حبي مثل المتاهه

البارت العاشر

شمس ورضوي قلقوا اوي علي سلمي ودخلوا وراها الحمام
شـمــس بقلق وفزع:يا سلمي مالك في ايه؟؟؟اوديكي لدكتور
سلمي:لا انا كويسة يمكن بس اخدت برد في معدتي
شـمــس:خلاص لو تعبانة بلاش جامعة بكره
سلمي:هااا لالا انا تمام .....انا كويسة
شـمــس:طبعا مهو كله من الاكل الي بتاكلوه بره...100 مرة انبه عليكوا بلاش تشتروا اكل من بره مفيش فايدة
سلمي:خلاص يا شمس مش مهم اكيد شوية برد وهيروحوا لحالهم
شـمــس:ماشي بلاش جامعة بكره وروحي اوضتك وهعملك كباية لبن تشربيها
سلمي:لا ياشمس شكرا روحي أنتِ نامي انا هبقي كويسة بكره
شـمــس:متاكدة؟
سلمي:اه يلا زي ما بقولك كده...روحي ومتخديش في بالك
رضوي:متقلقيش ياشمس انا معاها لو احتاجت حاجة
شـمــس:ماشي....تصبحوا علي خير
رضوي وسلمي:وأنتِ من اهله ياشمس
تذهب شمس الي غرفتها وتذهب كل من سلمي ورضوي الي غرفتهم
تتلقي شمس اتصال من نادر وتجيب شمس علي الهاتف
شـمــس في فرحة:اّاّاّاّاّ الوو.....ازيك يا نادر؟
نادر بفرح: يااااا كويس انك سجلتي رقمي
شـمــس:هااا اه سجلته عادي يعني
نادر:طيب تمام...اخبارك؟
شـمــس في سعادة:الحمدلله
نادر:في مانع لو شوفتك بعد الشغل؟
شـمــس في فرحة شديدة:لاابدا مفيش مانع...بس ليه؟
نادر:هااا حاجة بخصوص الشغل
شـمــس بابتسامة وسعادة:طيب تمام...تصبح علي خير
نادر:وأنتِ من اهله
ويغلق نادر الخط
نادر:انا مش هخاف من حاجة ولا من حد انا هتشجع و اول ما اشوفها هقولها في وشها شمس علي كل الي بيحس بيه من ناحيتها
نيرة تقوم بالاتصال ب نادر
"يووو وده وقتك دلوقتي"
يجيب نادر علي الهاتف
"الووو"
نيرة:ازيك يا حبيبي؟
نادر ببرود:الحمدلله بخير
نيرة:بصراحة وحشتني اوي ولقيتك مبتسالش قولت اسئل
نادر:معلش أنتِ عارفة ظروف الشغل
نيرة في سرها:اه طبعا عارفة وعارفة كمان انك مهتم اوي بالي اسمها شمس دي وانا قريتها في عنيك يا نادر واكتر من مرة تغلط في اسمي وتقولي يا شمس
نادر:في حاجة؟
نيرة:لا ابدا كنت عايزة ابلغك ان بابا مستعجل علي كتب الكتاب وعايزه في اقرب وقت
نادر:هاااااا بس يعني.....
نيرة:بس ؟؟؟هو انت مش مستعجل ولا ايه؟
نادر:لا اقصد يعني......انا اتفاجات..اديني مهلة ادبر اموري
نيرة:اوك يانادر تصبح علي خير
نادر:وأنتِ من اهله
ويغلق نادر الخط
"وبعدين بقي انا هتصرف ازاي؟؟مقدرش افسخ الخطوبة لانه اكيد ابوها هيرفدني من الشغل ومقدرش افرط في شغل زي ده وكمان مقدرش اتجوزها وانا مش حاسس تجاهها باي احساس...اوووووف ياربي بقي
شمس في غرفتها في منتهي السعادة
"ياتري عايزني ليه بكره؟؟يلا يا خبر بفلوس بكره يبقي ببلاش"
وتذهب شمس الي النوم

