حبي مثل المتاهه

البارت الثامن عشر

نادر فضل ماشي ورا اكرم بالعربية لحد ما وصل لكافيه
نادر لبس نظارة شمس وقعد في ترابيزة قريبة من ترابيزة اكرم
اكرم قاعد مستني شخص معين يجيله
وفجاة ييجي شخص ما ويقعد علي ترابيزة اكرم
نادر في صدمة:انا مش مصدق عنيا معقول يكون................ نيرة!!!! نيرة هي الي اكرم متفق معاها علي كده؟
نيرة علي الترابيزة مع اكرم
نيرة:اتاخرت عليك؟
اكرم:لا ابدا في معادك ياانسة....بس خير عايزاني في ايه؟
نيرة:بص بقي موضوع الشركات المتضررة من العطا ده انت متشغلش بالك بيه قدام الناس كلها شمس هي الي سربت العطا....انت فاهم؟
اكرم:تمام....وطب وبالنسبة للدفعة التانية الي طلبتها؟
نيرة:اممممم ده طمع بقي؟
اكرم:لا ابدا ده حق مش طمع
نيرة:طب اسمع بقي موضوع شمس ده احنا الاثنين لينا مصلحة فيه منه ابعدها عن سكة نادر ومنه تبقي ليك وتوافق علي ارتباطكوا من غير تردد
نادر وهو بيسمعهم
"ياااااااا قد كده انا كنت اعمي وغبي .....معقولة نيرة تعمل كده؟؟"
نيرة بتكمل كلامها:وخلاص كل واحد نال مراده من الموضوع ده....انا كتب كتابي علي نادر كمان يومين وانت وهي خلاص اتخطبتوا وهتتجوزوا قريب يبقي مفيش داعي بقي للطمع ده وكفاية اوي الي اخدته
اكرم بزعيق:لاااااا ده انا اقلب الترابيزة علي الكل
نيرة:طب وطي صوتك وانت بتتكلم مش عايزين فضايح...اول واحد الترابيزة هتتقلب عليه هو انت....انا بنت صاحب الشركة يعني مفيش عليا لوم انما انت مجرد سكرتير
اكرم خاف اوي من اسلوبها
"ماشي....خلاص...انا همشي بقي علشان واخد اذن نص ساعة بس ....سلام"
نيرة:سلام
ويذهب اكرم
نيرة هتفضل قاعدة
نادر فكر انه يقوم ل نيرة ويعرفها انها اتكشفت علي حقيقتها انما قرر انه ميعملش كده
نادر ندمان اوي علي الي قاله ل شمس وكل لما يفتكر كلامه ليها ومعملته ليها يزيد ندم وكره لنفسه
نادر في سره:شمس لازم تعرف حقيقة اكرم...لازم...وكتب كتابي انا ونيرة مش هيتم...احسن حل اتكلم مع شمس انهارده واقولها علي حقيقة السافل الي اسمه اكرم

شمس في المنزل مع سلمي ورضوي
شـمس رايحة جاية من القلق
شـمــس:يعني هيكون اتاخر ليه؟
رضوي:اقعدي بقي يا شمس خيلتينا
شـمــس:يوووو اعمل ايه بس قلقانة
وتتلقي شمس اتصال تليفوني المتصل ميادة (زميلتها في الشغل الجديد)
وتجيب شمس علي الهاتف
شـمــس:ازيك يا ميادة؟
ميادة:ايه يابنتي مجتيش الشغل ليه؟
شـمــس بارتباك:معلش حصلت ظروف
ميادة:طيب تمام ....اصل المدير سال عليكي
شـمــس:طيب قوليله حصلي ظروف طارئة
ميادة:طيب ....سلام
شـمــس:سلام
وفجاة الباب يخبط
تروح شمس تفتح بسرعة
مصطفي يدخل
شـمــس بقلق:ايه ياخالي اتاخرت ليه؟
مصطفي:معلش سبيني بس اقعد اخد نفسي وانا هقولك علي كل حاجة
شـمــس باستعجال:يووووو لسه هتقعد....ما تتكلم بقي سيبت ركبي
كان في كباية شاي مصطفي اخدها يشربها
"طيب اصبري بس اشرب الشاي وهحكيلك"
شـمــس وهي بتاخدها من ايده: لسه هتشرب الشاي؟؟؟ياجماعة حرام عليكوا انتو مش مقدرين خطورة الموقف الي احنا فيه ...احكي وخلصنا
مصطفي:طيب
شـمــس باستعجال:يلا يا خاااالي احكي بقي
مصطفي:طيب اصبري هحكي اهو....بصي يا ستي صعب اووي اووي اننا نعطر في الواد ده من اسمه ورقم التليفون الشركة باعته لحد تاني وبقي باسم حد تاني اما بقي من الكلية فا هما مستحيل يسربوا معلومات عن الطلبة لحد
شـمــس بعصبية:يا نهااار اسود...يعني ايييه؟يعني خلاص مش هنعرف نلاقيه؟
مصطفي:يابنتي هندور عليه في كل حتة وباذن الله هنلاقيه
شـمــس بقلق:ياربي حلها من عندك يارب
سلمي لما سمعت كده بدات تعيط
شـمــس:يابنتي كفاية بقي مش وقت بكي ونواح الوقت ده وقت تدبير وتفكير لحد ما نلاقي ابن الندلة ده الي عمل عملته وهرب
مصطفي:ماشي احنا هندور علشان نلاقيه...هنلاقيه فين؟
شـمــس:بص بقي ياخالي انت هتدور علي الواد ده في بيت بيت حارة حارة زنجة زنجة لحد ما نلاقيه....هتدور عليه فييين؟
مصطفي:زنجة زنجة؟؟؟جري ايه شمس انتي قلبتي القذافي من الصدمة ولا ايه؟
شـمــس بغيظ:ماشي يا خالي....الواد ده احنا لازم نجيبه من تحت الارض حتي ...اما كده اما البنت هتتفضح