كده
شـمــس بعصبية:انت مش شايف ان الوقت مش مناسب
نادر وهو بيفوق لنفسه:اه صح صح...متقلقيش الموضوع هيتحل صدقيني...انا خلاص اتاكدت بنفسي
شـمــس ببرود:الحمدلله انك اخيرا صدقتنا...يعني مطلعناش كدابين ولا بنتبلي علي اخوك اهو
نادر:يا شمس حطي نفسك مكاني...ومع ذلك متقلقيش...كل حاجة هتتحل
شـمــس ببرود:اتمني فعلا ان كله يتحل...سلام
نادر:سلام
نادر قفل وهو زعلان وفاقد الامل ان علاقته ب شمس ترجع زي ما كانت
وبص ناحية معتز
معتز:الموضوع ده بقي مينفعش علي طول
نادر:يعني ايه؟؟
معتز:يعني لازم نستني شوية
نادر:قد ايه يعني؟
معتز بتنهيد:يومين كفاية علشان نخطط صح
نادر:تمام
معتز:اهم حاجة انت دلوقتي ترجع الورقة دي مكانها علشان ميحسش
نادر بسخرية:ياااا ده انت طلعت دماغ...اخويا رافت الهجان وانا معرفش؟؟
معتز:لا يا خفيف جيمس بوند...يلا روح رجعها
نادر قام يرجع الورقة مكان ما جابها
وماجد رجع من كليته ملقاش اي حاجة غريبة في الاوضة وفضل اخواته يتعاملوا معاه بشكل طبيعي وعادي لحد ما عدي اسبوع وشمس كانت قلقانة وافتكرت ان نادر ضحك عليها لما وعدها ان الموضوع هيتحل فا بقت بتكره سيرته وحاولت كتير تكلمه وهو مكنش بيرد عليها