حبي مثل المتاهه

البارت التاسع عشر

نادر:صدقيني يا شمس احلفلك باغلي حاجة عندي ان هي دي الحقيقة وانا لو كدبت علي العالم كله مستحيل......مستحيل اكدب عليكي
شمس بصتله بتصديق واهتمام
شـمــس بتمثيل عدم تصديق وعصبية:واشمعني انت عايزني اصدقك دلوقتي وانت مصدقتنيش
نادر:صدقيني انا ندمان علي الي قولتلهولك وندمان علي كل حاجة وكل دقيقة حالتي بتسوء زيادة بسبب الي عملته
شـمــس بسخرية وعصبية:وتندم ليه بقي وتعمل في نفسك كل ده؟؟؟
نادر مسكها من دماغها فجاة وهي كانت خايفة
نادر بزعيق وهو بيبص في عنيها:علشان....علشان انا بحبك ....بحبك يا شمس!!!!!
شمس مسمعتش الكلمة دي منه لان العربية دخلت بيهم في شجرة!!!
نادر كان سكران و كان مركز معاها اوي في الكلام فا منتبهش للطريق
نادر فاق بسرعة وهو سليم ومفيهوش اي جروح وفاجاة بص ناحية شمس بسرعة لقاها مجروحة في راسها ومغمي عليها
نادر بفزع:شمس!!!!! شمس قومي....يا شمس فوقي .....شمس!!!
لما لقاها مبتردش عليه شالها بسرعة ووقف تاكسي
نادر بلهفة:علي اقرب المستشفي بسرعة وحياتك
السواق:حاضر اتفضل اركب
نادر ركب جنب السواق ونيمها علي الكنبة الي ورا وطول الطريق عمال يبص عليها
اول ما وصلوا المستشفي نزل من العربية وشالها علي الاستقبال
شمس في اوضة الكشف نايمة علي سرير الكشف ونادر معاها
نادر بلهفة وقلق شديد:طمني يا دكتور هي مالها؟
الدكتور:متقلقش اوي كده حضرتك دي شوية جروح وكدمات بسيطة وهتخف علي طول
نادر بارتياح:الحمدلله
الدكتور:واضح انك بتحب المدام اوي
نادر:هااا المدام؟؟؟اه اه
الدكتور:طيب ماشي هي هتفوق علي طول وهتروح معاك متقلقش
نادر بتمني:يااارب
الدكتور خرج ونادر شد كرسي وقعد جنبها وفضل باصصلها
نادر كان شايل معاه موبايلها هيلاقيه فجاة يرن المتصل اكرم
نادر بابتسامة صفراء:طبعا تلاقيك بتتصل علشان تطمن علي الي خدعتها وفهمتها انك ملاك بيحبها
نادر قفل الموبايل
اكرم:الله....هي قافلة تليفونها ليه؟؟؟تلاقيها نامت ومش عايزة حد يزعجها ولا حاجة
نادر قاعد جنب شمس وهي محطوطلها بلاستر في دماغها
شمس بتفوق تتدريجيا
شـمــس وهي مش قادرة تتكلم:اّاّاّاّاّه اّاّاّه نادر.....نادر
نادر بلهفة وحنان:انا جنبك اهو...حمدلله علي السلامتك...انتي كويسة؟
شـمــس بفزع وخضة:ايه ده؟؟؟نادر؟؟انا فين؟
نادر بحب:متتخضيش انتي في المستشفي
شـمــس:مستشفي؟؟مستشفي ليه؟حصل ايه؟
نادر بخجل:يعني...حاجثة بسيطة كده...بس الحمدلله جت سليمة..انتي كويسة
شـمــس بغضب:طبعا لازم نعمل حادثة علشان سيادتك بتسوق وانت سكران
نادر بهمس:وطي صوتك شششششش هتفضحينا
