حبي مثل المتاهه

البارت الحادى عشر

نادر:شمس......شمس انا.....انا....
شـمــس باهتمام:ايه؟
نادر:انا بح........
ولم يكمل نادر كلمته حتي جاءت سيارة مسرعة ناحية شمس
نادر بخضة وفزع وباعلي صوته:حسبي يا شــــــــــــمس
شمس تنتبه فجأة في فزع يقوم نادر يجري عليها بسرعة ويزقها بعيد عن العربية فا يقع عليها
نادر واقع عليها في الشارع والناس اتلمت عليهم ونيرة كانت بتفرج علي الموقف بغيظ
نادر بحنان:أنتِ كويسة؟
شـمــس بخوف:ممكن تقوم من فوقي بقي علشان الناس بتتفرج
نادر ياخد باله ويلاحظ
"هااا حاضر.....اتفضلي"
نادر يقوم من عليها وياخد ايديها ويقومها وهما عمالين يبصوا لبعض وتيجي نيرة من وراه
نيرة بجفاء:برافو برافو يا بطل ايه الشجاعة دي كويس انك انقذت زميلتك في الشغل وفرجت الناس عليك وانت واقع عليها في الشارع
نادر ميردش وشمس حاطة عنيها في الارض
نيرة بجفاء:ممكن تيجي معايا؟
شـمــس في خجل:طيب مع السلامة بقي يا نادر
وتذهب شمس وهي تدمع عيناها
نادر:يا شمس استني احنا لسه مكملناش كلامنا.......انا....
نيرة شدته من ايده
نادر:ممكن تفهميني بقي ايه الي عملتيه ده؟احرجتيها يا نيرة
نيرة:والله؟؟؟وانت شايف يعني ان منظرك انت وهي وانتو واقعين علي بعض في الشارع مكنش محرج
نادر:نيرة دي كانت حادثة
نيرة:ماشي يا نادر
نادر:ممكن تقوليلي بقي ايه الي جابك؟
نيرة:ايه مكنتش عايزني اجي ولا ايه؟
نادر:لا ابدا مجرد سؤال
نيرة:ماشي....انا جيت علشان اشوفك علشان وحشتني
نادر في سره:انا كنت علي وشك اني اقولها لولا أنتِ جيتي...أنتِ ايه حد مسلطك عليا؟؟
نيرة:نادر
نادر:..........................
نيرة:نااااااادر
نادر:ايه ؟؟معاكي معاكي
نيرة:لا انت مش معايا خالص
نادر:معلش طالع من الشغل تعبان والخضة الي حصلت دي ....ينفع ناجل كلامنا لبعدين
نيرة بغضب:اوك يا نادر ماشي اتفضل
نادر:مع السلامة
نيرة:باي
وتذهب نيرة
نادر في سره بغضب:يووو يعني كان لازم ده يحصل!!انا خلاااص كنت علي وشك اني اقولها ....بس مش عارف ازااااي ازاااي كنت هقولها كده؟؟؟انا خلااااص مبقتش فاهم حاجة
شمس رجعت البيت وهي بتعيط وسلمي وضوي يشوفوها
سلمي:مالك ياشمس بتعيطي ليه؟
رضوي:مالك؟؟فيكي ايه؟
شـمــس ببكاء:سبوني في حالي ملكوش دعوة بيا يلا كل واحدة علي مذاكرتها
سلمي بتنهيدة:حاضر هنريحك ونعمل الي أنتِ عايزاه بس الاول احكيلنا
شـمــس وهي بتمسح دموعها:قولت مفيش حاجة
سلمي بشك:براحتك يا شمس....يلا يا رضوي
نادر في غرفته
نادر:طب اعمل ايه؟؟ اتصل بيها؟
نادر بيمسك الموبايل بتردد جامد
"لالا انا لازم اتصل بيها اعتذرلها علي الي حصل...اكيد اضايقت"
نادر بيتصل بشمس
شـمــس شافت اسمه ورقمه قفلت الموبايل
نادر بخضة:ايه ده؟ دي قفلت الموبايل
شمس من غيظها راحت رمت الموبايل وكسرته
سلمي دخلت عليه وبصت علي الموبايل وهو مكسور
سلمي:ايه ده؟؟ايه الي كسره كده؟
شـمــس بعصبية:وأنتِ مالك أنتِ؟انا ياستي الي كسرته انا حره
سلمي:جري ايه يا شمس هو حصل ايه لكل ده؟
شـمــس:الي حصل انه......انه...ممكن تسبيني دلوقتي ؟
سلمي:لا مش هسيبك الا ما تحكيلي
شـمــس في استسلام:ماشي ....هتنيل احكيلك