سلمي ورضوي في غرفتهم
رضوي:بقيتي احسن دلوقتي؟
سلمي في حزن وارتباك:اه.... تمام
رضوي:طب يلا تصبحي علي خير
سلمي:وأنتِ من اهله
تذهب رضوي الي النوم بينما تبقي سلمي مستيقظة
Flash back>
ماجد:بصي بقي انا مقدرش افاتح اخويا في موضوع جوازنا دلوقتي
سلمي بخضة:ليه؟؟؟
ماجد:بصراحة بقي انا ظروفي متسمحش بارتباط خالص وأنتِ عارفة كده كويس علشان موضوع اخويا وكده
سلمي:يعني بقي الكلام ده؟؟طب والعمل؟
ماجد:بصي ياستي احنا دلوقتي هنتجوز عرفي مؤقتا وليا شقة هاجرها شرك انا و2 تانين ب500 جنيه في الشهر ونتقابل فيها...ها قولتي ايه؟
سلمي:نعم؟؟؟؟؟؟؟؟لا طبعا انت اتجننت؟انت عايزني اتجوز بالطريقة دي من ورا اهلي
ماجد:يا حبيبتي ده بصفة مؤقتة وبعدين أنتِ عارفاني كويس وعارفة اني بحبك وعلي العموم خلاص براحتك لو عايزة نفترق
سلمي:لا طبعا يا ماجد...انا بحبك ومش ممكن اتخلي عنك
ماجد:لا يا سلمي أنتِ مبتحبنيش لو كنتي بتحبيني كنتي وثقتي فيا زيادة ووافقتي علي القرار ده...انا عارف انه قرار مش سهل بس مش بايدي حاجة اعملها
سلمي:ماجد الي بتقوله ده مستحيل
ماجد:ليه هو احنا هنعمل حاجة غلط؟
سلمي:اه طبعا هنعمل حاجة غلط انت اتجننت؟
ماجد بسخرية:صدقيني يا سلمي ده بصفة مؤقتة
سلمي:انت عارف لو اختي الكبيرة عرفت ممكن تعمل ايه؟
ماجد:يوووو يادي اختك الكبيرة الي فلقاني بيها وبتخافي منها...بصي بقي أنتِ حره براحتك بس لازم تعرفي ان انا بحبك ولا يمكن اعمل حاجة تضرك ابدا
سلمي هتصدق كلامه وهتنخدع
سلمي في تردد:ماشي انا موافقة ....مفيش مانع.... بس لازم تامني الاول
ماجد:يعني ايه؟
سلمي:يعني لازم يبقي معايا نسخة
ماجد في قلق:اه طبعا طبعا يا سلمي لازم اّمنك طبعا
سلمي:خلاص يبقي استبينا
ماجد يطلع من جيبه ورقتين
"بصي بقي انا مجهز كل حاجة اهو الورقتين اهم وعليهم امضتي...يلا امضي بقي"
سلمي توقع علي الورقتين
ماجد:مبروك ياحبيبتي
سلمي:مبروك يا حبيبي
Back◄
سلمي:انا خايفة اوي شمس متسامحنيش علي الي عملته لما تعرف
في اليوم التالي تصل شمس الي العمل ونادر لم يصل بعد
شـمــس:صباح الخير
الموجودين:صباح النور
شـمــس وهي بتبص علي مكتب نادر:امال فين..................
اكرم مقاطعا :تقصدي رانا؟؟لا مهي ماجاتش علشان عقبال عندك فرحها بكره الخميس
شـمــس بارتباك:هااا اه طيب ماشي شكرا يا اكرم انك فكرتني انها مجتش علشان الفرح
شـمــس في سرها:ياتري موصلش ليه لحد دلوقتي؟؟
وفجأة نادر يصل
"صباح الخير يا جماعة"
شـمــس بابتسامة:صباح النور
نادر وهو مبلم وبيبصلها
"صباح الفل"
شـمــس:احم احم ياتري الملف بتاع البوسطا جاهزة
نادر:هااا اه جاهزة
اكرم يلاحظ نظراتهم لبعض
اكرم:ايه نسيب بقي شغلنا ونقضيها سلامات يا عم نادر
نادر:هااا معلش انا اسف اصلي لسه واصل
اكرم:يلا قدامنا شغل كتير
شـمــس في سرها:ربنا يخدك يا اكرم
نادر يقعد علي مكتبه
"هااا الايميل الي هنبعته جاهز؟"
اكرم:لسه شوية
نادر:طب يلا شد حيلك عايزين نخلص بقي
شـمــس:البت رانا دي وحشتني اوي يلا ربنا يتمملها بخير....انا عايزة اشرب قهوة
نادر:استني بقي هموت واشرب فنجان قهوة
نادر&شمس:عم متولي!!!!
متولي:نعم؟؟مين فيكوا الي عايزني؟
نادر وشمس يبصوا لبعض
نادر&شـمــس:فنجنان قهوة وحياتك
متولي:انتو الاثنين؟
يبصوا لبعض تاني
نادر&شـمــس:بس يكون علي الريحة
متولي:حااااضر...حاجة تانية
ميردوش
متولي:طيب انا رايح
نادر وشمس بصوا لبعض وعمالين يضحكوا
شمس طلعت اظرف العطاء من الدرج علشان تطمن انهم موجودين واكرم هيبص علي الاظرف باهتمام
نادر وهو بيقوم:معلش يا اكرم انا هروح الحمام
اكرم:هااا ماشي اتفضل
يذهب نادر
زميل اخر:شمس المدير عايزك في مكتبه جوه
شـمــس:حاضر جاية معاك اهو
وتذهب شمس