شـمــس:اديني وطيت صوتي اهو اما نشةف اخرتها معاك...انت ايه يااخي مش كفاية اهنتني وعايز تفرق بيني وبين خطيبي الي بيحبني بجد وعايز تضيع فرحتي كمان فوق ده كله عايز تموتني
نادر بغضب:اسمعي بقي انا اتحملت صوتك العالي كتير اوي ...دي كانت حادثة وانا مكنتش اقصد اما بقي بالنسبة للشرب الي شربته فا كان بسببك
شـمــس:بسببي انا؟؟ليه بقي وانا الي قولتلك روح اشرب؟
نادر باندهاش:هو انتي ايه؟؟مش فاكرة اي حاجة؟؟
شـمــس:طبعا فاكرة....فاكرة انك بتعمل مكيدة علشان توقع بيني وبين اكرم بس انا مش هديك الفرصة دي
نادر اتاكد انها مسمعتوش وهو بيعترفلها بحبه فا زعل اوي وزاد حزنه وقلقه
نادر:يا شمس افهمي ابوس ايدك اكرم هو الي عملك مكيدة علشان يرفدك ابوس ايدك الموقف ميحتملش الي بتعمليه الموقف صعب
شـمــس بسخرية:لا برافو عليك فعلا عاملي فيها واعظ طب لما انت مفتح اوي كده ليه محستش اني ممكن اكون مظلومة
نادر بسرعة:عميت....ارتحتي؟؟علشان انا كنت اعمي بس دلوقتي خلاص الغشاوة اتشالت وفتحت
شـمــس كانت مصدقاه بس عقلها مش قادر يستوعب حيرانة ومش مصدقة ان اكرم ممكن يكون عمل كده
شـمــس بتحدي:وانا مش مصدقاك يا نادر واوعي بقي من سكتي علشان اروح
نادر:هوصلك لحد بيتك بتاكسي
شـمــس:الف شكر انا عارفة سكتي كويس وعارفة مصلحتي كمان
نادر:مش هسيبك تروحي لوحدك
شـمــس بغضب:وانا بقولك سبني في حالي يا نادر
شمس كانت لسه جاية تخرج لقت الدكتور
الدكتور:معلش يا مدام الاول بس نطمن عليكي وبعدها تخرجي
شـمــس باندهاش:مدام؟؟؟
الدكتور:اتفضلي اطمن بس عليكي قبل ما تمشي....علي فكرة جوز ضرتك كان قلقان عليكي اوي ربنا يخليكوا لبعض
شـمــس بصت ل نادر ساعتها بكسوف ونادر بصلها بصة حزن
الدكتور خلص كشف عليها
"تمام اوي دلوقتي تقدري حضرتك تمشي...اتفضلوا"
شمس خرجت من المستشفي ونادر دفع الحساب وطلع وراها
وهي ماشية وبتوقف تاكسي لقت فجاة شباب بيعاكسوها
الشاب:ايه؟الجميل بيعمل ايه هنا الساعة دي؟
شاب اخر:ما تيجي معانا يا قمر ولا انت مكسوف
شـمــس:ابعدوا عني يا زبالة انت وهو
الشاب الاول:احنا زبالة يا بت ماشي انا هوريكي
شـمــس بصريخ:الحقووووووني الحقووووني
نادر كان خلاص هيمشي ويسبها اول ما سمع صوتها جري عليها علي طول ونزل فيهم ضرب وهي كانت بتعيط وخايفة
جريوا كلهم بعد ما نادر ضربهم وشمس كانت بتبص وهي منبهرة
نادر بابتسامة و غرور:اممممممممم تيجي معايا اوصلك ولا اسيبك هنا علشان الشباب القمامير دول يتحرشوا بيكي؟؟؟
شـمــس بغيظ:عاااااااا يلا اتفضل وصلني بس خد بالك دي اخر مرة هشوف فيها خلقتك
نادر بابتسامة صفراء:يا سلام ده انت تؤمريني